Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             వైయ‌స్ జ‌గ‌న్ మోహ‌న్‌రెడ్డి చేప‌ట్టిన‌ ప్ర‌జా సంక‌ల్ప యాత్ర 300వ రోజు పార్వతీపురం నియోజకర్గంలోని కోటవానివలస నుంచి ప్రారంభం                               ‘నాపై జరిగిన హత్యాయత్నంలో చంద్రబాబుకు ఎలాంటి ప్రమేయం లేకపోతే.. స్వతంత్ర దర్యాప్తు సంస్థతో కేసు విచారణ చేయించొచ్చు కదా’ : వైయ‌స్ జ‌గ‌న్‌                                చంద్రబాబు రాజ్యాంగ వ్యవస్థలను నిర్వీర్యం చేస్తున్నారు: ఆనం రామనారాయణ రెడ్డి                               ఏ విచారణకైనా సిద్ధమని చెప్పే ధైర్యం చంద్రబాబుకు ఉందా ?: అంబటి రాంబాబు సవాల్‌                                పచ్చచొక్కాల కోసమే ప్రభుత్వ పథకాలు: వైవీ సుబ్బారెడ్డి                               బిడ్డ పుట్టి ఓటు హక్కు వచ్చిన తర్వాత తనకే ఓటు వేస్తారని చంద్రబాబు పేర్కొనడం హాస్యాస్పదం: పేర్నినాని                               వైయ‌స్ జ‌గ‌న్ బాలల దినోత్సవ శుభాకాంక్షలు                                మాజీ మంత్రి సి.రామ‌చంద్ర‌య్య వైయ‌స్ జ‌గ‌న్ స‌మ‌క్షంలో వైయ‌స్ఆర్‌సీపీలో చేరిక‌                               నాలుగేళ్లుగా దళితుల సమస్యలపై చంద్రబాబు స్పందించలేదని, ఎన్నికలకు 6 నెలల ముందు ఎస్టీలకు మంత్రి పదవి ఇచ్చారు: టీజేఆర్ సుధాక‌ర్‌బాబు                 
    Show Latest News
దర్యాప్తు తీరు ఇదేనా??

