బాబు..దుబారా

విజయవాడ:  రాష్ట్రం ఆర్థిక ఇబ్బందుల్లో ఉందని ఓ వైపు బీద అరుపులు అరుస్తూ...మరోవైపు , చంద్రబాబు విచ్చలవిడిగా దుబారా ఖర్చులు చేస్తున్నారు. కేవలం 26 కిలోమీటర్ల దూరానికి కూడా ప్రత్యేక హెలికాప్టర్ ఉపయోగించడంపై సర్వత్రా విమర్శలు వెల్లువెత్తుతున్నాయి.  బాబు తన అక్రమ నివాసం నుంచి ఈ ఉదయం ఉంగుటూరు మండలం ఆత్కూరు గ్రామానికి హెలికాప్టర్లో వెళ్లారు.  అడ్డగోలుగా ప్రజాధనం దుర్వినియోగం చేస్తున్న చంద్రబాబుపై రాష్ట్ర ప్రజానీకం తీవ్ర ఆగ్రహం వ్యక్తం చేస్తోంది.  ముఖ్యమంత్రి అయినప్పటి నుంచి ఇప్పటివరకూ బాబు దుబారా ఖర్చు రూ. వేయి కోట్లకు పైగా తేలింది.