``ప్ర‌జా సంక‌ల్ప‌యాత్ర‌``ను విజ‌య‌వంతం చేద్దాం

పెనగలూరు (క‌డ‌ప‌):  వైయ‌స్ఆర్ కాంగ్రెస్ పార్టీ జాతీయ అధ్య‌క్షులు వైయ‌స్ జగ‌న్ మోహ‌న్ రెడ్డి ఈ నెల 6వ తేదీ నుంచి చేప‌ట్ట‌బోయే ``ప్ర‌జా సంక‌ల్పం``యాత్ర‌ను విజ‌యంతం చేయాల్సిన బాధ్య‌త మ‌నంద‌రిపై ఉంద‌ని ఎమ్మెల్యే కొరుముట్ల శ్రీ‌నివాసులు, జిల్లా అధ్య‌క్షులు ఆకేపాటి అమ‌ర్‌నాథ్‌రెడ్డిలు అన్నారు. బుధవారం ఎగువసిద్దవరంలోని లేబాక శ్రీనివాసులురెడ్డి ఇంట్లో జరిగిన కార్యక్రమానికి హాజరై  మండలస్థాయి కార్యకర్తలతో సమావేశాన్ని ఏర్పాటుచేశారు. ఈ సందర్భంగా వారు మాట్లాడుతూ జగన్‌ ప్రారంభించనున్న సంకల్పయాత్రకు మండలం నుంచి కార్యకర్తలు భారీగా తరలిరావాలన్నారు. పాదయాత్రను మండలంలో విజయవంతంగా నిర్వహించేందుకు ప్రతిఒక్కరూ కృషిచేయాలన్నారు. మాజీ ఎమ్మెల్యే కొండూరు ప్రభావతమ్మ ఆధ్వర్యంలో ప్ర‌జా సంకల్పయాత్రకు ప్రజలు తరలిరావాలన్నారు.  గతంలో రాజశేఖర్‌రెడ్డి చేసిన పాదయాత్రలో రైతులు, పేదల పరిస్థితులను అవగాహన చేసుకుని అభివృద్దిపథకాలు ప్రవేశపెట్టారని అన్నారు. అలాగే వైయ‌స్ జగన్‌మోహన్‌రెడ్డికూడా రైతులు, పేదప్రజల సమస్యలు తెలుసుకుని వారిసమస్యలకు అనుగుణంగా పథకాలను ప్రారంభిస్తారని వారన్నారు. నవరత్నాల గురించి ప్రజలకు వివరించేందుకుకూడా ఈ పాదయాత్ర దోహదపడుతుందన్నారు. మండలంలోని ప్రతికార్యకర్త వైయ‌స్ జ‌గ‌న్ వెంట న‌డిచేందుకు కృషిచేయాలన్నారు. వచ్చే ఎన్నికలకు కార్యకర్తలు జగన్‌వెంటే ఉండి ఇప్పటినుంచే పార్టీ అభివృద్ధికి కృషిచేయాలన్నారు.