పోల‌వ‌రం ప్రాజెక్టుకు మ‌రికొంత స‌మ‌యం కావాలి : కేంద్ర‌మంత్రి ఉమా భార‌తి

పోల‌వ‌రం ప్రాజెక్టు గ‌డువులోగా పూర్తికాదు:  కేంద్ర జ‌ల‌వ‌న‌రుల శాఖ మంత్రి ఉమాభార‌తి 

పోల‌వ‌రం ప్రాజెక్టు గ‌డువులోగా పూర్తికాద‌ని స్వ‌యంగా కేంద్ర జ‌ల‌వ‌న‌రుల శాఖమంత్రి ఉమాభార‌తి మీడియాకు వివ‌రించారు. పోల‌వ‌రానికి కొంత కాల‌ప‌రిమితి పెంచాల‌ని, ప్రాజెక్టు నిర్మాణానికి ఆధారిటీని ఏర్పాటు చేశామ‌ని తెలిపారు. పోల‌వ‌రం ప్రాజెక్టు పూర్తి కార్యాచ‌ర‌ణ‌, ప్ర‌ణాళిక‌ల‌ను చ‌ర్చించ‌డానికి ఢిల్లీకి రావాల్సిందిగా ఏపీ సీఎం చంద్ర‌బాబుకు తెలిపామ‌ని, సీఎంతో చ‌ర్చించి ప్రాజెక్టుకు కొత్త కాల‌ప‌రిమితిని నిర్ధారిస్తామ‌ని పేర్కొన్నారు. ప్రాజెక్టుకు నిధుల కొర‌త లేద‌ని, ఈ ప్రాజెక్టుకు రూ. 200 కోట్లు అందించామ‌ని, ఇప్ప‌టికి రూ. 500 కోట్లు విడుద‌ల చేశామ‌ని, ఈ నిధులు స‌రిపోవ‌ని ప్రాజెక్టుకు రూ. 1,600 కోట్లు విడుద‌ల చేయాల‌ని నీతి ఆయోగ్‌ను కోరామ‌న్నారు.