Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             ఏపీలో వ్యవసాయ రంగం కుదేలు కావడానికి చంద్రబాబు అనుసరిస్తున్న విధానాలే కారణం: వైయ‌స్ఆర్‌సీపీ రైతు విభాగం అధ్యక్షుడు ఎంవీఎస్‌ నాగిరెడ్డి                                సంక్షేమ రాజ్యం రావాలంటే వైఎస్‌ జగన్‌ సీఎం కావాలి.. కావాల్సిందే: బొత్స సత్యానారాయణ                                ఇంటికో రేటు.. పెన్షన్‌కో రేటు వసూలు: వైయ‌స్ఆర్‌సీపీ సీనియ‌ర్ నాయ‌కులు బొత్స స‌త్య‌నారాయ‌ణ‌                               కాగ్‌ నివేదికలో పోలవరం అవినీతి బట్టబయలు అయింది: ఎమ్మెల్యే బుగ్గన రాజేంద్రనాథ్ రెడ్డి                                వైయ‌స్‌ జగన్‌ పాదయాత్రలో ఊళ్లకు ఊళ్లు కదిలివస్తున్నాయి.. దేశంలోనే వైయ‌స్‌ జగన్‌ వంటి ప్రజాదరణ కలిగిన నేత మరొకరు లేరు: తలశిల రఘురాం                               వైయ‌స్‌ జగన్‌ పాదయాత్ర ఈ నెల 24వ తేదీన విజయనగరం జిల్లా కొత్తవలస దగ్గరలోని దేశపాత్రునిపాలెం వద్ద 3000కిలోమీటర్ల మైలురాయిని చేరనుంది: పార్టీ రాష్ట్ర ప్రధాన కార్యదర్శి తలశిల రఘురాం                               వర్షం కారణంగా నేటి 267వ రోజు వైయ‌స్ జ‌గ‌న్ ప్రజాసంకల్పయాత్రకు విరామం                               వైయ‌స్ఆర్‌ కాంగ్రెస్‌ పార్టీలో వంగవీటి కుటుంబానికి అన్యాయం జరగదు, తగిన గౌరవం, గుర్తింపు ఉంటాయి: పార్టీ అధికార ప్రతినిధి అంబటి రాంబాబు                               రాష్ట్ర‌వ్యాప్తంగా అట్ట‌హాసంగా ప్రారంభ‌మైన‌ ‘రావాలి జగన్‌... కావాలి జగన్‌’                 
    Show Latest News
ప్రజా సంకల్ప యాత్ర @ 2500 KM

Published on : 08-Jul-2018 | 17:34
 

 ఆ అడుగుల వేగానికి మైళ్లు తరిగిపోతున్నాయి. ఆ అడుగుల అదురుకు అవినీతి గుండెలు చెదిరిపోతున్నాయి. ఆ అడుగులు కోట్ల కుత్తుకల నినాదాలై ఎగిసి పడుతున్నాయి. ఆ అడుగులు కోట్లాది తెలుగు వారి గుండెచప్పుళ్లైతున్నాయి. ఆ అడుగులు నేడు 2500 కిలోమీటర్ల మైలురాయిని చేరుకుంటున్నాయి. ప్రజా సంకల్ప యాత్రలో వైయస్ జగన్ మోహన్ రెడ్డి వేస్తున్న అడుగులు నవశకానికి నాంది పలుకుతున్నాయి.

ప్రతి జిల్లా అభిమానుల ఖిల్లా

ఊళ్లకు ఊళ్లే తరలివచ్చే దృశ్యం. వేలాదిగా ప్రజలు కలిసి వస్తున్న దృశ్యం. దారులు, గట్టులు, చెట్లు, చేమలు, ఇళ్లు, మిద్దెలు ఎక్కడ చూసినా జగనాభిమాన సంద్రం పరవళ్లు తొక్కుతోంది. ఒక్క ఊరు, ఒక్క మండలం, ఒక్క నియోజకవర్గం, ఒక్కజిల్లా అని చెప్పడానికి లేదు. ఆయన అడుగులను ఆత్మీయంగా స్వాగతించేందుకు తెలుగు నేలపై ప్రతి ఊరూ ఓ తోరణమై ఎదురుచూస్తోంది. ఆ నాయకుడిని ఒక్కసారి కలవాలని, తమ వినతులు చెప్పాలని, ఒక్కసారి చేయి కలపాలని, కలిసి నడవాలని, తమ గోడు చెప్పుకోవాలని, కొండంత భరోసాను ఆ చేతి నుంచి అందుకోవాలని ప్రతి ఒక్కరిదీ ఒక్కో ఆశ. ఆ జననేతను కలిసేందుకు ఎక్కడెక్కడి నుంచో వస్తున్న వారున్నారు. ఓ చోట కలవలేకపోతే వెనుతిరగక, మరోచోటకు, ఇంకోచోటకు వెళ్లి మరీ అతడిని కలుసుకుంటున్నవారెందరో.

