Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             పచ్చచొక్కాల కోసమే ప్రభుత్వ పథకాలు: వైవీ సుబ్బారెడ్డి                               చిన్నరాయుడుపేట నుంచి వైయ‌స్ జ‌గ‌న్ 298వ రోజు ప్రజాసంకల్పయాత్ర ప్రారంభం                               బిడ్డ పుట్టి ఓటు హక్కు వచ్చిన తర్వాత తనకే ఓటు వేస్తారని చంద్రబాబు పేర్కొనడం హాస్యాస్పదం: పేర్నినాని                               వైయ‌స్ జ‌గ‌న్ బాలల దినోత్సవ శుభాకాంక్షలు                                మాజీ మంత్రి సి.రామ‌చంద్ర‌య్య వైయ‌స్ జ‌గ‌న్ స‌మ‌క్షంలో వైయ‌స్ఆర్‌సీపీలో చేరిక‌                               నాలుగేళ్లుగా దళితుల సమస్యలపై చంద్రబాబు స్పందించలేదని, ఎన్నికలకు 6 నెలల ముందు ఎస్టీలకు మంత్రి పదవి ఇచ్చారు: టీజేఆర్ సుధాక‌ర్‌బాబు                               వైయ‌స్ జ‌గ‌న్ స‌మ‌క్షంలో రాజ‌మండ్రికి చెందిన బీసీ సంఘం రాష్ట్ర అధ్య‌క్షుడు మార్గాని నాగేశ్వ‌ర‌రావు, భ‌ర‌త్ వైయ‌స్ఆర్ సీపీలో చేరిక‌                               కేంద్ర మంత్రి అనంత్‌కుమార్ మృతికి వైయ‌స్ జ‌గ‌న్ సంతాపం                               వైయ‌స్ జగన్ ప్ర‌జా సంక‌ల్ప యాత్ర‌ పున:ప్రారంభం                 
    Show Latest News
టీడీపీవి వంచన యాత్రలు

Published on : 30-Nov-2016 | 18:36
 

కదిరి: తెలుగుదేశం పార్టీ గత కొద్ది రోజులుగా చేపట్టిన జనచైతన్య యాత్రలకు జనమెవ్వరూ హాజరు కావడం లేదని, అవి టీడీపీ వంచన యాత్రలని ఉరవకొండ వైయస్‌ఆర్‌సీపీ ఎమ్మెల్యే విశ్వేశ్వర్‌రెడ్డి మండిపడ్డారు. టీడీపీ సభ్యత్వ నమోదు కార్యక్రమాలకు అధికారులు ఎందుకు హాజరవుతున్నారో అర్థం కావడం లేదని ఆగ్రహం వ్యక్తం చేశారు. గడప గడపకు వైయస్‌ఆర్‌ కార్యక్రమంలో భాగంగా బుధవారం ఆయన కదిరి నియోజకవర్గం గాండ్లపెంట మండలంలో పర్యటించారు. వైయస్‌ఆర్‌ కాంగ్రెస్‌ పార్టీ కదిరి నియోజకవర్గ సమన్వయకర్త డాక్టర్‌ సిద్దారెడ్డి స్వగృహంలో ఏర్పాటు చేసిన విలేకరుల సమావేశంలో ఎమ్మెల్యే మాట్లాడారు. ‘ఎన్నికలకు మునుపు చంద్రబాబు నాయుడు ప్రజలకిచ్చిన ఒక్క హామీ కూడా నెరవేర్చలేదని ఫైర్ అయ్యారు. 

తమ అధినేత వైయస్‌ జగన్‌మోహన్‌రెడ్డి ఇచ్చిన పిలుపు మేరకు జూలై 8 నుంచి గడప గడపకూ వైయస్‌ఆర్‌ కార్యక్రమాన్ని నిర్వీరామంగా కొనసాగిస్తున్నామన్నారు. ఈ కార్యక్రమానికి ప్రతి నియోజకవర్గంలోనూ ప్రజల నుంచి అనూహ్య స్పందన లభిస్తోందని విశ్వేశ్వర్‌రెడ్డి తెలిపారు. ఎన్నికలెప్పుడొస్తాయా..చంద్రబాబును ఎప్పుడు ఇంటికి సాగనంపుదామా అని ప్రజలు ఎదురు చూస్తున్నారని పేర్కొన్నారు. ఈ ప్రభుత్వం ఇప్పటిదాకా ప్రజలకు ఉపయోగపడే ఒక్క పనికూడా చేయలేదు అని విమర్శించారు. చంద్రబాబు హయాంలో వ్యవసాయ రంగం పూర్తిగా నిర్వీర్యమై పోయిందని  ఆందోళన వ్యక్తం చేశారు. కరువు సహాయక చర్యలు చేపట్టడంతో రాష్ట్ర సర్కారు పూర్తిగా విఫలమైందని ధ్వజమెత్తారు. 

ఏపీకి ప్రత్యేకహోదా ఇవ్వాల్సిందేనని కేంద్రాన్ని గట్టిగా ప్రశ్నించడానికి చంద్రబాబు గొంతు మూగబోయిందని దుయ్యబట్టారు. ఆయన ఓటుకు కోట్లు కేసులో పీకల్లోతు ఇరుక్కుపోవడం వలన రాష్ట్ర భవిష్యత్‌ను కేంద్రం వద్ద తాకట్టు పెట్టారని విమర్శించారు.  టీడీపీ ప్రభుత్వ హయాంలో ఉద్యోగాలొస్తాయన్న  యువత ఆశలు వదులుకోవల్సిందే అన్నారు. నోట్ల రద్దును తాము వ్యతిరేకించడం లేదు కానీ దాని మూలంగా సామాన్య, మధ్య తరగతి ప్రజలు 20 రోజులుగా చాలా ఇబ్బందులు పడుతున్నారని ఆయన గుర్తు చేశారు. సమావేశంలో వైయస్‌ఆర్‌సీపీ కదిరి నియోజకవర్గ సమన్వయకర్త పివి.సిద్దారెడ్డి, రాష్ట్ర కార్యదర్శి వజ్రభాస్కరరెడ్డి, కౌన్సిలర్లు పాల్గొన్నారు.















 

సంబంధిత వార్తలు

Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com