Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             సీబీఐ మాజీ జేడీ లక్ష్మీనారాయణ, చంద్రబాబు మధ్య బంధం తేలతెల్లమవుతోంది: వాసిరెడ్డి పద్మ                                నచ్చితే నంది.. నచ్చకపోతే పందిలా తెలుగుదేశం పార్టీ పత్రికల తీరు: వాసిరెడ్డి పద్మ                               ఫీజు రీయింబ‌ర్స్‌మెంట్ ప‌థ‌కాన్ని నిర్వీర్యం చేస్తూ పేద‌ల‌కు ఉన్న‌త చ‌దువులు దూరం చేస్తున్న వైఖ‌రికి నిర‌స‌న‌గా వైయ‌స్‌ఆర్ విద్యార్ధి విభాగం ఆధ్వర్యంలో అన్ని జిల్లా కేంద్రాల‌లో అక్టోబ‌ర్ 25వ తేదీన ఫీజుపోరు : విజ‌య‌సాయిరెడ్డి                               జననేత వైయ‌స్ జ‌గ‌న్ ప్ర‌జా సంక‌ల్ప యాత్ర 292వ రోజు సాలూరు శివారు నుంచి ప్రారంభం                               చంద్రబాబు రాజకీయ జీవితమంతా రక్త చరిత్రే: భూమన కరుణాకర్‌రెడ్డి                                వైయస్‌ జగన్‌ను కలిసిన సాక్షార భారత్‌ గ్రామ కో–ఆర్డినేటర్లు                               తుని రైలు దహనం ఘటన వెనుక చంద్రబాబు హస్తం లేదా: భూమన కరుణాకర్‌రెడ్డి                                గుంటూరు జిల్లా టీడీపీ మాజీ అధ్యక్షుడు మల్లాది శివన్నారాయణ, చిలకలూరిపేట టీడీపీ మాజీ అధ్యక్షుడు శివయ్య, జి.వెంకట్రావు, కె.కాంతారావులు వైయ‌స్ఆర్‌సీపీలో చేరిక‌                               దేశంలో, రాష్ట్రంలో ఇలాంటి అబద్ధపు ముఖ్యమంత్రి ఎక్కడా లేరని, గల్ఫ్‌ దేశాల్లో ఇలాంటి అబద్ధాల ముఖ్యమంత్రిని ఎప్పుడో ఉరి తీసేవారు: ఎమ్మెల్యే ర‌వీంద్ర‌నాథ్‌రెడ్డి                 
    Show Latest News
ఇక అవిశ్వాసం పెట్టాల్సింది ప్రజలే...

Published on : 21-Jul-2018 | 15:46
 




ప్రజల చేత, ప్రజలకోసం, ప్రజలే ఎన్నుకునే ప్రభుత్వాలపై ఎ.పి ప్రజలు పెట్టుకున్న ఆశలు...ఆకాంక్షలు అన్నీ ఆవిరైపోయాయి. ప్రత్యేకహోదా పై అటు కేంద్రం చాణక్యం..ఏ సమస్యలోనైనా తన స్వీయరాజకీయప్రయోజనాన్ని వెదుక్కునే చంద్రబాబు రాజకీయం..ఐదు కోట్ల మంది ఆంధ్ర ప్రజల భవిష్యత్తును నట్టనడిరోడ్డుపై పడేశాయి. 

