ఇది తుగ్ల‌క్ పాల‌న‌..వైఎస్సార్‌సీపీ ఎమ్మెల్యే నారాయణస్వామి

చిత్తూరు: ముఖ్యమంత్రి చంద్రబాబు నాయుడు ప‌రిపాల‌న చూస్తుంటే తుగ్లక్ పాలన గుర్తుకొని వస్తోంద‌ని వైఎస్సార్ సీపీ చిత్తూరు జిల్లా అధ్యక్షుడు, గంగాధరనెల్లూరు ఎమ్మెల్యే కళత్తూరు నారాయణస్వామి అభిప్రాయ ప‌డ్డారు. ముద్రగడ దీక్ష చేస్తుంటే తీవ్రవాదిని అరెస్టు చేసిన రీతిలో అరెస్టు చేయడం సిగ్గుచేటన్నారు. ఆయన కుటుంబ సభ్యులను, మద్దతుదారులను పోలీసులు తరిమి కొట్టడం చూస్తే నియంతపాలనలో ఉన్నామా అని అని పిస్తుందని ఆవేదన వ్యక్తం చేశారు. శనివారం పాలసముద్రంలో  పార్టీ రాష్ట్ర సంయుక్త కార్యదర్శి కే.శివప్రకాష్ రాజు ఆధ్వర్యంలో నిర్వహించిన కార్యకర్తల సమావేశానికి  ఆయన హాజరయ్యారు.