Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             వివిధ అంశాలపై నేతలతో చర్చించిన వైయస్ జగన్                               పార్టీ ముఖ్య నేతలతో వైయస్ జగన్ సమావేశం                               చంద్రబాబు వేల కోట్లు మింగేసిన రాజకీయ మాంసాహారిః అంబటి                               సదావర్తి దేవుడి భూములను లోకేష్ దోచుకునే ప్రయత్నం చేశారుః అంబటి                               కేసీ కెనాల్, తెలుగుగంగకు నీరివ్వాలని డిమాండ్ చేస్తూ మైదుకూరులో వైయస్‌ఆర్‌ సీపీ ధర్నా                               పార్టీ సీనియర్లు, ముఖ్య నేతలతో వైయస్ జగన్ భేటీ.."వైయస్ఆర్ కుటుంబం"పై సమీక్ష                               వైయస్ఆర్ కుటుంబంలో 38లక్షల మంది చేరిక                               చంద్రబాబు అరాచకాలు, అంకెల గారడీకి యనమల అసిస్టెంట్ః కొరుముట్ల                                సదావర్తి భూ కుంభకోణంపై సీబీఐ విచారణ జరిపించాలిః ఆర్కే                 
    Show Latest News
రైతుల తరపున పోరాటం..!

Published on : 29-Mar-2016 | 13:15
 

  • రైతులకు బీమా సొమ్ము ఇచ్చేందుకు కుంటిసాకులు
  • సాంకేతిక కారణాల  తో నిరాకరణ
  • బీమా కార్యాలయం ఎదుట రైతుల ఆందోళన
  • సంఘీభావం తెలిపిన వైఎస్ జగన్


హైదరాబాద్: బీమా సంస్థల నుంచి డబ్బులు రాని రైతుల తరపున పోరాడుతామని ప్రతిపక్ష నేత వైఎస్ జగన్ వెల్లడించారు. 2012..13 ఆర్థిక సంవత్సరానికి గాను బీమా సొమ్ము పొందని రైతుల ప్రత్యక్ష పోరాటానికి ఆయన మద్దతు పలికారు. హైదరాబాద్ లోని ఇన్సూరెన్స్ సంస్థల ప్రధాన కార్యాలయం దగ్గర వైఎస్సార్ జిల్లా రైతులు ఆందోళనకు దిగారు. పెద్ద ఎత్తున తరలివచ్చిన రైతులతో బీమా కార్యాలయం నిండిపోయింది. రైతులకు మద్దతుగా వైఎస్ జగన్ అక్కడకు చేరుకొన్నారు. రైతుల తరపున అధికారులతో మాట్లాడారు. అనంతరం ఉన్నతాధికారులతో రైతులకు హామీ ఇప్పించారు.

      2012..13 వ ఆర్థిక సంవత్సరానికి గాను 55వేల మంది పంట బీమా కోసం దరఖాస్తు చేసుకొన్నట్లు వైఎస్ జగన్ చెప్పారు. ఇందులో 29వేల మందికి బీమా శాంక్షన్ చేసి, మిగిలిన 26వేల మందికి ఎగ్గొట్టినట్లు వివరించారు. ఇచ్చిన 29వేల మంది కి రూ. 135 కోట్లు విడుదల చేసినా, రూ. 105 కోట్ల మాత్రమే రైతులకు చేరింది. మిగిలిన సొమ్ము ను పెండింగ్ లోనే పెట్టారు. మిగిలిన 26వేల మందికి ఎందుకు అందలేదని అడిగితే సాకులు చెబుతున్నారని వైఎస్ జగన్ ఆవేదన వ్యక్తం చేశారు. దరఖాస్తులో సరైన వివరాలు అందలేదు కాబట్టి వాటిని తిరస్కరించారని ఆయన వివరించారు. దరఖాస్తులు సక్రమంగా లేకపోతే 2,3 నెలల్లో చెబితే వివరాలు అందించటానికి వీలవుతుందని, మూడేళ్ల దాకా మాట్లాడకుండా ఊరుకొని ఇప్పుడు సాకులు చెబితే ఎలా అని ప్రశ్నించారు.


      రైతుల ఆవేదనను ఇప్పటికే అసెంబ్లీలో ప్రస్తావించి, ప్రభుత్వాన్ని ప్రశ్నించినట్లు వైఎస్ జగన్ పేర్కొన్నారు. అందుచేత రైతుల పక్షాన నిలిచి ఆదుకోవాలని బీమా సంస్థల ఉన్నతాధికారుల్ని ఆయన కోరారు. దీని మీద అక్కడే ఉన్న ఇన్సూరెన్స్ సంస్థ ఉన్నతాధికారులతో రైతుల్ని నేరుగా మాట్లాడించారు. గతంలో వ్యవసాయ శాఖ నుంచి తమకు దరఖాస్తులు వచ్చేవని, అందువల్ల సమస్య తలెత్తిందని, త్వరలోనే దీనిపైన నిర్ణయం తీసుకొంటామని హామీ ఇచ్చారు. ఇందుకు నెల రోజులు గడువు పెట్టుకోవాలని, అప్పటిలోగా పరిష్కరించాలని వైఎస్ జగన్ డిమాండ్ చేశారు. పోరాటానికి మద్దతుగా నిలిచిన వైఎస్ జగన్ కు రైతులు ధన్యవాదాలు తెలిపారు.

 

సంబంధిత వార్తలు

Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com