నాలుగు రాష్ట్రాలకు సమానంగా పంచాలి

విజయవాడః  స్వయం ప్రతిపత్తి గల కృష్ణా రివర్ అథారిటీ  ఏర్పాటు చేసి కృష్ణానదీ జలాలను నాలుగు రాష్ట్రాలకు సమానంగా పంపిణీ చేయాలని.... వైయస్సార్సీపీ రాష్ట్ర రైతు విభాగం అధ్యక్షుడు ఎం.వి.ఎస్. నాగిరెడ్డి కేంద్ర ప్రభుత్వాన్ని డిమాండ్ చేశారు. కృష్ణాజిల్లా ఘంటసాల మండలం కొడాలి వచ్చిన సందర్భంగా నాగిరెడ్డి విలేకరులతో మాట్లాడారు. ప్రాజక్ట్ ల వారిగా కేటాయింపులు జరిపి, దమాషా ప్రకారం నీటిని విడుదల చేయాలని సూచించారు. కేంద్రం వైఖరితో అంతరాష్ట్ర జలయుద్ధాలు తలెత్తే ప్రమాదం ఉందన్నారు.