టీడీపీ, బీజేపీలను ప్రజలు క్షమించరు

గుంటూరుః తెలుగుదేశం పార్టీ తెలుగు ద్రోహుల పార్టీగా మారిందని వైఎస్సార్సీపీ నేతలు మండిపడ్డారు. రాష్ట్రానికి ప్రత్యేకహోదా వస్తుందని ఎంతో ఆశగా ఎదురుచూసిన ప్రజల ఆకాంక్షపై.... టీడీపీ, బీజేపీలు నీళ్లు చల్లడం దుర్మార్గమని ఎమ్మెల్యే ముస్తఫా, పార్టీ నేత లేళ్ల అప్పిరెడ్డి ఆగ్రహం వ్యక్తం చేశారు. హోదా సాధన కోసం టీడీపీ కనీస ప్రయత్నాలు చేయకపోవడం దౌర్భాగ్యమన్నారు. హోదా కోసం గుంటూరు జిల్లాలో సంతకాల సేకరణ కార్యక్రమం చేపట్టారు.  ఈ సందర్భంగా వారు మాట్లాడుతూ ...హోదా వస్తే రాష్ట్రానికి పరిశ్రమలు, రాయితీలు, ఉద్యోగాలు వస్తాయని అన్నారు.