ఓట్ల తొలగింపుపై ఫిర్యాదు

గుంటూరు: శావల్యాపురం మండలం గుంటుపాలెం గ్రామ పంచాయతీలో అధికార పార్టీ నాయకులు, అధికారులు కుమ్మకై 49 ఓట్లు అన్యాయంగా తొలిగించారని వైయస్‌ఆర్‌సీపీ నాయకులు ఆందోళన వ్యక్తం చేశారు. గ్రామంలో అధికారులు ఎలాంటి విచారణ చేయకుండా ఇష్టానుసారంగా తొలిగించటాన్ని పార్టీ నేతలు ఖండించారు. బుధవారం గ్రామంలో నిర్వహించిన జన్మభూమి–గ్రామ సభలో జన్మభూమి కమిటీ సభ్యుల తీరుపై అధికారులకు ఫిర్యాదు చేశారు. జన్మభూమి కమిటి సభ్యులు ప్రమేయంతో అర్హులకు సంక్షేమ పథకాలు అందడం లేదని గుంటూరు జిల్లా ఎస్సీ కార్పోరేషన్‌ జిల్లా అధికారి (ఐఏఎప్‌) నరసరావుపేట డివిజనల్‌ జన్మభూమి ప్రత్యేక అధికారి యం.రామారావుకు వైయస్‌ఆర్‌ సీపీ మండల అధ్యక్షులు చుండూరి వెంకటేశ్వర్లు ఫిర్యాదు చేశారు.