నారా ఫ్యామిలీ నిబంధనలన్నీ బలి

గణతంత్రదినోత్సవానికి గైర్హాజరైన ఒకేఒక్కడు మన ముఖ్యమంత్రి చంద్రబాబునాయుడు. ఆయన బదులుగా ఆయన సతీమణి భువనేశ్వరి, మనవడితో కలిసి జెండా ఎగరేసేసారు. జెండా ఎగరేసినప్పుడు చప్పట్లు కొట్టకూడదనే జ్ఞానం లేని అధికారులంతా అక్కడ అరచేతులతో భజనలు చేసారు. ఇక ముఖ్యమంత్రి సీట్లో కూర్చొని ఆయన బావమరిది బాలయ్య కోట్ల రూపాయల పనులకు సంబంధించి సమీక్షలు జరిపేస్తాడు. ప్రొటోకాల్ లాంటివేవీ నారా ఫ్యామిలీకి ఉండవ్. 

ప్రజాస్వామ్యంలో రాచరికాన్ని మించి సాగుతున్నఈ నారాఫ్యామిలీ ప్రొటోకాల్ ఉల్లంఘనల గురించి ఎల్లో మీడియా ఒక్కమాటా మట్లాడదు. వైఎస్సార్ ముఖ్యమంత్రిగా ఉన్నప్పుడు కనీసం సచివాలయానికి రాని జగన్ మాత్రం క్విడ్ ప్రోకో చేశాడంటూ పుంఖానుపుంఖాలు రాసిపారేసి, వాటిపై టివిల్లో గంటల పాటు చర్చలు నడిపేస్తుంది. సిబిఐ లిస్టులేని వైఎస్ భారతి పేరు ఇడి లిస్టులోకి రావడాన్ని ఇంతింత అక్షరాలతో ప్రచురించి పాశవిక ఆనందం పొందుతుంది. అసలు ఎన్నికలనే అపహాస్యం చేసి, 23 మంది ఎమ్మెల్యేలను కొనుగోలు చేసిన వారికి నియమాలూ నిబంధనలూ కూడానా అనుకుంటున్నారా...అదీ నిజమేలెండి...