మంత్రి రావెల కుమారుడిని అరెస్ట్ చేయాలని ఆందోళన

గుంటూరులో నిరసనలు

మహిళతో అసభ్యంగా ప్రవర్తించిన మంత్రి కుమారుడిని వెంటనే అరెస్ట్ చేయాలని కోరుతూ గుంటూరు జిల్లాలో ప్రజాసంఘాలు ఆందోళనకు దిగాయి. మంత్రి కొడుకైతే అతనికి ఏమైనా కొమ్ములు ఉంటాయా.. రాజ్యాంగానికి అతీతుడా అని నినాదాలు చేస్తూ.. మైనార్టీ సంఘాల నాయకులు రాస్తారోకో చేపట్టారు. ప్రత్తిపాడులోని ఓల్డ్ మద్రాస్‌రోడ్డుపై ఆందోళనకారులు బైఠాయించారు.  ఉపాధ్యాయురాలి చేయి పట్టుకొని లాగిన సుశీల్ ను జైల్లో పెట్టాలని డిమాండ్ చేస్తున్నారు.