నాలుగేళ్లుగా....
విభజిత ఆంధ్రప్రదేశ్‌కు ఎన్నెన్నో హామీలు...ఎన్నెన్నో వాగ్దానాలు చేసిన కేంద్రం, ఎన్నికలయిపోయిన వెంటనే, ఆంధ్ర మాకేమి ప్రత్యేకం కాదు, అన్ని రాష్ట్రాల్లో అది కూడా ఒక్కటి అన్న చందాన ఏపీపై నిర్లక్ష్యపు నీడలు పరిచింది. రాష్ట్రభవిష్యత్తుపై కేంద్రం నీలినీడలు కమ్ముకుంటుంటే, అవి వర్షం కురిపించే ఆకాశమేఘాలనీ చంద్రబాబుగారు అమాయకంగా నమ్మారు. తన అమాయకత్వానికి, తన చిత్తశుద్ది లేని వ్యక్తిత్వానికి బాబుగారు పెట్టుకున్న పేరు విజ్ఞత. దేశంలోనే సీనియర్‌ పొలిటీషియన్‌ నేనే నంటూ తన నెత్తిన తానే కిరీటం పెట్టేసుకుని, నాలుగేళ్లకాలం రాజకీయం నడిపారు. ఐదుకోట్ల ఆంధ్రులకు ప్రత్యేక హోదా అవసరం లేదని, మోడీసారు ఇస్తానన్న ప్యాకేజీ చాలని...రాష్ట్రముఖ్యమంత్రిగా నిర్ణయం తీసుకున్నారు. తమ విడదీయరాని బంధంపై అపారప్రేమను ప్రకటిస్తూ...రాజధాని నిర్మాణమంటే మోడీగారు ముంతెడు మట్టి, చెంబుడు నీళ్లు ఇవ్వగానే మురిసిపోయి...నెతిన చల్లుకుని మురిసిపోయారు. హైదరాబాద్‌ నగరంలో ఎపి రాజధానిని నడుపుకోవడానికి పదేళ్లు అవకాశం వున్నా ’సన్నాసి’లా వదిలేసి...నేనక్కడ వుంటే, ఇక్కడ రాజధాని కట్టేదెవరని...ఇదేంటని? అడిగిన వారిని దబాయించారు. రాష్ట్రానికి సంబంధించి తాపీనైనా, మేస్త్రేనైనా నేనేనంటూ...స్వీయ భ్రమలకు తీవ్రంగా లోనై...కేంద్రం ఉచ్చులో పడిపోయారు. ప్రజలందరికీ ఈ విషయాలు ఏరోజుకారోజు అర్థమవుతున్నా, ఎపిలో తన దబాయింపు రాజకీయం మానలేదు. నిజానికి చంద్రబాబుగారికి ఇదేమీ కొత్త కాదు. ఆయన నెవరైనా ప్రశ్నిస్తే దబాయింపు. మీరిచ్చిన హామీని మరిచారా? అంటే దబాయింపు. ఆయన దబాయింపుల బారిన దళితులు, బలహీనవర్గాలతో పాటు అన్ని వర్గాల ప్రజలూ పడ్డారు. తాను స్వంతమామగారికి వెన్నుపోటు పొడిచి, గద్దెనెక్కి కూర్చున్న రోజు నుంచి సామాన్యులపై, ప్రశ్నించేవారిపై ఇదే దబాయింపు రాజకీయం చేస్తూ పోయారు. ఇంతకాలం పాపం అమాయ ఆంధ్రులపై దబాయింపులతో పెత్తనం చేస్తూ వచ్చిన నారా బాబుగారికి, నీ నార తీసేది మేమేనంటూ బీజెపి తగులుకుంది పాపం! ఇంతకాలం అమాయకుడిని చేసి ఆడుకుంది. తనకు, తనవారికి, తన పచ్చపార్టీకి అన్ని సమకూరితే చాలనుకున్న స్వార్థంతో...పాలన కొనసాగిస్తూ పోతున్న పాపానికిప్పుడు సరైన శిక్ష పడింది. 
ఇదంతా పక్కన పెడితే, ఒక్క ప్రత్యేకహోదా విషయంలోనే బాబుగారు ఎన్ని పిల్లిమొగ్గలు వేశారో, ఎన్ని దారుణ నిర్ణయాలు తీసుకున్నారో...వాటన్నిటి ఫలితం ఇప్పుడు ఎ.పి భవిష్యత్తును ప్రశ్నార్థకం చేసిపడేసింది. తెలుగు వాడి, వేడి...బాబుగారి చలవతో మొద్దుబారిపోయే పరిస్థితి తలెత్తుతోంది. సరిగ్గా, ఎపి ప్రజల అదృష్టం కొద్దీ ఆకురాయిలా ప్రతిపక్షనాయకుడు దొరికాడు. ఇప్పుడు తెలుగు కత్తి వాడి. వేడి అతనే. ఈ అప్రజాస్వామిక రాజకీయాలపై...ప్రజాస్వామిక కత్తిలా నడిచేస్తున్నా...నడిచొచ్చేస్తున్నా...విపక్ష నాయకుడే ఇప్పుడో భరోసా. ఆయన లేవనెత్తుతూ వస్తున్న ప్రజాసమస్యలు...రేపటి భవిష్యత్తుపై రేకెత్తిస్తున్న ఆశలే .. దిగులు పడుతున్న రాష్ట్రానికి ’సంజీవని’ టానిక్‌. మీకోసం – మనందరి ప్రభుత్వం ...అంటూ నడుస్తున్న తీరే గ్యారంటీ సంతకం.
’’ఇక ఈ మభ్యపెట్టే హామీలతో, మోసకారి మాటలతో, ప్రజల ప్రయోజనాలను తాకట్టు పెట్టి స్వీయప్రయోజనాలు సాధించుకునే రాజకీయాలతో, ఈ అబద్దాలతో, అవినీతితో, కుట్రలు, కుతంత్రాలతో నష్టపోవడానికి సిద్దంగా లేము. మీకు మీ రాజకీయాలకో దండం. మీపై అవిశ్వాసం ప్రకటిస్తున్నాం’’ అంటూ ...బాబు అధికారంపై ప్రజలు అవిశ్వాసం ప్రకటించే రోజు అట్టే దూరం లేదు. . 

సంబంధిత వార్తలు

Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com