Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             క్రిష్ణాపురం నుంచి వైయ‌స్ జ‌గ‌న్ 320వ రోజు ప్రజాసంకల్పయాత్ర ప్రారంభం                               ప్రజలకు ఎన్ని అబద్దాల చెప్పినా వింటారనే నాయకులకు తెలంగాణ ప్రజలు గట్టిగా బుద్ది చెప్పారు : వైయ‌స్ జ‌గ‌న్‌                               లగడపాటి రాజకీయ విశ్లేషకుడు ఎప్పుడు అయ్యాడా? అని ఆశ్చర్యం వేసింది: వైయ‌స్ జ‌గ‌న్‌                               కాంగ్రెస్‌, టీడీపీ జిమ్మిక్కులను ప్రజలను తిప్పికొట్టారు: వైయ‌స్ జ‌గ‌న్‌                               చంద్రబాబు, కాంగ్రెస్ అనైతిక పొత్తుకు ప్రజలు వ్యతిరేకంగా తీర్పు ఇచ్చారు: వైయ‌స్ జ‌గ‌న్                                భస్మాసురుడు చేయి పెట్టినా.. చంద్రబాబు కాలు పెట్టినా అంతా బుడిదే: వైయ‌స్ జ‌గ‌న్‌                               హిందూపురం టీడీపీ మాజీ ఎమ్మెల్యే అబ్దుల్‌ గని వైయ‌స్ఆర్‌సీపీలో చేరిక‌                               ప‌వ‌న్‌కు చిత్త‌శుద్ది ఉంటే చంద్ర‌బాబు అవినీతిపై నిల‌దీయాలి: ఎమ్మెల్యే ఆదిమూల‌పు సురేష్‌                               డాక్టర్ బీఆర్ అంబేద్కర్‌కు వైయ‌స్ జగన్ నివాళులు                 
    Show Latest News
గుడికట్టి..గుండుకొట్టి

Published on : 12-Sep-2018 | 12:45
 

ఎపిలో సుభిక్షమైన పాలన సాగుతోందిట. అందుకు కారణమైన ముఖ్యమంత్రికి సారీ ముఖ్యమంత్రి కటౌట్ కి పాలాభిషేకం చేసారు స్పీకర్ గారు. ఇంతకు మించి సుదినం ఎక్కడుంటుంది చెప్పండి. అప్పుడెప్పుడో పవన్ కటౌట్ కి కంటెంట్ కి లింక్ పెట్టాడు కానీ, రేపట్నించీ ఆ సమస్య లేదు. కంటెంట్ తో సంబంధం లేకుండా కటౌట్ పెట్టించుకుని అభిషేకాలు, పూజలు జరిపించేస్కోవచ్చు. స్పీకర్ కోడెలకు బాబు మీద అభిమానం పొంగి పొర్లి దొర్లి వరదై పాలాభిషేకంలా వర్షించింది. ఇంతకీ ఆ పాలు ఏ పాలు? ఏ పాపాల పాలు...? హెరిటేజ్ నుండి వచ్చినవా? అలా అయితే ఖచ్చితంగా బాబుకు ఆ పాలతోనే అభిషేకం చేయడం సముచితం అనుకుంటున్నారు తెలుగు ప్రజలు.

ఫ్యూచర్లో చంద్రబాబుకు ఓ గుడి కట్టే ప్లాన్ లో కూడా ఉన్నార్ట తెలుగు తమ్ముళ్లు. సొంత పార్టీ నేతలకు రాష్ట్రాన్ని గంపగుత్తగా చేతిలో పెట్టి, దోచుకుతినడానికి కావాల్సినంత స్వేచ్ఛ ఇచ్చి, ప్రతిపక్షాలు, ప్రజలు ఎంత గగ్గోలు పెట్టినా ఈగ వాలనీయకుండా కాపాడినందుకు ఆ మాత్రం చేస్తే తప్పేంటి అని కూడా అనుకుంటున్నార్ట. నిత్యం చంద్రబాబును ప్రజలు తిట్టుకుంటూ పిలిచే సవాలక్ష పేర్లతో లక్షార్చన, డీమానిటైజేషన్ ఐడియా మోదీకి ఇచ్చినందుకు లక్ష 2000 నోట్ల అర్చన, ఉచిత ఇసుక విధానంతో కరుణించినందుకు ఇసుక, మట్టి నైవేద్యం, ఏడాదికోసారి మహానాడు రోజు జాతర, ఎన్టీఆర్ ను వెన్నుపోటు పొడిచి ముఖ్యమంత్రిగా అవతరించిన రోజును ఉత్సవాలు నిర్వహించాలని ఆలోచిస్తున్నారట. ఇక ఫిరాయింపుదార్లైతే పక్క పార్టీ లో గెలిచినా ప్రేమతో పిలిచి పోస్టులిచ్చి పక్కన కూర్చోబెట్టుకున్నందుకు భక్తితో ఏటా ముడుపులు, మొక్కుల చెల్లింపులు చేస్తే బావుంటుందని అనుకుంటున్నార్ట. క్షుద్ర పూజలు, తాంత్రిక పూజలు ఆలయాల్లో చేయడం నిషిద్ధం కనుక రేపు కట్టబోయే గుడిలో అవన్నీ నిరాటంకంగా జరిగేలానూ ఏర్పాటు్లు చేయడం మంచిదని ముందుచూపుతో యోచిస్తున్నార్ట. బాబుగారి బినామీలు, అస్మదీయులంతా కలిసి బాబు గుడి కోసం ఫండింగ్ చేసేందుకు సిద్ధంగా ఉన్నారని వినికిడి. తిరుపతిలో వెంకన్నకు మొక్కుకుంటే నిలువుదోపిడీ ఇస్తారు. కానీ ఈ ఆలయానికి వచ్చే ఎవ్వరైనా సరే తప్పనిసరిగా నిలువెత్తు దోపిడీ ఇచ్చుకోవాల్ట. ఎందుకు ఆల్రెడీ అదే జరుగుతోంది అనుకుంటున్నారా?? అయినా సరే గుండు నుంచి గోచీపాత వరకూ సమర్పయామి అనుకోవాల్సిందే అని రూల్ పెడతార్ట. మొత్తానికి బాబుకు ఓటేసినందుకు ఆయనకు గుడి కట్టి, ప్రజలకు గుండు కొట్టి రుణం తీర్చుకుంటున్నారు తెలుగు తమ్ముళ్లు. 

సంబంధిత వార్తలు

Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com