Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             కాకినాడ జేన్‌టీయూ సెంటర్‌ నుంచి వైయ‌స్ జ‌గ‌న్ 217వ రోజు ప్ర‌జా సంక‌ల్ప యాత్ర ప్రారంభం                               ఏపీకి అన్యాయం చేస్తున్న కేంద్ర వైఖరికి నిరసనగా మంగళవారం ఏపీ బంద్‌: వైయ‌స్ జ‌గ‌న్‌                               పార్లమెంట్‌ ఆవరణలోని గాంధీ విగ్రహం వద్ద వైయ‌స్ఆర్‌ కాంగ్రెస్‌ పార్టీ నేతల‌ ధర్నా                                వైయ‌స్‌ జగన్‌ 216వ రోజు పాదయాత్ర ప్రారంభం                               కాకినాడ న‌గ‌రంలో సాయంత్రం వైయ‌స్ జ‌గ‌న్ బ‌హిరంగ స‌భ‌                               అవిశ్వాసానికి అనుమతివ్వడం టీడీపీ-బీజేపీ మ్యాచ్‌ ఫిక్సింగ్‌కు నిదర్శనం: మాజీ ఎంపీ వైవీ సుబ్బారెడ్డి                               బీజేపీ అధ్యక్షుడు అమిత్‌షా, టీడీపీ రాజగురువుతో ఎందుకు చర్చలు జరిపారు, వాటి వెనుక ఉన్న రహష్యాన్ని బయటపెట్టాలి: అంబ‌టి రాంబాబు                               క‌ర‌కుదురు నుంచి వైయ‌స్ జ‌గ‌న్ 214వ రోజు ప్రజాసంకల్పయాత్ర ప్రారంభం                               ఎన్నిక‌ల‌కు సిద్ద‌మా చంద్ర‌బాబు?: వైయ‌స్ఆర్‌సీపీ నాయ‌కుడు పార్థ‌సార‌ధి                 
    Show Latest News
అందరి అడుగులు అటుకేసే...

Published on : 26-Dec-2017 | 16:22
 

  

పొలాలగట్లమీదుగా పరుగులుపెడుతూ అటు సాగుతున్న జనం
వూరూవాడల నుంచి తరలివస్తున్న జనం అటుకేసే...
అనంతపురం : ఉత్సాహంతో ఉరుకులూ పెడుతున్నారు. ముప్పిరిగొంటున్న భావోద్వేగాల నడుమ బతుకు వ్యధల్ని చెప్పుకుంటున్నారు.
ఈ దృశ్యాలన్నీ వైయస్‌జగన్‌ మహాసంకల్పయాత్రలో భాగంగా కనిపిస్తున్నాయి.  అనంతపురం కటారుపల్లిలో ఆరువందల కిలోమీటర్ల మైలురాయి దాటిన పాదయాత్ర వెంబడి ఇప్పటిదాకా లక్షలమంది సహయాత్రికులవుతున్నారు. అలుపెరుగని పాదయాత్రికుడి అడుగులో అడుగులేస్తూ నడుస్తున్నారు.. ఆ నడకదారి మధ్యలో తమ సమస్యలు చెప్పుకుంటున్నారు. ఎన్నికలవేళ అనేకానేక హామీలతో అరచేతిలో వైకుంఠం చూపించిన చంద్రబాబు ...తర్వాతకాలంలో అన్నిటికీ నీళ్లొదిలేశాడు. తన మేనిఫెస్టోలోనివన్నీ నీటిమీద రాతలేనని తేల్చారు. నమ్మిన జనాన్ని నిలువునా ముంచారని బాధపడిపోతున్నారు.

అనేక కొర్రీలతో...స్వంతపార్టీవారు కాదన్న వివక్షతో వస్తున్న పెన్షన్లు ఆపారు. అర్హత వుండీ ...కొత్త పెన్షన్ల కోసం కాళ్లరిగేలా తిరుగుతున్నా మొండిచెయ్యిచూపుతున్నారు. ఇక రుణాలమాఫీ, డ్వాక్రా రుణాలమాఫీలంటూ కోటలు దాటిన మాటలతో ఊదరగొట్టారు.  ఇప్పుడు వడ్డీల మీద వడ్డీలు పెరిగి...ఆ రుణాలు కాస్తా గుదిబండలయ్యాయని....బ్యాంకుల నోటీసులు తలవంపులు తెస్తున్నాయని  దిగులుపడుతున్న సామాన్యజనం కథనాలెన్నో వినపడుతున్నాయి. 

పెరిగిన ఫీజులు, చాలీచాలని ఫీజురీయింబర్స్‌మెంట్లు పెద్దచదువులకు చెక్‌పెట్టేలా కనిపిస్తుంటే...బాబొస్తే జాబొస్తుందన్నమాట పెద్దమోసంగా తేలిపోయింది. చాలాచోట్ల..చాలా విభాగాల్లో వేలాదిమంది తాత్కాలిక ఉద్యోగాలను ఊడబెరిగిన పరిస్థితులు కనిపిస్తున్నాయి. 
ఇప్పటిదాకా పాదయాత్ర సాగిన దారిలో హంద్రీనీవా సుజలస్రవంతి ప్రసక్తి చాలా చోట్ల వినిపించింది. వైయస్సార్‌ హయాంలో ఎనభైశాతం పనులు పూర్తయినా, మిగిలిన పదిహేను, ఇరవైశాతం పనులకు దిక్కులేకుండా పోయింది. పిల్లకాలువలు తవ్వితే చాలు లక్షల ఎకరాలు సాగులోకి వచ్చే సౌలభ్యం వున్నా పాలకుల నిర్లక్ష్యంతో పనులు కానీ దురదృష్టం వెక్కిరిస్తోంది.   ఓవైపు హంద్రీనీవా నీళ్లున్నా...పంటకాలువలు పక్కనే వున్నా....వాటికి పిల్లకాలువలు లేక పొలాలు తడవని దౌర్భాగ్య పరిస్థితులు కనపడుతున్నాయి. 

ఇలా అడుగడుగునా అన్నదాతల సమస్యలు ఎన్నెన్నో వినిపిస్తున్నాయి. ప్రధానంగా పంటలకు గిట్టుబాటు ధరల్లేక...పంటకు పెట్టిన పెట్టుబడులుకూడా తిరిగిరాని పరిస్థితులు రైతుల కంట కన్నీరు పెట్టిస్తున్నాయి. మార్కెట్‌ దళారుల దోపిడీ...వ్యవసాయం దండగ అనిపించేలా ఏడిపిస్తోంది.
ఓవైపు వూర్లలో ఏరులైపారుతున్న మద్యం కుటుంబాలను వీధిన పడేస్తోందన్న మహిళల ఆవేదన కనిపిస్తోంది. అధికారంలోకి రాగానే బెల్టుషాపుల భరతం పడతానన్నా బాబుగారు...ఆ తర్వాత మద్యం ద్వారా ...కొత్తకొత్త ఆదాయమార్గాలు కనిపెడుతున్నారు. మద్యం అమ్మకాల విషయంలో చీప్‌ప్రమోటర్‌గా వ్యవహరిస్తున్నారు. 

మొత్తానికి ఈ పాదయాత్ర  జనం గుండెఘోషల ప్రతిధ్వనిలా సాగుతోంది. మేడిచందం చంద్రబాబుగారి పాలనను...దాని పొట్టలో పురుగులున్న దృష్టాంతాలను పట్టిచూపుతోంది. 

 

సంబంధిత వార్తలు

Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com