నీటిని విడుదల చేయకపోతే జిల్లా వ్యాప్తంగా ఆందోళనలు

వైయస్‌ఆర్‌ జిల్లా: సర్వరాయసాగర్‌కు నీటిని విడుదల చేయకపోతే జిల్లా వ్యాప్తంగా ఆందోళనలు చేపడుతామని వైయస్‌ఆర్‌ కాంగ్రెస్‌ పార్టీ ఎమ్మెల్యే రవీంద్రనాథ్‌రెడ్డి ప్రభుత్వాన్ని హెచ్చరించారు. గండిపేట నుంచి సర్వరాయసాగర్‌కు నీరు విడుదల చేయాలని కోరుతూ రవీంద్రనాథ్‌రెడ్డి చేపట్టిన పాదయాత్ర ముగిసింది. ఈ సందర్భంగా కడప జిల్లా కలెక్టరేట్‌ వద్ద రైతులతో మహాధర్నా చేపట్టారు. ఈ ధర్నాలో ఎమ్మెల్యేలు రఘురామిరెడ్డి, అంజద్‌బాషా, మాజీ మంత్రి వైయస్‌ వివేకానంద్‌రెడ్డి, అమర్నాథ్‌రెడ్డి, మేయర్‌ సురేష్‌బాబులు పాల్గొన్నారు. నీటిని విడుదల చేస్తామని కలెక్టర్‌ హామీ ఇవ్వడంతో ధర్నా విరమించారు. 25వ తేదీలోగా నీరు విడుదల చేయకపోతే జిల్లా వ్యాప్తంగా ఆందోళనలు చేపడుతామని హెచ్చరించారు.