ప్రతి ఏటా మహానేత వర్థంతిన నాటక ప్రదర్శన

ఆత్మకూరు: పేదల సంక్షేమానికి అహర్నిశలు శ్రమించిన దివంగత ముఖ్యమంత్రి డాక్టర్‌ వైయస్‌ రాజశేఖరరెడ్డి సేవలను ఆత్మకూరు మండల వాసులు నేటికీ గుర్తు చేసుకుంటున్నారు. మహానేత స్మారకార్థం ప్రతి ఏటా ఆయన వర్ధంతి నాడు ఉచిత పౌరాణిక నాటక ప్రదర్శనతో పాటు పెద్ద ఎత్తున అన్నదానం నిర్వహిస్తున్నారు. ఇందులో భాగంగానే ఈ ఏడాది కూడా పౌరాణిక నాటక ప్రదర్శనకు రంగం సిద్ధం చేశారు. శనివారం రాత్రి ఆత్మకూరు. బి.యాలేరు గ్రామాల్లో ఉచిత నాటక ప్రదర్శనలతో పాటు అన్నదానం చేయనున్నారు.