మోడల్ కాలనీ పేరుతో కోట్లు దండుకున్నారు

హుజూర్‌నగర్‌: పేదలకు నిలువ నీడ కోసం అప్పట్లో కాంగ్రెస్‌ ప్రభుత్వం కోట్లాది రూపాయలు విడుదల చేస్తే నిర్మాణాలు చేపట్టకుండా కాంట్రాక్టర్లు కోట్లు దండుకున్నారని, వారితో స్థానిక ఎమ్మెల్యే, అప్పటి గృహ నిర్మాణశాఖ మంత్రి ఉత్తమ్‌ కుమార్‌ రెడ్డి కుమ్మక్కయ్యారని వైయస్సార్‌ సీపీ తెలంగాణ అధ్యక్షుడు గట్టు శ్రీకాంత్‌రెడ్డి ఆరోపించారు. సూర్యాపేట జిల్లా హుజూర్‌నగర్‌ నగర పంచాయతీ పరిధిలోని ఫణిగిరి గట్టు వద్ద ఉన్న మోడల్‌ కాలనీని సందర్శించారు. అనంతరం విలేకరులతో మాట్లాడారు. 2012లో కాంగ్రెస్‌ ప్రభుత్వ పాలనలో సుమారు రూ.100 కోట్లతో మోడల్‌ కాలనీలో 2,160 జి ప్లస్‌వన్‌ భవన నిర్మా ణాల పనులు ప్రారంభించారని చెప్పారు.