రైతు కుటుంబానికి పరామర్శ

కోవెలకుంట్ల : వెలగటూరుకు చెందిన రైతు మధుసూదన్‌రెడ్డి కుటుంబాన్ని వైయస్సార్‌సీపీ బనగానపల్లె నియోజకవర్గ ఇన్‌చార్జి, మాజీ ఎమ్మెల్యే కాటసాని రామిరెడ్డి పరామర్శించారు. అప్పుల భాదలు తాళలేక మధుసూదన్‌రెడ్డి ఆదివారం ఆత్మహత్య చేసుకున్న విషయం తెలిసిందే. సోమవారం కాటసాని గ్రామానికి చేరుకుని మృతదేహం వద్ద నివాళులర్పించి కుటుంబ సభ్యులకు ప్రగాడ సానుభూతిని తెలియజేశారు. పార్టీ జిల్లా అధికార ప్రతినిధి సిద్ధంరెడ్డి రాంమోహన్‌రెడ్డి, సర్పంచ్‌ ఎల్‌వీ సుధాకర్‌రెడ్డి ఉన్నారు.