ఓటమి భయంతో రాద్దాంతం

మండపేట (తూర్పుగోదావరి) : నంద్యాల ఉప ఎన్నిక సందర్భంగా వైయస్సార్‌ కాంగ్రెస్‌పార్టీ అధ్యక్షులు వైయస్‌ జగన్‌మోహన్‌రెడ్డి బహిరంగ సభకు భారీ ఎత్తున ప్రజలు తరలిరావడంతో టీడీపీ నేతలకు ఓటమి భయం పట్టుకుని అనవసర రాద్దాంతం చేస్తున్నారని వైయస్సార్‌ కాంగ్రెస్‌పార్టీ నియోజకవర్గ కోఆర్డినేటర్‌ వేగుళ్ల లీలాకృష్ణ ధ్వజమెత్తారు. జగన్‌మోహన్‌రెడ్డిపై అవాకులు, చవాకులు పేలితే సహించేది లేదన్నారు. పార్టీ కార్యాలయంలో పార్టీ యువజన విభాగం రాష్ట్ర సంయుక్త కార్యదర్శి దూలం వెంకన్నబాబు, పార్టీ నేతలతో కలిసి లీలాకృష్ణ  శనివారం ఆయన విలేకరుల సమావేశంలో మాట్లాడారు. నైతిక విలువలకు పట్టం కడుతూ  శిల్పామోహనరెడ్డి చేత ఎమ్మెల్సీ పదవికి రాజీనామా చేయించి పార్టీలోకి చేర్చుకోవడం టీడీపీ నేతలకు మింగుడు పడటం లేదని లీలాకృష్ణ విమర్శించారు. వైయస్సార్‌ కాంగ్రెస్‌పార్టీ నుంచి గెలుపొందిన ఎమ్మెల్యేలను ప్రజాస్వామ్య విలువలను ఖూనీచేసి అడ్డగోలుగా కొనుగోలుచేసి పార్టీలోకి చేర్చుకున్న చంద్రబాబుకు, ప్రజలకు ఏం సమాధానం చెప్పాలో పాలుపోని స్థితిలోనే పార్టీ నేతలతో  దుష్ప్రచారం చేస్తున్నారని  మండిపడ్డారు.  చిత్తశుద్ది ఉంటే జగన్‌ అడిగిన ప్రశ్నలకు సమాధానం చెప్పాలన్నారు.  . ఎంపీటీసీ సభ్యులు అన్నందేవుల చంద్రరావు, తుపాకుల ప్రసన్నకుమార్, కొప్పిశెట్టి శ్రీనివాస్, పార్టీ నాయకులు గంగుమళ్ల రాంబాబు, వల్లూరి రామకృష్ణ, సరాకుల అబ్బులు, మేడపాటి బసివిరెడ్డి, సవిలే జయంత్, అల్లాడి రాజేష్, కూసు అమ్మన్న, నేల సూర్యకుమార్, సూరంపూడి దుర్గాప్రసాద్, చిక్కాల శ్రీరాములు, రాయుడు సత్యనారాయణ తదితరులు పాల్గొన్నారు.