తాత్కాలిక పాలన - శాశ్వత ఉద్వాసన

చంద్రబాబు ఏది చేసినా ఆలోచించే చేస్తాడబ్బా. లేకపోతే అన్నీ తాత్కాలికంగా ఎలా కడతాడు. బాబు అధికారంలోకి వచ్చినప్పటి నుండీ అన్నీ తాత్కాలికమే అయిపోయాయి. అటు రాజధానీ తాత్కాలికం అన్నాడు. ఆ తర్వాత అసెంబ్లీ, సచివాలయం అన్నీ తాత్కాలికమే. ఇప్పుడు హైకోర్టు భవనాలు కూడా తాత్కాలికమేట. ప్రజలందరూ ఈ విషయం గురించి బాబును అపార్థం చేసుకుంటున్నారు. ఈ తాత్కాలిక చింతన బాబు మదిలో మెదలడానికి కారణం ప్రజలే కదా. ఈ రాష్ట్రంలో ఏదీ శాశ్వతం కాదని, తన పదవి అంతకంటే కాదని ఆయనకు తెలుసు. ఒకప్పటి  తొమ్మిదేళ్ల పాలనా శాశ్వతం కాలేదు, ఇప్పటి ఐదేళ్ల పాలన రేపు శాశ్వతం కాదు. ఈ సత్యాన్ని గ్రహించాడు కనుకే దేన్నీ శాశ్వతంగా కట్టడం లేదు. నమ్మడం లేదు. చివరకు ప్రజలను కూడా. ప్రజాస్వామ్యంలో నేతకు ప్రజలు శాశ్వతం కాదు వాళ్లూ తాత్కాలికమే. వాళ్లకు తిక్కరేగిందా...ప్రభుత్వాలు తాత్కాలికం అయిపోతాయి అనే భావనలో ఉన్నాడు. అందుకే ప్రజలు కనిపించినప్పుడల్లా తన అక్కసు వెళ్లగక్కుతున్నాడు. నా పనికి కూలెందుకివ్వరు, నేనిచ్చే ఫించన్ తీసుకుంటూ నాకెందుకు ఓటేయ్యరూ అంటూ తర్కించుకుంటున్నాడు. ఆ తర్కం నుంచే ఈ అశాశ్వతం అనే భావన పుట్టుకొచ్చి ఉంటుంది. ఎలాగూ శాశ్వతం కాని పదవి కోసం, ఎలాగూ తనకు ఓటేయని ప్రజల కోసం శాశ్వత రాజధాని ఎందుకు కట్టాలి అన్నది ఆయన సిద్ధాంతం అయి ఉంటుంది.