'పథకాల అమలు నిల్‌‌ ... కష్టాలు ఫుల్'

చేవెళ్ల, 27 ఏప్రిల్‌ 2013: మహానేత డాక్టర్ వై‌యస్ రాజశేఖరరెడ్డి ‌అధికారంలో ఉన్నప్పుడు అన్ని పథకాలూ తమకు సక్రమంగా అందేవని చేవెళ్ళ ప్రజలు చెప్పారు. ఆయన మరణానంతరం ఏ పథకమూ అందక తమ జీవితాలు దుర్భరంగా మారిపోయాయని వారు ఆవేదన వ్యక్తంచేశారు. వైయస్‌ఆర్‌ కాంగ్రెస్‌ పార్టీ గౌరవ అధ్యక్షురాలు శ్రీమతి వైయస్‌ విజయమ్మ చేవెళ్ళలో శనివారం నిర్వహించిన రచ్చబండ కార్యక్రమంలో స్థానిక ప్రజలు తమ ఆవేదనను వ్యక్తం చేశారు. అధికంగా వచ్చిన కరెంట్ బిల్లులను‌ ఒకరు చూపిస్తే... పింఛన్లు రావటం లేదని వృద్ధులు కన్నీరు పెట్టారు. ఏం తినాలి, ఎట్లా బతకాలని వారు ఆవేదన చెందారు. పార్టీ మీటింగులకు వెళ్ళలేదని తమకు ఇచ్చే పింఛన్‌ను కట్‌ చేయడం ఏ విధంగా సమజసం అంతుందని ఒక వృద్ధురాలు మొరపెట్టుకున్నది.