చంద్రబాబు విదేశీ పర్యటన నుంచి తిరిగొచ్చారు. విలేకరుల సమావేశం ఏర్పాటు చేశాడు.
`` థాయ్ ల్యాండ్, స్విట్జర్ ల్యాండ్ విశేషాలేంటి సార్ ?`` అని అడిగారు విలేకరులు
`` విదేశాలు చూసినప్పుడల్లా, మన రాష్ట్రాన్ని ఆ దేశాలులాగా తీర్చిదిద్దాలని నా కోరిక. చిన్నప్పుడు అక్షరాలు దిద్దాను. తరవాత రాజకీయాల్లో ఓనమాలు దిద్దాను. ఆ అనుభవంతో మా మామ ఎన్టీఆర్ నామం దిద్దాను. అందుకే రాష్ట్రాన్ని సరిదిద్దలేను. థాయ్ ల్యాండ్ మసాజ్ లకి ఫేమస్. అక్కడి నుంచి నిపుణులని రప్పించి మసాజ్ సెంటర్లను వోపెన్ చేస్తే వేలమందికి ఉపాధి దొరుకుతుంది. ప్రజలు కూడా రిలాక్సావుతార్``
`` సూపర్ ఐడియా సార్ ``
`` ఇక స్విట్జర్ ల్యాండ్ స్పెషాలిటీ ఏంటంటే అక్కడ చాలా చల్లగా ఉంటుంది. విజయవాడ వేడిగా ఉండండం వల్ల అనవసరంగా ఇక్కడ రాజకీయాలు వేడెక్కుతున్నాయి. అలా కాకుండా రాజధాని మొత్తాన్ని స్విట్జర్ ల్యాండ్ గా చేయడం వల్ల అందరూ కూల్ అయిపోతారు.``
`` రాజధానిని స్విట్జర్ ల్యాండ్ ఎలా చేస్తారు ?``
``పెద్ద పెద్ద ఏసీ ప్లాంట్ లు నిర్మించి, కొళాయిల ద్వారా నీళ్ళని ఎలా పంపిస్తామో అలాగే చల్లగాలిని ఇంటింటికి పంపుతాం. ఇంటింటికి నెట్ ని ఇస్తున్నపుడు ఏపీ ని ఇవ్వలేమా ?``
`` నెట్ ని ఎప్పుడిచ్చారు ?``
`` ఇస్తామని చెపుతున్నాం కదా !``
`` ఇంతక ముందు సింగపూర్ చేస్తామన్నారు ?``
`` రోడ్లు, భవనాల నిర్మాణంలో సింగపూర్ మనకి ఆదర్శం. వాతావరణం లో స్విట్జర్ ల్యాండ్ ఆదర్శం ``
`` స్విస్ బ్యాంకుల్లో డబ్బు దాచుకోడానికే మీరు విదేశాలకి వెళతారటగా ``
`` నా జీవితం తెల్లకాగితం.....అవి గిట్టని వాళ్ళ మాటలు ``
``మీరు పదవిలోకి వచ్చి రెండేళ్లయ్యిందిగా , ప్రజలకి ఏం చేశారు ? ``
`` ఏమైనా చేస్తే ప్రజలు వూరుకోరు. ఏమీ చేయని వాళ్ళనే అభిమానిస్తారు అయినా ఏమైనా చేయడానికి డబ్బు లెక్కడున్నాయి ? కేంద్రం పైసా కూడా ఇవ్వదు ``
`` గట్టిగా అడగొచ్చు కదా ``
`` అడిగినా ఇవ్వరు, అరిచినా ఇవ్వరు ``
`` మరి మిత్రపక్షంగా వుండడమెందుకు ? ``
`` స్నేహం వుంటే సెంటర్ లో కొన్ని పెర్సనల్ పనులు జరుగుతాయి ``
`` మరి జనం సంగతో ? ``
`` జనం, మా రాజకీయనాయకుల భోజనం ``
ఇంతలో ఒకావిడ చంకన పిల్లాడితో సమావేశంలోకి వచ్చింది
`` ఎవరమ్మా నువ్వు ? `` అడిగాడు బాబు
`` నేను తెలుగు తల్లిని, వీడు తెలుగు బిడ్డ`` అని చెప్పింది.
`` తెలుగంటే నాకు చాలా గౌరవం. మా పార్టీ లోనే తెలుగుంది. ఇంతకూ ఏంటి నీ ప్రాబ్లం ``
`` ఆకలి అంటూ ఏడుస్తున్నాడండి. మీరేదైనా కథ చెపితే ఏడుపు ఆపుతాడు ``
``ఓ యస్, దానికేం. రెండేళ్లుగా నేను కథలే కదా చెబుతున్నా `` అని పిల్లాన్ని చేతిలోకి తీసుకొని
`` చూడు బాబూ, అనగనగా అమరావతి, దూరంగా సింగపూర్, పడమర థాయ్ ల్యాండ్, తూర్పున స్విట్జర్ ల్యాండ్ మధ్యన రైతుల ల్యాండ్ అదంతా ఆక్రమించేయాలి తినేయాలి.
రాష్ట్రాన్ని క్లీన్ అండ్ గ్రీన్ చేయాలి. ఇంకుడు గుంతలు కట్టాలి. ఆ గుంతలో దూకి ఈత కొట్టాలి......``
`` ఇంకో మూడేళ్ళు ఇలాగే కథలు చెప్పండి. ఆ తరువాత ఎలాగూ దించేస్తారు. కథ కంచికి, మనం ఇంటికి `` అని విలేకరులు వెళ్ళిపోయారు.
బాబు అభివృద్ధి ఎల్లోమీడియాలోనే.. జగన్ అభివృద్ధి ఇంటింటా..!
