చేతులు చెబుతున్న సత్యం

మోకాల్లోతు బురదలో కాళ్లీడ్చుకుంటూ స్టేడియంలోకి వెళ్లిన అంగనవాడీలకు చంద్రబాబు తీరు అసహనానికి గురిచేసింది. తమ సమస్యలు పూర్తిగా పరిష్కరించకపోగా, ప్రభుత్వానికి ప్రచారం చేయండంటూ పదేపదే అడగడం చిరాకు తెప్పిస్తోంది. అంగన్ వాడీ కార్యకర్తల అవగాహనా సదస్సు విజయవాడలో జరిగింది. రాష్ట్రం నలుమూలల నుంచి కార్యకర్తలు అక్కడకు వచ్చారు. లోపలికి వెళ్లడమే ఓ యాతన అంటే, అక్కడ బాబుగారి ప్రసగం మరో యమ యాతన అనుకుంటున్నారు. సెల్ ఫోన్లు ఇచ్చాం కదా, అందుకున్నవారు చేతులెత్తండి అని అడిగారు ముఖ్యమంత్రి. ఇంత వరకూ ఫోన్లు అందకపోయినా ముఖ్యమంత్రి అలా అడగడంతో ఆశ్చర్యపోయారు అంగన్ వాడీ కార్యకర్తలు. మాకేఫోన్లూ అందలేదంటూ సమాధానం ఇచ్చారు. ఆగస్టులో అందరికీ ఫోన్లు ఇస్తాం, బాగా పని చేయండి, సేవ చేయండి అని చెప్పారు ముఖ్యమంత్రి. సేవ అంటే మా ఉద్యోగంలో చేయాలా, మీ ప్రభుత్వం గురించి ప్రచారం చేసి మీకు చేయాలా అనుకూంటూ మండి పడ్డారు కొందరు కార్యకర్తలు. రిటైర్మెంట్ బెనిఫిట్స్ గురించి మళ్లీ అడగొద్దు అనేశారు చంద్రబాబు. మీకు జీతాలు పెంచాం అంటూ పదే పదే చెప్పుకొచ్చారు.