మీరిచ్చే ప్రతి హామీని నమ్ముతున్నాం

చిత్తూరు: జగనన్నా..మీరు ఇస్తున్న ప్రతి హామీని నమ్ముతున్నాం. ఎందుకంటే మాట మీద ఉండే కుటుంబం మీది కాబట్టి మేం నమ్ముతున్నాం. టమాట రైతులకు ధరల స్థిరీకరణ అన్నది లేక నష్టపోతున్నాం. చంద్రబాబు ఎన్నికల సమయంలో ఇచ్చిన ఏ ఒక్క హామీ కూడా నెరవేర్చలేదు. మీరిచ్చే ప్రతి హామీని నమ్ముతున్నాం.  పాల రైతులను మోసం చేస్తూ చంద్రబాబు నయవంచనతో విజయ డయిరీని మూయించారు. ఆ ఫ్యాక్టరీని తెరిపిస్తామన్నందుకు కృతజ్ఞతలు చెప్పుకుంటున్నాం. దేశానికి పల్లెలు పట్టుకొమ్మలు అంటారు. ఈ పంచాయతీలో జరిగే అభివృద్ధిలో కరెంటు బిల్లులు కేంద్రమే కట్టేది. పప్పులాంటి లోకేష్‌ను పంచాయతీ రాజ్‌ మంత్రిని చేశారు. కరెంటు బిల్లులు మా పంచాయతీలో రూ. 70 లక్షలు కడితే మిగతా పనులు ఏలా చేయాలన్నా..సర్పంచ్‌గా నాకు ఉన్న అవగాహన కూడా లోకేష్‌కు లేదు. మహానేత హయాంలో 90 శాతం పక్కా ఇల్లు కట్టించారు. 1994లో ఎన్‌టీఆర్‌ పుణ్యమా అని ప్రభుత్వం ఏర్పడితే బాబు సీఎం అయ్యారు. వాజ్‌పేయి హయాంలో కూడా అలాగే జరిగింది. వైయస్‌ రాజశేఖర్‌రెడ్డి పోలవరానికి అనుమతులు తెచ్చారు. హంద్రీనీవాకు 80 శాతం పనులు చేపట్టారు. రాజ్యాంగబద్దంగా సర్పంచ్‌ అయిన నాకు ఎలాంటి అధికారాలు ఇవ్వకుండా జన్మభూమి కమిటీలను ఏర్పాటు చేశారు. ఆ కమిటీలకు ఏం తెలుసు అన్నా..టీడీపీ కార్యకర్తలకే పింఛన్లు ఇస్తున్నారు. ఎందుకంటే వీళ్లకు కూడా పింఛన్లు ఇవ్వకపోతే ఎక్కడ ఓట్లు వేయరో అన్న భయం టీడీపీకి ఉంది. మీ కుటుంబం నుంచి నేను నేర్చుకున్నది విశ్వసనీయత, నిబద్ధత ఈ రెండు నేను నేర్చుకున్నాను. ప్రతి ఒక్కటి నేను గమనిస్తున్నాను. చంద్రబాబుకు మాత్రం ఇలాంటి లక్షణాలు ఎప్పటికి రావు. ఏ రాష్ట్ర నాయకుడు కూడా మీలా ప్రజా సమస్యలను చూసి ఉండరు. లోకేష్‌కు అవగాహన లేకపోవడంతో పంచాయతీ కార్మికులకు జీతాలు ఇవ్వలేకపోతున్నాం. నేను మాట్లాడుతున్నానని నాపై కూడా ఏవైనా కేసులు వేస్తారన్నా..నేను సర్పంచ్‌ అయినప్పుడు నాయుళ్ల ఓట్లు మాత్రమే వేయించుకోలేదు. అందరూ నాకు ఓట్లు వేశారు. ప్రభుత్వం నుంచి వచ్చే ప్రతి పథకం ప్రజలకు చేరాలి. కానీ జన్మభూమి కమిటీలు ఈ పథకాలను పక్కదారి పట్టిస్తున్నారు.