'ప్రజాదరణ చూసి ఆ పార్టీల అసత్య ఆరోపణలు'

నెల్లూరు : శ్రీమతి షర్మిల మరో ప్రస్థానం పాదయాత్రకు ప్రజల నుంచి ఆదరణ రోజురోజుకూ పెరుగుతున్నదని నెల్లూరు ఎం.పి. మేకపాటి రాజమోహన్‌రెడ్డి పేర్కొన్నారు. ఆమెకు వస్తున్న జనాదరణను చూసి ఓర్వలేక కాంగ్రెస్, ‌టిడిపి, బిజెపి నాయకులు అసత్య ఆరోపణలు చేస్తున్నారని ఆయన దుయ్యబట్టారు. ప్రధానంగా  శ్రీమతి షర్మిల కాలికి దెబ్బ తగలలేదని  టిడిసి, బిజెపి నాయకులు మాట్లడడం నీచాతినీచమన్నారు. ఆమె మోకాలికి గాయం కాకపోతే పాదయాత్ర ఆపాల్సిన అవసరం లేదన్నారు. మోకాలికి గాయం కాకపోతే శ్రీమతి షర్మిల మరో ప్రజాప్రస్థానం కోస్తా ప్రాంతంలో జరుగుతూ ఉండేదన్నారు. ఇప్పటికైనా ఆ పార్టీలు దిగజారుడు రాజకీయాలు మానుకోవాలని మేకపాటి హితవు పలికారు.