Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             పచ్చచొక్కాల కోసమే ప్రభుత్వ పథకాలు: వైవీ సుబ్బారెడ్డి                               చిన్నరాయుడుపేట నుంచి వైయ‌స్ జ‌గ‌న్ 298వ రోజు ప్రజాసంకల్పయాత్ర ప్రారంభం                               బిడ్డ పుట్టి ఓటు హక్కు వచ్చిన తర్వాత తనకే ఓటు వేస్తారని చంద్రబాబు పేర్కొనడం హాస్యాస్పదం: పేర్నినాని                               వైయ‌స్ జ‌గ‌న్ బాలల దినోత్సవ శుభాకాంక్షలు                                మాజీ మంత్రి సి.రామ‌చంద్ర‌య్య వైయ‌స్ జ‌గ‌న్ స‌మ‌క్షంలో వైయ‌స్ఆర్‌సీపీలో చేరిక‌                               నాలుగేళ్లుగా దళితుల సమస్యలపై చంద్రబాబు స్పందించలేదని, ఎన్నికలకు 6 నెలల ముందు ఎస్టీలకు మంత్రి పదవి ఇచ్చారు: టీజేఆర్ సుధాక‌ర్‌బాబు                               వైయ‌స్ జ‌గ‌న్ స‌మ‌క్షంలో రాజ‌మండ్రికి చెందిన బీసీ సంఘం రాష్ట్ర అధ్య‌క్షుడు మార్గాని నాగేశ్వ‌ర‌రావు, భ‌ర‌త్ వైయ‌స్ఆర్ సీపీలో చేరిక‌                               కేంద్ర మంత్రి అనంత్‌కుమార్ మృతికి వైయ‌స్ జ‌గ‌న్ సంతాపం                               వైయ‌స్ జగన్ ప్ర‌జా సంక‌ల్ప యాత్ర‌ పున:ప్రారంభం                 
    Show Latest News
అప్పుల లెక్క‌ల కాలం ఇది...

