రాష్ట్రంలో ఫ్యాక్షనిస్ట్ పరిపాలన

అనంతపురంః సాక్షి టీవీ ప్రసారాలు పునరుద్ధరించాలని డిమాండ్ చేస్తూ అనంతపురంలో వైయస్సార్సీపీ నేతలు ఆందోళన చేపట్టారు. చంద్రబాబు ప్రజాస్వామ్యాన్ని ఖూనీ చేస్తున్నారని వైయస్సార్సీపీ మాజీ ఎమ్మెల్యే గుర్నాథ్ రెడ్డి మండిపడ్డారు. వాస్తవాలను ప్రజల ముందు ఉంచుతున్న సాక్షి టీవీ ప్రసారాలను ప్రభుత్వం అడ్డుకోవడం దుర్మార్గమన్నారు. రాష్ట్రంలో పెట్టుబడులు రాకపోవడానికి చంద్రబాబు వ్యవహార శైలే కారణమని గుర్నాథరెడ్డి దుయ్యబట్టారు. చంద్రబాబు ఫ్యాక్షనిస్టు పరిపాలన చేస్తున్నందునే రాష్ట్రానికి పెట్టుబడులు రావడం లేదన్నారు.