Published on : 06-Nov-2018 | 17:59
 

డ్రంక్ అండ్ డ్రైవ్ లో పట్టుపడితే కనీసం 3 కేసులు రాస్తున్నారు. ట్రాఫిక్ వయలేషన్ లో 4 కేసులు బుక్ చేస్తున్నారు. సోషల్ మీడియాలో ప్రభుత్వ వ్యతిరేక పోస్టులు పెట్టినవారిపై 9 రకాల సెక్షన్ లలో కేసులు పుటప్ చేస్తున్నారు. మరి ఎపి ప్రతిపక్ష నేత వైఎస్ జగన్ మోహన్ రెడ్డిపై జరిగిన హత్యా యత్నం కేసులో నిందితుడిపై కేవలం ఒకే ఒక్క కేసు ఫైల్ చేయడంలో ఉద్దేశ్యం ఏమిటి?
కేవలం ఒకే కోణంలో దర్యాప్తు
ఎపి పోలీసులు ప్రభుత్వానికి అనుకూలంగా పనిచేస్తున్నారని ఎంతో కాలంగా ప్రతిపక్ష పార్టీలు ఆరోపిస్తూనే ఉన్నాయి. కానీ పోలీస్ శాఖ ఈ వ్యాఖ్యలను ఖండిస్తూ వస్తోంది. కానీ వైఎస్ జగన్ పై హత్యాయత్నం ఉదంతంలో పోలీసుల వైఖరి ప్రజలకే స్పష్టంగా కనిపించింది. పోలీస్ అదికారులు, ప్రభుత్వం కలిసికట్టుగా హత్యాయత్నం కేసును నీరుగార్చడానికి ఎంతగా శ్రమిస్తున్నారో కళ్లముందు కకనబడుతూనే ఉంది. చిన్నపాటి నేరాలకు కూడా పెద్ద పెద్ద సెక్షన్లను వాడే పోలీస్ శాఖ, రాష్ట్ర ప్రతిపక్ష నాయకుడిపై హత్యకు తెగబడ్డ నిందితుడిపై కేవలం ఒకే ఒక్క కేసును ఫైల్ చేసారు. నేరపూరిత సంఘటనలు జరిగినప్పుడు దానికి కారణాలను, వెనకున్న మూలాలను తెలుసుకునేందుకు అన్ని కోణాల్లోనూ పోలీసులు దర్యాప్తు చేస్తారు. ఆ సమయంలో మీడియా లేదా ప్రజలకు విచారణ తర్వాతే వాస్తవాలను చెబుతామని ప్రకటిస్తారు. కానీ జగన్ పై దాడి జరిగిన ఫాక్షన్ ఆఫ్ సెంకడ్స్ లో ఎటువంటి దర్యాప్తూ లేకుండానే పోలీసులు కేసును తేల్చిపారేసారు. కేవలం నిందితుడి వాంగ్మూలం ఆధారంగా ఇది ప్రచారం కోసం జరిగిన చర్య అని కొట్టిపడేసే ప్రయత్నం చేసారు. ఓ శాసన సభ్యుడిపై, మాజీ పార్లమెంటేరియన్ పై, రాష్ట్రంలో ప్రధాన ప్రతిపక్ష నేతపై జరిగిన అమానుషమైన దాడిని  పూర్వాపరాలు విచారించకుండానే, గాయపడ్డ జగన్ ఎయర్పోర్ట్ లో ఉండగానే తమ దర్యాప్తు పూర్తైపోయినట్టుగా స్టేట్మెంట్లు ఇచ్చేసారు. 
ఎన్నో ప్రశ్నలు
ఈ హత్యయత్నం వ్యవహారాన్ని పోలీసులు అంత తేలికగా తీసుకుంటున్నారా? లేక నిందితుడిపై వివిధ అనుమానాలు ఉన్న నేపథ్యంలో అతడిపై కేసులు పెట్టకూడదని పోలీస్ అధికారులకు ఎవరైనా చెప్పారా? కీలకమైన ఆధారంగా కనిపించే క్యాంటీన్ యజమాని హర్షవర్థన్ ను ఎందుకు ప్రశ్నించడం లేదు? కమీషనర్ మహేంద్ర లడ్డా హర్షవర్థన్ ను పిలిచి విచారించిన తర్వాత ఆయన్ను ఈ కేసు ఇన్విస్టిగేషన్ కు దూరంగా ఎందుకుంచారు? ఏ ఆధారాలను ఆయన కూపీ లాగుతున్నాడని విచారణలో కమీషనర్ ను లేకుండా చేసారు? ఓ పక్క సిట్ విచారణ జరుగుతున్న కేసులో కమీషనర్ ను ఎందుకు తప్పించారు? ఇవన్నీ వైఎస్ జగన్ పై జరిగిన హత్యాయత్నం వెనుక దాగున్న భారీ కుట్రకు సంకేతాలు. 
దాడి వెనుక రహస్య కుట్ర
ప్రతిపక్ష నాయకుడిపై హత్యా ప్రయత్నం జరిగింది విశాఖపట్నం విమానాశ్రయంలో. కట్టుదిట్టమైన భద్రత ఉండే చోట కత్తికి చోటెక్కడిదన్న మాటకు సమాధానం లేదు. నిందితుడు శ్రీనివాస్ ప్రచారం కోసమే జగన్ పై దాడి చేసాడని సంఘటన జరిగిన కొద్ది నిమిషాల్లోనే డిజిపి ఠాకూర్ తేల్చేయడం హాస్యాస్పదం. మరి కొద్ది నిమిషాలకే హోంమంత్రి చినరాజప్ప దీనివెనకున్నఏ రాజకీయ పార్టీవారున్నారో గంటలో తేల్చేస్తామని వాఖ్యానించారు. జరిగిన దారుణమైన సంఘటనను మరుగు పరచి దాన్ని రాజకీయం చేయడం, హత్యాయత్నాన్ని చిన్నపాటి కేసులా పరిగిణించడం వెనుక రహస్యంగా సాగుతున్న కుట్ర ఉందని చాలామంది అభిప్రాయపడుతున్నారు. 

 

సంబంధిత వార్తలు

Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com