Published on : 19-Oct-2018 | 11:36
 



ఆర్థిక మంత్రి గ‌తేడాది ఇదే స‌మ‌యానికి అస‌లు విష‌యం బైట‌పెట్టారు. ఆదాయం ఆశాజ‌న‌కంగా లేనందున అప్పుల‌తో నెట్టుకొస్తున్నాం అంటూ చెప్పుకొచ్చారు. వార్షిక ఆర్థిక ప‌రిస్థితుల గురించి స‌మీక్ష చేసిన య‌న‌మ‌ల ఈర‌కంగా వాఖ్యానించారు. ఆదాయ ఖ‌ర్చుల మ‌దింపు త‌ర్వాత తెలిసిన విష‌యం ఏమంటే ముఖ్య‌మంత్రిగారి బినామీలు, ఆయ‌న పుత్ర‌ర‌త్నంగారు ఉన్న శాఖ‌ల్లో నిధుల వినియోగం కొండ‌లా పెరిగిపోతోంద‌ని. ఓప‌క్క ఆదాయం తగ్గిపోయి, మ‌రోప‌క్క ఖ‌ర్చులు పెరిగిపోయి రాష్ట్ర ఖ‌జానాప‌రిస్థితి క్షీణిస్తోంద‌ని శెల‌విచ్చారు.  ఇచ్చిన నిధులక‌న్నా ఎక్కువ కోరుతున్న‌, ఎక్కువ ఖ‌ర్చు పెడుతున్న శాఖ‌ల పేర్లు కూడా య‌న‌మల బ‌య‌ట‌పెట్టారు. అందులో చిన‌బాబు పంచాయితీరాజ్, దేవినేని నీటిపారుద‌ల శాఖ ముందు వ‌ర‌స‌లో ఉన్నాయ‌ట‌. ప‌ట్ట‌ణాభివృద్ధి, రోడ్డు భ‌వ‌నాల శాఖ‌లు కూడా త‌క్కువేం తిన‌లేదంటున్నారు. గ‌త ఏడాద‌ని ఏముంది ప్ర‌తి సంవత్స‌రం వార్షిక ఆర్థిక స్థితిగ‌తుల ప‌రిస్థితి ఇలాగే ఉంటోంది. ప్ర‌తిఏడూ మొద‌టి ఆరునెల‌ల్లోనే ఈ శాఖ‌ల‌కు అద‌న‌పు నిధులిచ్చామ‌ని తేల్చారు య‌న‌మ‌ల‌.
రాష్ట్ర అభివృద్ధిలో కీల‌క‌పాత్ర పోషించే నాలుగు శాఖ‌లు, ఇంత అద‌న‌పు వ్య‌యాన్ని చేస్తూ కూడా ఎలాంటి ఫ‌లితాన్నీ ఇవ్వ‌లేక‌పోవ‌డంలో ఆంత‌ర్యం ఏమిటి? ప‌ంచాయితీ, గ్రామీణాభివృద్ధి శాఖ‌ల ప‌నితీరుకు కితాబులు, రివార్డులు బోలెడు వ‌చ్చిప‌డుతున్నాయ్. కానీ వాటికి ప్రామాణిక‌తే క‌నిపించ‌డం లేదు. గ్రామాల్లో స‌రైన తాగునీరు లేదు. మ‌రుగుదొడ్ల కోసం కేంద్రం ఇచ్చిన నిధుల‌ను కూడా ప‌చ్చ‌త‌మ్ముళ్లు మింగేసారు. గ్రామాల్లో రోడ్లు అధ్వాన్నంగా ఉన్నాయి. పింఛ‌న్లు, ఇళ్ల‌మంజూరులో జ‌న్మ‌భూమిక‌మిటీల జోక్యం ఎక్కువ‌వ్వ‌డంతో గ్రామాల్లో వ‌ర్గ‌పోరులు పెరిగిపోయాయి. ఇదీ ముఖ్య‌మంత్రి త‌న‌యుడు లోకేశం గారి గ్రామీణాభివృద్ధిశాఖ అభివృద్ధి. మ‌రి ఇలాంటి అభివృద్ధికి అద‌న‌పు నిధులు ఎలా ఖ‌ర్చు అయ్యాయో ఆ మంత్రిగారే స‌మాధానం ఇవ్వాలి. ఇక నీటిపారుద‌ల శాఖ‌. పోల‌వ‌రాన్ని 2018క‌ల్లా పూర్తి చేసి తీరుతాం అంటూ బ‌స్తీమే స‌వాల్ చేసారు దేవినేని ఉమ‌. 2019కి చేరువైపోతున్నా పోల‌వ‌రం ఊసే ఉండ‌టం లేదు. ఇటీవ‌లే వ‌చ్చిన కేంద్ర అధికారుల బృందం అంతా త‌ప్పుల త‌డ‌క‌లా ఉన్న పోల‌వ‌రం వ్య‌యం గురించి, ప‌నుల్లో లోటుపాట్ల గురించి త‌లంటి వెళ్లింది. ఇక మిగిలిన ప్రాజెక్టుల గ‌తి కూడా ఎక్క‌డేసిన గొంగ‌ళి అక్క‌డే అన్న‌చందంగా ఉంది. కాంట్రాక్ట‌ర్ల‌ను మార్చ‌డం, వారికి అధిక మొత్తాలు చెల్లించ‌డం, ఇచ్చిన కాంట్రాక్టుకే మ‌ళ్లీ స‌బ్ కాంట్రాక్టులు ఇచ్చి, వారికి బిల్లులు చెల్లించ‌డం, ముంద‌స్తు చెల్లింపులు ఇలా నీటిపారుద‌ల శాఖ‌లో కావాల్సినంతగా వృధాగా నిధుల వ‌ర‌ద‌పారుతోంది.. 
దాదాపుగా ప్ర‌తి శాఖ అన‌వ‌స‌ర‌పు ఖ‌ర్చులు చేస్తోందని, కొన్నిశాఖ‌ల అప్పులు కుప్ప‌లుగా పెరిగిపోతున్నాయ‌ని కాగ్ కూడా త‌ప్పుబ‌ట్టింది. ఐనా స‌రే నాలుగేళ్లుగా దిద్దుబాటు చ‌ర్య‌లే లేవు. ఇక ఎన్నిక‌లు స‌మీపిస్తున్న‌వేళ అప్పులు, తిప్ప‌లు లెక్క‌ల‌న్నీ ఎల‌క్ష‌న్ల హ‌వాలో కొట్టుకుపోనున్నాయి. వీలైనంత కొత్త అప్పులుసృష్టించుకుని రాష్ట్ర‌న్ని మ‌రింత‌రుణ‌గ్ర‌స్తం చేసి చేతులు దులుపుకునే ప‌నిలో చంద్ర‌బాబు ప్ర‌భుత్వం ఉన్న‌ట్టు అర్థం అవుతోంది. 
Labels : YSRCP, YS Jagan, NCBN, TDP

సంబంధిత వార్తలు

Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com