జననేతకు జన నీరాజనం

తమ అభిమాన నాయకుడిని దగ్గరి నుంచి చూడాలని, కరచాలనం చేయాలని ప్రజానీకం పోటీపడ్డారు. వైఎస్  జగన్ కడప నుంచి ఒంటిమిట్టకు వెళ్తున్నప్పుడు, తిరిగి ఒంటిమిట్ట నుంచి కడపకు బయలుదేరినప్పుడు మార్గ మధ్యలో ప్రతి గ్రామం వద్ద జనం పెద్ద సంఖ్యలో రోడ్డుపైకి తరలివచ్చారు. వైఎస్ జగన్ తన చిరునవ్వులతో అందరినీ ఆప్యాయంగా పలకరిస్తూ... అభివాదం చేస్తూ ముందుకు సాగారు. 

ముకుందాశ్రమం వద్ద అభిమానులు వైఎస్ జగన్ ను కలుసుకొన్నారు. జై జగన్ అంటూ నినదించారు. కాసేపు వైఎస్ జగన్ వారితో ముచ్చటించారు. రథోత్సవ వేడుక ముగిసిన అనంతరం వైఎస్ జగన్ ఒంటిమిట్ట నుంచి కర్నాటకకు బయలుదేరారు.