Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             వైయ‌స్ఆర్‌ కాంగ్రెస్‌ పార్టీలో వంగవీటి కుటుంబానికి అన్యాయం జరగదు, తగిన గౌరవం, గుర్తింపు ఉంటాయి: పార్టీ అధికార ప్రతినిధి అంబటి రాంబాబు                               ఆనందపురం శివారు నుంచి వైయ‌స్ జ‌గ‌న్ 265వ రోజు ప్రజాసంకల్పయాత్ర ప్రారంభం                               రాష్ట్ర‌వ్యాప్తంగా అట్ట‌హాసంగా ప్రారంభ‌మైన‌ ‘రావాలి జగన్‌... కావాలి జగన్‌’                               రాష్ట్రంలో ఎంతోమంది మేధావులు, ఇంజనీర్లు ఉండగా.. ముఖ్యమంత్రి చంద్రబాబు నాయుడు రాజధాని పనులు సింగపూర్‌ కంపెనీలకు అప్పగిస్తున్నారు: వైయ‌స్ జగన్‌ మోహన్‌ రెడ్డి                                దేశంలో ముస్లింలకు ప్రాతినిధ్యం లేని క్యాబినెట్‌ ఏదైనా ఉందంటే అది కేవలం చంద్రబాబు ప్రభుత్వమే: వైయ‌స్ జ‌గ‌న్‌                               వైయ‌స్ఆర్‌ మరణం తర్వాత వైయ‌స్‌ జగన్‌ మోహన్‌ రెడ్డిపై పెట్టిన కేసులు అన్నీ చంద్రబాబు కుట్రలో భాగమే : పెద్దిరెడ్డి రామచంద్రారెడ్డి                               వైయ‌స్ జ‌గ‌న్ మోహ‌న్ రెడ్డి స‌మ‌క్షంలో మాజీ సీఎం నేదురుమ‌ల్లి జ‌నార్ధ‌న్‌రెడ్డి కుమారుడు రామ్‌కుమార్‌రెడ్డి వైయ‌స్ఆర్‌సీపీలో చేరిక‌                               వైయ‌స్ పురుషోత్తంరెడ్డి మృతికి వైయ‌స్ జ‌గ‌న్ తీవ్ర సంతాపం                               పెందుర్తి నియోజకవర్గంలోని గుల్లేపల్లిలో ఏర్పాటు చేసిన టీచ‌ర్స్ డే వేడుకల్లో పాల్గొన్న వైయ‌స్ జ‌గ‌న్‌.. భారత తొలి ఉపరాష్ట్రపతి సర్వేపల్లి రాధాకృష్ణ చిత్రపటానికి వైయ‌స్ జ‌గ‌న్ నివాళులు                  
    Show Latest News
ఫిరాయింపు నేతలకే పచ్చ పార్టీ టిక్కెట్లు

