<p style="text-align:justify">మంగళగిరి: ప్రభుత్వం అసమర్ధత కారణంగానే గ్రామాల్లో నీటి ఎద్దడి తీవ్రంగా మారిందని వైఎస్సార్సీపీ ఎమ్మెల్యే ఆళ్ల రామకృష్ణారెడ్డి ఆరోపించారు. గుంటూరు, మంగళగిరి, తాడేపల్లి పట్టణాల్లో వేసవికి ముందే నీళ్ల ఇబ్బందులు మొదలయ్యాయని తెలిపారు. కృష్ణా నదిలో నీటి నిల్వలు త గ్గుముఖం పట్టటంతో సమస్య తీవ్రతరమైందని చెప్పారు. ప్రభుత్వం ముందు జాగ్రత్తలు తీసుకుని ఉండి ఉంటే ఈ పరిస్థితి ఉత్పన్నమయ్యేది కాదని తెలిపారు. వెంటనే మున్సిపల్ అధికారులు పరిష్కార మార్గాలు వెదికి, ప్రజల ఇక్కట్లు తీర్చాలని కోరారు. ఒక వైపు నుంచి నీటి నిల్వలు తగ్గుతున్నాయని ప్రమాద ఘంటికలు వినిపిస్తున్నా ప్రభుత్వానికి ఎందుకు పట్టడం లేదని ఆయన మండిపడ్డారు. </p>
