రాజమండ్రి పార్లమెంటరీ జిల్లా అధ్యక్షుడిగా కవురు

తూర్పు గోదావ‌రి: వైయ‌స్ఆర్  కాంగ్రెస్‌ పార్టీ అధినేత వైయ‌స్‌ జగన్‌మోహన్‌రెడ్డి ఆదేశాల మేరకు జిల్లాలోని వైయ‌స్ఆర్‌ సీపీ నేతలకు పార్టీ పదవులు కేటాయిస్తూ పార్టీ కేంద్ర కార్యాలయం ఉత్తర్వులు జారీ చేసింది. పశ్చిమగోదావరి జిల్లా ఆచంట నియోజకవర్గానికి చెందిన కవురు శ్రీనివాస్‌ను రాజమండ్రి పార్లమెంటరీ జిల్లా అధ్యక్షుడిగా, భీమవరం నియోజకవర్గానికి చెందిన కొయ్యే మోషేన్‌రాజును పార్టీ రాష్ట్ర ప్రధాన కార్యదర్శిగా నియమిస్తూ ఆదేశాలు జారీ అయ్యాయి. ఉండి నియోజకవర్గానికి చెందిన కరిమెరక రామచంద్రరావును పార్టీ  పంచాయతీ రాజ్‌ విభాగం రాష్ట్ర ప్రధాన కార్యదర్శిగా, ఏలూరు నియోజకవర్గానికి చెందిన వీరవల్లి లక్ష్మికుమార్‌ను రాష్ట్ర లీగల్‌ సెల్‌ ప్రధాన కార్యదర్శిగా నియమిస్తూ పార్టీ కేంద్ర కార్యాలయం ఉత్తర్వులు జారీ చేసింది.