ప్రజల్ని కొనలేరు చంద్రబాబూ..!

రైల్వేకోడూరు: నాయకుల్ని కొన్నంత మాత్రాన  ప్రజల్ని కొనటం చంద్రబాబుకి సాధ్యం కాదని, ఆ విషయం టీడీపీ గ్రహించాలని రైల్వే కోడూరు వైయస్సార్సీపీ ఎమ్మెల్యే
కొరముట్ల శ్రీనివాసులు హితవు పలికారు. అవినీతి, అక్రమ సంపాదనతో అడ్డుగోలుగా ఎమ్మెల్యేలను కొన్న విషయం పార్టీ ఆధ్వర్యంలో
కేంద్రం దృష్టికి తీసుకెళ్లామన్నారు. అలాగే సీపీఎం నాయకుడు సీతారాం ఏచూరికి
వివరించామన్నారు.  స్థానిక వైయస్ అతిథి మందిరంలో ఆయన మీడియాతో
మాట్లాడారు. రాష్ట్రంలో
మాఫియాల పర్వం కొనసాగుతోందని కొరుముట్ల అన్నారు. ఇసుక, మైనింగ్ ఇలా చెప్పుకుంటూ పోతే మాఫియా చాలానే
ఉన్నాయన్నారు. ఎన్టీఆర్ హయాంలో గాలేరు-నగిరి పనులకు శ్రీకారం చుడితే వైఎస్
రాజశేఖరరెడ్డి సీఎంగా ఉన్నప్పుడు వాటి పనులకు రూ. 10 వేల కోట్లు మంజూరు చేశారని గుర్తు చేశారు. డబ్బు, పనులకు ఆశ పడి టీడీపీ తీర్థం పుచ్చుకున్న
ఎమ్మెల్యేలకు దమ్ముంటే రాజీనామా చేసి ప్రజల్లోకి వెళ్లి గెలవాలని హెచ్చరించారు. ఎన్నికల
ముందు చంద్రబాబు ప్రజలకు 198
హామీలు ఇచ్చారని, వాటిలో పింఛను ఒక్కటే అదీ అరాకొర మాత్రమే అమలు
చేశారని విమర్శించారు. టీడీపీ రెండు సంవత్సరాల కాలంలో ప్రజలకు ఒరగబెట్టిందేమీలేదని, ఆ పార్టీ నాయకులకే అంతా కట్టబెట్టారని
మండిపడ్డారు. 

 

తాజా వీడియోలు

Back to Top