కోడుమూరులో బస్సుయాత్రకు బ్రహ్మరథంమూడో రోజు `మేమంతా సిద్ధం` బస్సుయాత్ర ప్రారంభంకర్నూలు జిల్లా సిద్ధమా…?చంద్రబాబు ఒక్క హామీ అయినా నెరవేర్చాడా?మేమంతా సిద్ధం 3వ రోజు షెడ్యూల్మానవాళి కోసం కరుణామయుని మహాత్యాగమే గుడ్ ఫ్రైడే సందేశంరాజకీయాల్లో ఉన్నంతవరకు జగనన్నతోనే ఉంటాంఈ ఎన్నికలు మంచి చేసిన మనకు ఓ జైత్రయాత్ర..బాబుకు చివరివికొల్లు రవీంద్ర సిగ్గు శరం లేకుండా అబద్ధాలు చెబుతాడుచంద్రబాబు నకిలీ కరెన్సీ వంటి వ్యక్తి
పబ్లిసిటీ సిటీ
04 Jan 2017 11:40 AM
ఎవరు అవునన్నా కాదన్నా- మీడియా మేనేజ్ మెంట్ పేరిట ఎం.బి.ఎ కోర్సు ఆఫర్ చేసే అంతర్జాతీయ విద్యా ప్రాంగణం అమరావతిలో లేకపోవడం అమరాహిష్మతికే అవమానం. అతల, వితల, సుతల, తలాతల, రసాతల, పాతాళ కిందిలోకాలు భూ, భువ, తప, సత్య పై లోకాలు కలిపి పదునాల్గులోకాల్లో వెలిసే టాప్ టెన్ యూనివర్శిటీలు అమరావతిలో బ్రాంచీలు పెడతాయని బాబు నమ్మకం. అయితే ఎంత పేరు పొందిన యూనివర్శిటీ అయినా బాబు దగ్గర నేర్చుకోవాల్సిన మీడియా మేనేజ్ మెంట్ కోర్సు గురించి దృష్టిపెట్టకపోతే ఆయా యూనివర్శిటీలకే విలువ తగ్గుతుంది.
పైగా వెన్నపూసిన వెన్నుపోటు, మామకు సినిమా చూపించిన అల్లుడు సినిమా, మరిదికే సినిమా చూపిస్తున్న బావ లాంటి డిప్లోమా కోర్సులు కూడా జత కలిపితే భావి తరాలకు రాజకీయ విద్యాగంధం ఇరిగిపోకుండా అందుతూ ఉంటుంది. కొత్త డిగ్రీలు, డిప్లొమోలకు సగం సిలబస్ బాబు గత చరిత్రే. మిగతా సగానికి కూడా ఫ్యాకల్టీ సమస్య లేనేలేదు. అరపూటకు తగ్గకుండా బాబు జరిపే మారథాన్ సమావేశాల టీ బ్రేక్ లోనో, లంచ్ బ్రేక్ లోనో ఒక్కొక్క పీరియడ్ తీసుకుంటే బాబు ఉన్న చోటు నుండే కదలకుండానే డిజిటల్ డిస్ ప్లేలో లైవ్ పాఠాలు టెలీకాస్ట్ కావడానికి ఫైబర్ ఆప్టిక్ లైన్ లు, బ్రాడ్ బ్యాండ్ లు ఉండనే ఉన్నాయి.
ఈ కొత్త కోర్సుల కర్త, కర్మ, క్రియ అన్నిటికీ యావత్ భారతదేశంలో బాబును మించిన వారు దొరకరు. దూరదర్శన్ డయల్ యువర్ సి.ఎం. నుండి ఇప్పటి గూగుల్ హ్యాంగోవర్ దాకా పబ్లిసిటీలో బాబు చేయనిది లేదు. ఆయనకు పబ్లిసిటీలో తెలియనిది లేదు. ఏ శాస్త్రమైనా ముందు అంతా కంగాళీగానే ఉంటుంది. సిలబస్ సిద్ధాంతీకరించే కొద్దీ పాఠాలు, ప్రశ్నలు, ప్రయోగాలు పాఠ్యపుస్తకాల దాకా వస్తాయి. మనసులో మాటనే పుస్తకంగా తెచ్చి తనకు మనసు ఉందని యావజ్జాతికి చాటుకున్న బాబు మీడియా మేనేజ్ మెంట్ మీద పుస్తకం రాస్తే తక్కువలో తక్కువ నోబెల్ బహుమతి అయినా రావచ్చు. తనతోనే పబ్లిసిటీ కళ, పబ్లిసిటీ వల, పబ్లిసిటీ అల అంతరించి పోకుండా భావితరాల పబ్లిక్ కు ఫైనాన్షియల్ సిటీ, ఫార్మాసిటీలా పబ్లిసిటీని కూడా పబ్లిక్ లేకుండానే2050 వరకు నిలిచి ఉండేలా పబ్లిక్ గా నిధులు విడుదల చేసి నిర్మించవచ్చు.