Published on : 11-Jul-2018 | 11:26
 

కాంగ్రెస్ గూటికి చేరువౌతున్న కొద్దీ చంద్రబాబు, లోకేషూ ఇద్దరూ కలిసి కాంగ్రెస్ నామ జపం చేస్తున్నారు. రాహుల్ ను పొగుడుతూ చంద్రబాబు తరిస్తుంటే, ఇందిరాగాంధీని పొగుడుతూ లోకేష్ భజన చేస్తున్నాడు. ఎన్టీఆర్ ను ముఖ్యమంత్రిని చేసిన ఘనత ఇందిరా గాంధీకి దక్కుతుందని చెబుతున్నాడు లోకేషం. ఈ లెక్కన చంద్రబాబు గెలుపులో ఏ పార్టీకి ఎంత శాతం పాత్ర ఉందో కాస్తా ఆరాతీస్తే మంచిదేమో! 
లోకేషాన్ని కాపీ కాట్ అంటూ నెటిజన్లు కామెంట్లు పెడుతున్నారంటే పెట్టరూ...ప్రతిపక్ష నేత వైఎస్ జగన్ మోహన్ రెడ్డిలా మాట్లాడాలని, ప్రవర్తించాలనీ తెగ ఆరాటపడుతుంటాడు ఎపి పప్పు. అందుకోసం పడే తాపత్రయంలో మరింత అభాసు పాలౌతుంటాడు. పులిని చూసి నక్క వాత పెట్టుకున్నట్టుంటోంది లోకేష్ యవ్వారం. ప్రజా సంకల్ప యాత్రలో ప్రజా మేనిఫెస్టోనే కాదు, పార్టీ కేండేట్లను కూడా ప్రకటిస్తున్నారు వైఎస్ జగన్. ప్రజల సమక్షంలో చేస్తున్న ఈ అరుదైన సభ్యుల ఎంపిక విధానం ఓ విధంగా క్రేజ్ ను సంపాదించుకుంది. కర్నూలు పర్యటనలో ఉన్న మంత్రి నారా లోకేష్ కర్నూలు ఎంపీ, ఎమ్మెల్యే అభ్యర్థులను ప్రకటించాడు. ఓ మంత్రి స్థానంలో ఉన్న లోకేషే అభ్యర్థులను ఖరారు చేస్తున్నాడా, పప్పు బాబే భవిష్య ఎన్నికల్లో టిడిపి అభ్యర్థుల జాబితాను నిర్ణయిస్తున్నారా అనుకుంటూ ఆశ్చర్యపోతున్నారు కర్నూలు ప్రజానీకం. 
ఇక్కడ మరో విశేషమేమిటంటే వైఎస్సార్ కాంగ్రెస్ పార్టీ గుర్తుతో గెలిచి, ఫిరాయింపులకు పాల్పడ్డ నాయకులే తిరిగి టిడిపికి దిక్కయ్యారు. ఎంపిగా బుట్టా రేణుక, ఎమ్మెల్యేగా ఎస్వీ మోహన్ రెడ్డిని గెలిపించుకోవాలంటూ పిలుపునిచ్చాడు నారాలోకేష్. వైఎస్సార్ కాంగ్రెస్ పార్టీ నుంచి కర్నూలు ఎంపిగా గెలిచిన బుట్టా రేణుక ఏడాది క్రితం టిడిపిలో చేరారు. 2016లో ఎమ్మెల్యే ఎస్వీ మోహన్ కూడా పచ్చకండువా కప్పుకున్నారు. అభివృద్ధి, ప్రజా సంక్షేమం కోసం పార్టీ మారామని చెప్పుకున్న ఈ నేతలు ఆ ప్రాంతాలకు చేసిన మేలు ఏమీలేదని ప్రజలకూ బాగానే తెలుసు. బుట్టా రేణుక అయితే రానున్న ఎన్నికల్లో టిడిపి నుంచి టికెట్ కన్ఫర్మేషన్ తీసుకునే ఫిరాయించారని సాగిన ప్రచారం నిజమని లోకేష్ ఆమె అభ్యర్థిత్వం ఖరారు చేయడంతో తేటతెల్లం అయ్యింది. ఇక ఎప్పటి నుంచో ఆ పార్టీలో ఉన్న అసంతృప్తులకు ఇది మరింత ఆజ్యం కానుంది. ఫిరాయింపు నేతలకు పదవులివ్వడమే కాక, మళ్లీ ఎన్నికల్లో వారికే పార్టీ ప్రాధాన్యత ఇవ్వడం, అభ్యర్థులుగా ఎంపిక చేయడం టిడిపిలో ముసలానికి కారణం కాకపోదు. 
కర్నూలులో లోకేష్ పొదుపు సంఘాల మీటింగ్ లో ఎంపి, ఎమ్మెల్యే అభ్యర్థులను ప్రకటించడంతో వేదికపై ఉన్న ఎంపి టిజి వెంకటేష్ కంగు తిన్నారు. తన కుమారుడికి కర్నూలు అసెంబ్లీ సీటు ఎక్స్ పెక్ట్ చేస్తున్న ఆయన అసంతృప్తికి గురై తర్వాత కార్యక్రమాలకు లోకేష్ తో కలవకుండా వెళ్లిపోయారు. సమీక్షలు చేసి అభ్యర్థులను ఖరారు చేస్తామని చంద్రబాబు చెబుతుంటే, బహిరంగంగా అభ్యర్థులను ప్రకటించడం అనే కొత్త అలవాటును టిడిపి ప్రతిపక్ష పార్టీని చూసే అలవాటు చేసుకుంటోందంటూ ఆగ్రహించారు టిజి వెంకటేష్. 
నంద్యాల ఉప ఎన్నికల సమయంలో ఆ ప్రాంతానికి టిడిపి అధినాయకత్వం ఇచ్చిన కోట్లాది రూపాయిల హామీల పరిస్థితి ఏమైందో ఆ ప్రాంతవాసులే కాదు, రాయలసీమ ప్రజానీకం అంతా గమనించారు. ఎన్నికల తర్వాత ఆ పార్టీ నేతలు తిరిగి నంద్యాల వైపు కన్నెత్తి చూసింది లేదు. నమ్మక ద్రోహం చేసిన నాయకులనే గెలిపించమంటూ మంత్రి లోకేష్ చేస్తున్న ప్రచారం దిగజారిన ఆ పార్టీ విలువలకు సాక్షంగా కనిపిస్తోంది. లోకేష్ ప్రతిపాదించినంత మాత్రాన, పార్టీ ఫిరాయించి టిడిపిలోకి లాంగ్ జంప్ చేసిన నాయకులను ప్రజలు క్షమిస్తారా? నమ్మక ద్రోహాన్ని, వంచనను మరచిపోతారా? ప్రజాస్వామ్యానికి అపహాస్యం చేసిన నాయకులకు బుద్ధి చెప్పకుండా ఉంటారా? 


 

సంబంధిత వార్తలు


ప్రతి ఇంటికీ నవరత్నాలు
YSRCP Navaratna YS Rajashekar Reddy YS Rajashekar Reddy Emperor of Corruption YS Rajashekar Reddy Central Assistance to AP Prajalachentha
Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com