టీడీపీ ఎమ్మెల్యే వీరంగం

చింతమనే ప్రభాకర్ కొల్లేరు ప్రాంతంలో అటవీశాఖ నిబంధనలకు విరుద్ధంగా రహదారిని నిర్మించారు. దీనిపై ప్రశ్నించిన అధికారులపై గతంలో కూడా ఓసారి దాడులకు పాల్పడ్డారు. ఈ ఘటనకు సంబంధించి ఎమ్మెల్యేపై కేసు కూడా నమోదు అయింది. కాగా మరోసారి అధికారులను ఇష్టమొచ్చినట్లు తిట్టారు. గతంలో ఇసుక అక్రమ తవ్వకాలను అడ్డుకునేందుకు వెళ్లిన కృష్ణాజిల్లా ముసునూరు ఎమ్మార్వో డి.వనజాక్షిపైనా చింతమనేని ప్రభాకర్ అతి అనుచరగణం దాడులకు తెగబడ్డారు.  అప్పట్లో ఈసంఘటన రాష్ట్రవ్యాప్తంగా సంచలనం సృష్టించింది. చంద్రబాబు అండచూసుకొని చింతమనేని దాడులు, దౌర్జన్యాలతో బరితెగిస్తుండడంతో అధికారులు బెంబేలెత్తుతున్నారు.