వైయస్సార్సీపీలో చేరిన జిల్లా నేతలు

కరీంనగర్‌: దివంగత ముఖ్యమంత్రి, మహానేత డాక్టర్‌ వైయస్‌ రాజశేఖరరెడ్డిని  రాష్ట్ర ప్రజలు గుండెల్లో పెట్టుకొని పూజిస్తున్నారని వైయస్‌ఆర్‌ కాంగ్రెస్‌ పార్టీ తెలంగాణ రాష్ట్ర ప్రధాన కార్యదర్శి శివకుమార్‌ అన్నారు. కేసీఆర్‌ సర్కార్‌ కేవలం ప్రకటనలకే పరిమితమైందని దుయ్యబట్టారు. బంగారు తెలంగాణ అనే ఒక నినాదం తప్ప, రాష్ట్రాన్ని బంగారు మయం చేయడానికి కేసీఆర్‌ ఒక్క అభివృద్ధి కార్యక్రమం కూడా చేపట్టిన దాఖలాలు లేవని ధ్వజమెత్తారు. కరీంనగర్‌ జిల్లాలో వైయస్‌ఆర్‌ కాంగ్రెస్‌ పార్టీ నూతన కార్యాలయం ప్రారంభోత్సవానికి శివకుమార్‌ ముఖ్య అతిథిగా హాజరయ్యారు. ఈసందర్భంగా శివకుమార్‌ సమక్షంలో కరీంనగర్‌ జిల్లాకు చెందిన వివిధ పార్టీల నేతలు వైయస్‌ఆర్‌ సీపీలో చేరారు. వారికి పార్టీ కండువాలు కప్పి సాదరంగా ఆహ్వానించారు.