Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             టీఆర్‌ఎస్‌ ప్రభుత్వంతో అన్ని అంశాల్లో రాజీపడింది చంద్రబాబే: బొత్స సత్యనారాయణ                               రాష్ట్రాన్ని చంద్రబాబు ఎంత భ్రష్టుపట్టించారో, కేసీఆర్ అంత నష్టపరిచారు: బొత్స స‌త్య‌నారాయ‌ణ‌                               ఆంధ్రప్రదేశ్‌కి ప్రత్యేక హోదా కల్పించాలని కోరుతూ పార్లమెంట్ వద్ద వైయ‌స్ఆర్‌ సీపీ ఎంపీలు ధర్నా                               ప్రజలకు ఎన్ని అబద్దాల చెప్పినా వింటారనే నాయకులకు తెలంగాణ ప్రజలు గట్టిగా బుద్ది చెప్పారు : వైయ‌స్ జ‌గ‌న్‌                               లగడపాటి రాజకీయ విశ్లేషకుడు ఎప్పుడు అయ్యాడా? అని ఆశ్చర్యం వేసింది: వైయ‌స్ జ‌గ‌న్‌                               కాంగ్రెస్‌, టీడీపీ జిమ్మిక్కులను ప్రజలను తిప్పికొట్టారు: వైయ‌స్ జ‌గ‌న్‌                               చంద్రబాబు, కాంగ్రెస్ అనైతిక పొత్తుకు ప్రజలు వ్యతిరేకంగా తీర్పు ఇచ్చారు: వైయ‌స్ జ‌గ‌న్                                భస్మాసురుడు చేయి పెట్టినా.. చంద్రబాబు కాలు పెట్టినా అంతా బుడిదే: వైయ‌స్ జ‌గ‌న్‌                               హిందూపురం టీడీపీ మాజీ ఎమ్మెల్యే అబ్దుల్‌ గని వైయ‌స్ఆర్‌సీపీలో చేరిక‌                 
    Show Latest News
వర్షంలోనూ సాగుతున్న ప్రజా సంకల్పం

Published on : 08-Jun-2018 | 10:47
 

పుడమిని ప్రేమించే మనిషికి ప్రకృతి గొడుగౌతుంది. అందుకే నాడు రాజన్న నేడు ఆయన బిడ్డ ఈ ఇద్దరికకీ మండే ఎండైనా, కురిసే వానైనా వారి అడుగులకు ఆటంకం కాలేకపోయాయి. శ్రమజీవుల కష్టాలను పంచుకోవాలనుకునే మనుషులు కనుకే వారి చెమట చుక్కలకు నేల చల్లబడుతోంది. ఆ అడుగుల సవ్వడికే పుడమి పులకరిస్తోంది. ఆరు మాసాలుగా ఆ నాయకుడు నడుస్తున్నాడు. అడుగు అడుగులో ఆత్మవిశ్వాసం తొణికిసలాడుతోంది. రోజు రోజుకూ ఆ నడక కొత్త దారులు వెతుకుతోంది. అలుపులేదు. అలసట లేదు. ఆత్మీయంగా పిలిచే పిలుపులో ఇసుమంతైనా విసుగనేది లేదు. అందుకే ఆయన ప్రజా సంకల్పయాత్ర  ఓ జైత్ర యాత్ర. 

పశ్చిమ గోదావరి జిల్లాలో సాగుతున్న ప్రజా సంకల్ప యాత్ర అటు భానుడి భగభగలను చూసింది. ఇటు భీకర వర్షాన్నీ చూసింది. అంతేనా అల్లరి మూకల చిల్లర పనులను చూసింది. ఒకడు ఆ నాయకుడు నడిచిన నేలను పసుపు నీళ్లతో శుద్ధి చేస్తానన్నాడు. ప్రజలంతా ఆ పని చేసిన వాళ్లను శుంఠలన్నారు. ఆ నీళ్లను నెత్తినైనా చల్లుకోమని బుద్ధి చెప్పారు. మరొకడు ఆ యువనేత నడిచే దారిలో తేనెతుట్టెను కొట్టి తేనెటీగలను ఉసిగొల్పాడు. అయినా ప్రతిపక్ష నేత తన నడకను ఆపలేదు. కుట్రలతో, కుతంత్రాలు, కేసులు, జైళ్లు...ఇన్ని ముళ్ల కంచెలు దాటిన వ్యక్తికి తేనెటీగల దండుకు దడుస్తాడా? అరచేతులైనా అడ్డుపెట్టుకోకుండా ఆ యోధుడు ముందుకే సాగాడు.  విమర్శల వడగళ్లవానను ఎదుర్కొన్నవాడు, కక్ష సాధింపుల తుఫాన్లకు ఎదురెళ్లినవాడు, సమస్యల నడిసంద్రంలో ఒంటరిగా ఈదినవాడు...వైఎస్ జగన్ మోహన్ రెడ్డి. వెన్నుపోటు పొడిచిన సొంత పార్టీ నేతలను కూడా పరుషంగా ఒక్కమాట అనని వ్యక్తిత్వం అతడిది. రాజకీయాలంటే భవిష్యత్ తరాలు ఛీ అనకూడదనే కోరిక అతనిది. అందుకే ప్రజల్లో నాయకుడిపై ఉండాల్సిన నమ్మకాన్ని అతడు పోగు చేస్తున్నాడు. ఒక్కడే వేయి మంది నాయకులు అందించే ధైర్యాన్ని ప్రజల్లో పెంచుకొస్తున్నాడు. 

పశ్చిమ గోదావరి జిల్లాలో వైఎస్ జగన్ మోహన్ రెడ్డి ప్రజా సంకల్ప యాత్ర భారీ వర్షంలోనూ కొనసాగుతోంది. ఆయనే కాదు ఆయన వెంట జన సందోహం కూడా అదే హోరు వానలో జోరుగా నడక సాగిస్తోంది. ప్రజల కోసం ఓ నాయకుడు ఎండవానలను లెక్క చేయకుండా  పాదయాత్ర చేస్తుంటే, ఆ నాయకునికి వెన్నుదన్నుగా అదే ప్రజలు తమ పాదం కదుపుతున్న అపూర్వ ఘటనకు తెలుగు రాష్ట్రమే వేదికైంది. వర్షం సాక్షిగా ఓ మహా ప్రజాభిమానం ఆవిష్కృతం అయ్యింది. 
Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com