ఉద్యోగం ఎండ‌మావే-ఎమ్మెల్యే ఆర్కే

మంగ‌ళ‌గిరి) రాజ‌ధాని ప్రాంతంలో ఉద్యోగం అంటే ఎండ‌మావే అని మంగ‌ళ‌గిరి వైఎస్సార్సీపీ ఎమ్మెల్యే రామ క్రిష్ణారెడ్డి అభిప్రాయ‌పడ్డారు. సీ ఆర్ డీ ఏ రిక్రూట్ మెంట్ లు అన్నీ హేళ‌న‌గా త‌యారు అవుతున్నాయ‌ని ఆయ‌న అన్నారు. గుంటూరు జిల్లా మంగ‌ళ‌గిరి మండ‌ల నిడ‌మ‌ర్రు లో ఒక ప్రైవేటు కార్య‌క్ర‌మంలో ఆయ‌న పాల్గొన్నారు. సీఆర్ డీ ఏ అధికారులు నిర్వ‌హించిన ప్ర‌తిభ ప‌రీక్ష‌లో గెలిచిన అభ్య‌ర్థుల‌కు కూడా అన్యాయం జ‌రుగుతోంద‌ని ఆయ‌న అన్నారు. ప్ర‌తిభ క‌న‌ప‌రిచినా మంత్రికి న‌చ్చ‌లేద‌న్న కార‌ణంగా అన్యాయం చేశార‌ని ఆయ‌న వివ‌రించారు. రాజ‌ధానిలో ఉద్యోగాలు ఎండ‌మావిలా త‌యారు అవుతున్నాయ‌ని ఎమ్మెల్యే ఆర్కే అన్నారు.