Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             రాష్ట్ర విభజన జరుగకూడదని చంద్రబాబు ఎప్పుడైనా అన్నారా? - బొత్స సత్యనారాయణ                               చ‌ంద్ర‌బాబు జీవితం అంతా వెన్నుపోటు రాజకీయమే- తమ్మినేని సీతాారాం                               ప్రజా సంకల్ప యాత్ర నుంచి దృష్టి మళ్లించడానికి అధికార పార్టీ కుయుక్తులు- వాసిరెడ్డి పద్మ                               సంక్షేమ హాస్టళ్లను మూసి వేస్తున్నారు-వైయస్ జగన్                               బాబును సీఎం కుర్చీ నుంచి దించితేనే మంచి రోజులు-వైయస్ జగన్                               తూ.గో డీసీసీ మాజీ అధ్యక్షుడు వైయ‌స్ఆర్‌సీపీలో చేరిక‌                               ప్రజల సమస్యలన్నింటినీ అధికారంలోకి వచ్చాక పరిష్కరిస్తాం..మీడియా తో వైయస్ జగన్ మోహన్ రెడ్డి                               హోదా కోసం నిస్వార్థంగా పోరాడుతున్నాం-ఎంపి వైవీ సుబ్బారెడ్డి                               ఎవరు ఏ సమస్య చెప్పినా..వినడానికి నేను సిద్ధం..వైయస్ జగన్                 
    Show Latest News
బాబూ..నీకు మానవతావాదం లేదా?
వైయస్‌ఆర్‌సీపీ సీనియర్‌ నేత తమ్మినేని సీతారాం

Published on : 11-Sep-2017 | 19:07
 

శ్రీకాకుళం: ఉద్ధానం కిడ్నీ బాధితులను ముఖ్యమంత్రి చంద్రబాబు మోసం చేశారని, ఆయనకు మానవతావాదం లేదా అని వైయస్‌ఆర్‌సీపీ హై పవర్‌ కమిటీ సభ్యుడు తమ్మినేని సీతారాం ప్రశ్నించారు. సోమవారం ఆయన మీడియాతో మాట్లాడారు. హార్వర్డ్‌ యూనివర్సిటీ డాక్టర్లు కిడ్నీ వ్యాధికి మూలాలు ఏంటని పరిశోధన జరిపి, నివేదికను ప్రభుత్వానికి ఇస్తారని, ప్రభుత్వం చర్యలు తీసుకొని కిడ్నీ వ్యాధులను రూపుమాపుతామని చంద్రబాబు హామీ ఇచ్చారన్నారు. అయితే వారు చేసింది ఏమీ లేదని ధ్వజమెత్తారు. ఇవాళ ప్రభుత్వం దారుణంగా అబద్ధాలు అడుతోందన్నారు. గతంలో ప్రభుత్వం వేసిన వైద్య కమిటీలో సభ్యులే ఉన్నారని, కొత్త వారికి అవకాశం ఇవ్వలేదన్నారు. హర్వర్డ్‌ యూనివర్సిటీ సభ్యులతో రీసర్స్‌ చేశామని చెప్పి చేతులు దులుపుకున్నారే తప్ప..దీంట్లో కొత్తగా చేసింది ఏమీ లేదన్నారు. ఒక్క గ్రామాన్ని, ఒక్క రోగిని కూడా సందర్శించిన పాపాన పోలేదని విమర్శించారు. సోంపేట మండలంలో ఒక్క మీటింగ్‌ పెట్టి ఈ కార్యక్రమాన్ని మమ అనిపించారన్నారు. ఆ తరువాత ఒక్క అడుగు కూడా ముందుకు వేయలేదన్నారు. ఉద్దానాన్ని ఉద్దరిస్తున్నామని పెద్ద బిల్డప్‌ఇచ్చారన్నారు. మునుపటి కంటే ఆ బాధితుల పరిస్థితి అధ్వాన్నంగా మారిందన్నారు. ఈ మాత్రం మీటింగ్‌ కోసం పత్రికలో విసృ›్తతంగా ప్రచారం చేశారని తప్పుపట్టారు. సమస్య పరిష్కారం అవుతుందని మంత్రులు, మీడియా ఊదరగొట్టిందని మండిపడ్డారు. మొత్తం ఉద్దానం ప్రాంతంలో ఏడు మండలాలు ఉన్నాయి. 1.25 లక్షల శాంపిల్స్‌ సేకరించారు. 10600 మందికి వ్యాధి తీవ్రత ఉందని కేటగిరిలుగా విభజించారు. ఒక కిడ్నీ పేషెంట్‌ను బతికించాలంటే డయాలసిస్, రక్త మార్పిడి ద్వారా వారి ఆయుస్సు పెంచే అవకాశం ఉందన్నారు. ఉద్దానం ప్రాంతంలో మెరుగైన వైద్యం లేక మళ్లి విశాఖ పట్నంకు తరలిస్తున్నారు. స్థానిక ఆసుపత్రిలో సౌకర్యాలు లేకపోవడంతో అక్కడికి తీసుకెళ్తున్నారు. ఇక్కడేందుకు అర్భాటం చేయాలని ప్రశ్నించారు. కిడ్నీ బాధితులకు టోకరా వేస్తున్నారు. ముఖ్యమంత్రి గారు మీకు మానవతావాదం ఉందా అని నిలదీశారు?. చనిపోతామని ఆందోళనతో ఉన్న వారిని మోసం చేయడం ఎంతవరకు న్యాయమన్నారు. డాక్టరే ఆరోగ్యమంత్రిగా ఉన్నప్పటికి కిడ్నీ బాధితులకు న్యాయం జరగడం లేదు. ఇక్కడ ఒకే ఒక నెప్రాలజిస్టు ఉన్నారు. హర్వార్డ్‌ యూనివర్సిటీ నుంచి వచ్చిన డాక్టర్లకు ఇక్కడ నెప్రాలాజిస్టు లేరని చెప్పినా ఎలాంటి చర్యలు తీసుకోలేదన్నారు. డయాలసిస్‌ సెంటర్లలో టెక్నిషియన్స్‌ లేరన్నారు. కిడ్నీ బాధితులను మోసం చేసిన చంద్రబాబుకు గుణపాఠం తప్పదని తమ్మినేని హెచ్చరించారు.

సంబంధిత వార్తలు

Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com