'శివరామకృష్ణన్ కంటే నారాయణ గొప్పవారా'

ఎన్నికల్లో హవాలా నడిపిన మంత్రి నారాయణకు కార్పొరేట్ శక్తులకు లబ్ది చేకూర్చడమే లక్ష్యమా అని తమ్మినేని సీతారాం నిలదీశారు. రాజధాని ఎంపికలో నారాయణ కమిటీ నివేదిక ప్రజల్లో అనుమానాలకు దారితీసేలా ఉందని తప్పుపట్టారు. 60 అంతస్తుల భవనాల్లో ప్రభుత్వ కార్యాలయాలు ఏర్పాటు చేస్తే ఇన్ని వేల ఎకరాలు సేకరించడం ఎందుకని తమ్మినేని సీతారాం విమర్శించారు. ఇప్పటి వరకు రాజధాని మాస్టర్ ప్లానే ఇవ్వలేదని, మరో 4 నాలుగేళ్లలో రాజధాని నిర్మాణం ఎలా పూర్తవుతుందని ప్రశ్నించారు. ప్రభుత్వం నిర్ణయాలపై పునరాలోచించుకుని, ప్రజల సమస్యలపై దృష్టిపెట్టాలని తమ్మినేని సీతారాం హితవు పలికారు.