పన్నులతో జనం నడ్డివిరుస్తున్న ప్రభుత్వం

పరీక్షల సమయంలో విద్యుత్ ఉండటం లేదని విద్యార్థులు‌ శ్రీమతి షర్మిల ముందు ఆవేదన వ్యక్తం చేశారు. తాగునీరు లేదని, రేషన్ కార్డులు లేవని, పెన్ష‌న్ అందడం లేదని‌ పలువురు మహిళలు తెలిపారు. ప్రజలపై భారం పడకుండా మహానేత డాక్టర్‌ వైయస్ రాజశేఖరరెడ్డి అభివృద్ధి కార్యక్రమా‌లను సక్రమంగా నిర్వహించారని శ్రీమతి షర్మిల ఈ సందర్భంగా తెలిపారు. రాజన్న రాజ్యంలోనే అన్ని వర్గాలు లాభపడ్డారని చెప్పారు. జగనన్న వస్తారని, మళ్లీ రాజన్న రాజ్యం వస్తుందని భరోసా ఇచ్చారు. రైతులు, మహిళలకు వడ్డీలేని రుణాలను జగనన్న అందజేస్తారని చెప్పారు.‌ మన రాష్ట్రాన్ని మహానేత వైయస్ హరితాంధ్రప్రదేశ్ చేస్తే, కిర‌ణ్‌కుమార్‌రెడ్డి అంధకారప్రదేశ్గా మార్చారన్నారు. చంద్రబాబుకు చెప్పినట్లుగానే, కిర‌ణ్‌కుమార్‌రెడ్డికి కూడా ప్రజలు గుణపాఠం చెప్పాలని శ్రీమతి షర్మిల పిలుపునిచ్చారు.