మోసకారి బాబును నిలదీయండి

విశాఖపట్నం(మునగపాక): మోసపూరిత పాలన సాగిస్తున్న చంద్రబాబును ఎక్కడిక్కడ నిలదీయాలని ఏపీ ప్రతిపక్ష నేత, వైయస్సార్సీపీ అధ్యక్షుడు వైయస్ జగన్ ప్రజలకు పిలుపునిచ్చారు. విశాఖ జిల్లా యలమంచిలి నియోజకవర్గం మునగపాకలో జరిగిన బహిరంగసభలో ఆయన ప్రసంగించారు. ఈసందర్భంగా మాట్లాడుతూ వైయస్ జగన్ ఏమన్నారంటే....

• బ్యాంకుల్లో పెట్టిన బంగారం ఇంటికి రావాలంటే బాబు ముఖ్యమంత్రి కావాలన్నాడు. 
• రైతుల రుణాలన్నీ బేషరతుగా మాఫీ కావాలంటే బాబు ముఖ్యమంత్రి కావాలన్నాడు.
• ఆఖరికి చిన్నపిల్లలను కూడా వదల్లేదు. జాబు రావాలంటే బాబు ముఖ్యమంత్రి కావాలన్నాడు. 
• బాబు ఐతే ముఖ్యమంత్రి అయ్యాడు. ఇలా ఎవరినీ వదిలిపెట్టకుండా అబద్ధపు హామీలిచ్చి అందరినీ మోసం చేశాడు.
• బాబు అవినీతి, మోసాలను ఎండగట్టేందుకే గడపగడపకూ వైయస్సార్ కాంగ్రెస్ కార్యక్రమం చేపట్టాం. 
• ముఖ్యమంత్రి స్థాయిలో ఉన్న వ్యక్తి ఓట్లు వేయించుకున్న తర్వాత ప్రజలను మోసం చేస్తే ఏం చేయాలి అని అడుగుతున్నా.
• ముఖ్యమంత్రిని కదా ఏమైనా చేయొచ్చు, ఎన్ని అబద్ధాలైనా ఆడొచ్చు అంటే రాజకీయ వ్యవస్థ దిగజారిపోతుంది. మనలో చైతన్యం రావాలి. 
• ఏ నాయకుడైనా పలానా చేస్తానని మాట ఇచ్చి అది చేయకపోతే... ప్రజలు నిలదీస్తారన్న భయం పుట్టాలి. 
• రాజకీయ వ్యవస్థ బాగుపడాలన్నా, నాయకుల్లో మార్పు రావాలన్నా మనమంతా ఒక్కటవ్వాలి. 
• ఆ రోజు ఏం చెప్పావు, ఎన్నికలయిపోయాక  ఏం చేస్తున్నావు బాబు. మోసం చేయడం నీకు తగునా అని నిలదీయాలి.
• అప్పుడే వ్యవస్థ బాగుపడుతుంది. నాయకుల్లో మార్పు వస్తుంది. 
• యలమంచిలి నియోజకవర్గ కోఆర్డినేటర్లు అయిన నాగేశ్వరరావు, ప్రసాద్ లను ఆదరించండి. 
• బాబు పాలనలో జరుగుతున్న మోసాలను నిలదీయండి. వైయస్సార్సీపీని ఆశీర్వదించండి.
• వారిద్దరికి ఒకటే చెబుతున్నా.... ప్రజల దగ్గరకు వెళ్లి వారి బాధల్లో పాలుపంచుకొని, తోడుగా ఉన్నామని భరోసా కల్పించండి. 
• బాబు చేస్తున్న మోసాలను ప్రజలకు వివరించి ...ఎన్నికల్లో ఇచ్చిన మాటను నిలబెట్టుకున్నాడా లేదా అన్నది వారినే అడగండి. మార్కులు వేయించండి.  సంఘీభావం తెలుపుతూ తోడుగా నిలవండి.
• ఈసందర్భంగా వివిధ పార్టీల నుంచి పెద్ద ఎత్తున నేతలు వైయస్సార్ కాంగ్రెస్ పార్టీలో చేరారు. అధ్యక్షులు వైయస్ జగన్ స్వయంగా పార్టీ కండువా కప్పి వారిని సాదరంగా ఆహ్వానించారు.