'ఆనం వ్యాఖ్యలకు బొత్స సమర్థనా.. విడ్డూరం'

విశాఖపట్నం, 14 ఏప్రిల్‌ 2013 : వైయస్‌ఆర్‌ కాంగ్రెస్‌ పార్టీ అధినేత, కడప లోక్‌సభ సభ్యుడు శ్రీ వైయస్ జగ‌న్మోహన్‌రెడడ్డిపై మంత్రి ఆనం రామనారాయణరెడ్డి చేసిన వ్యాఖ్యలను పిసిసి అధ్యక్షుడు బొత్స సత్యనారాయణ సమర్థించడం విడ్డూరం, విచారకరం అని వైయస్‌ఆర్ కాంగ్రె‌స్ ‌కేంద్ర పాలక మండలి సభ్యుడు కొణతాల రామకృష్ణ తీవ్రంగా ఖండించారు. విశాఖపట్నంలో ఆయన ఆదివారంనాడు విలేకరులతో మాట్లాడారు. వివాదాస్పదమైన 26 జిఓలపై ప్రభుత్వం సకాలంలో హైకోర్టులో పిటిషన్ వే‌సి ఉంటే ఈ పరిస్థితి వచ్చేది కాదని కొణతాల అభిప్రాయపడ్డారు.