అందరివాడు

రైతుల వెతలను అతడు వింటున్నాడు. కూలీల కష్టాలను తెలసుకుంటున్నాడు. రిక్షాకార్మికుని కష్టసుఖాలు అడుగుతున్నాడు. ఆటో డ్రైవర్ తో కలిసి టీ తాగుతున్నాడు. నేతన్నకు అండగా ఉంటానని మాటిస్తున్నాడు. అక్కచెల్లెళ్లను పిల్లల చదువుల గురించి బెంగపడద్దని భరోసా ఇస్తున్నాడు. వృద్ధుల వాత్సల్యానికి ప్రతిగా తన బాధ్యత నెరవేరుస్తానంటున్నాడు. అనారోగ్యం పాలై వైద్యం అందక అల్లాడుతున్నవారికి ఆసరా కల్పిస్తానని, దివ్యాంగులకు చేయూతనిచ్చి ఆదుకుంటానని, నిరుద్యోగులకు ఉద్యోగపర్వం అందిస్తానని వాగ్దానం చేస్తున్నాడు. మనలో ఒకడు, మనతో ఒకడు, వైఎస్ జగన్ మన అందరి వాడు అని ప్రతి ఒక్కరూ అనుకుంటున్నారు.

వ్యథలు కథలూ ఎన్నో

ప్రజా సంకల్స యాత్ర ఆరంభమై ఎనిమిది నెలలు దాటింది. ఆ పాదయాత్రికుని యాత్ర ఇప్పటికి పది జిల్లాలను దాటుకుని పోతోంది. లక్షలాది మంది కష్టజీవుల కన్నీళ్లను తుడిచి, అక్కచెల్లెమ్మలకు ఆసరాగా నిలుస్తానని భరోసా ఇస్తూ సాగుతోంది. ఓ జిల్లాలో కరువు, మరో జిల్లాలో కలుషిత నీరు, ఓ జిల్లాలో చేనేతల ఆక్రందనలు, మరో చోట రైతుల గుండె కోతలు…అడుగడుగునా అధికారం చేసిన అరాచక విధ్వంసం కళ్లకు కనబడుతోంది. కన్నీటితో తమ ఆవేదనలను అర్జీలుగా తెస్తున్నవారిని చూసి ఆ యువనేత గుండె బరువెక్కుతోంది. ఆరోగ్యశ్రీ అందడం లేదని, రేషను ఇవ్వడం లేదని, ఉపాధి లేకుండా పోయిందని, రక్షణ కరువైందని ప్రతిపక్ష నేతకు చెప్పుకుంటున్నారు. అన్నా నువ్వొస్తేనే మా బతుకులు బాగౌతాయన్నా అని ఆశాభావం వ్యక్తం చేస్తున్నారు. గతంలో బాబు మాయ మాటలు నమ్మి మోసపోయిన వర్గాలు వస్తున్నాయి. బాబు చేసిన మోసాన్ని వివరంగా ఆ నాయకుడి ముందుంచుతున్నాయి. నువ్వే న్యాయం చేయాలన్నా అని అర్థిస్తున్నాయి. బాబును నమ్మి ఓటేస్తే నేడు మా గతి చూడన్నా అంటూ ఆవేదన చెందుతున్న గొంతులెన్నో. వారందరికీ వైయస్ జగన్ ఓ ఆశా జ్యోతి. మాటతప్పని నాయకుడు, మంచి కోరుకునే మహానేత వారసుడు, తమలాగే కష్టాన్ని ఎరిగిన వాడు, కన్నీళ్లకు ఎదురేగినవాడని తెలుసుకునే ఊరూరూ ఆ యువనేత వెంట అడుగులేస్తోంది. తమ కష్టం చూడటానికి వచ్చిన నాయకుడికి తామే గొడుగై నిలుస్తామంటోంది. ఎండవాన, రాయిరప్పా ఏదీ ఆ నాయకుడి దారికి అడ్డంగా కాలేకపోతున్నాయి. విమర్శలు, అవరోధాలూ అతడిని ఆపలేకపోతున్నాయి. జగన్నినాదమై సాగుతున్న ప్రజా సంకల్ప యాత్ర నాటి ప్రజా ప్రస్థానాన్ని గుర్తు చేస్తోంది. రాబోయే స్వర్ణయుగానికి అంకురార్పణ చేస్తోంది.

 


ప్రతి ఇంటికీ నవరత్నాలు
YSRCP Navaratna YS Rajashekar Reddy YS Rajashekar Reddy Emperor of Corruption YS Rajashekar Reddy Central Assistance to AP Prajalachentha
Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com