తెలుగుతమ్ముళ్ల గుండెల్లో గుబులు

 

ఐడీఎస్‌ స్కీంలో రూ.10 వేల కోట్లు ఒక్కరే కట్టారని వైయస్సార్‌ సీపీపై గ్లోబెల్‌ ప్రచారం చేస్తున్న నేతలు దమ్ముంటే ఆవివరాలు ఎవరిచ్చారో వారి పేర్లను బయటపెట్టాలని సవాల్‌ విసిరారు. చంద్రబాబు రెండున్నరేళ్ల పాలనలో ప్రజలకు ఉపయోగపడే ఏ ఒక్క కార్యక్రమాన్ని చేపట్టలేదని దుయ్యబట్టారు. కేవలం వైయస్సార్‌ సీపీ నేతలపై నోరుపారేసుకుని చంద్రబాబు, లోకేష్‌ల వద్ద పేరు సంపాదించాలన్న తాపత్రయంతో మంత్రులు వ్యవహరిస్తున్నారని మండి పడ్డారు. స్వయం ప్రతిపత్తి గల సంస్థలు వివరాలు చెప్పినట్లుగా టీడీపీ నేతలు ప్రచారాలు చేయడం హాస్యాస్పదంగా ఉందన్నారు. ఇష్టానుసారంగా నోరుపారేసుకుంటే ప్రజలు చూస్తూ ఊరుకోరన్న విషయాన్ని గుర్తుంచుకోవాలని హితవు పలికారు