Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             ఉక్కు ప‌రిశ్ర‌మ సాధ‌న‌కు ఎమ్మెల్యే రాచమల్లు శివప్రసాదరెడ్డి రెండో రోజు నిరాహార దీక్ష‌కు అనూహ్య మద్దతు                                రాజోలు నియోజ‌క‌వ‌ర్గంలో వైయ‌స్ జ‌గ‌న్‌కు ఘ‌న స్వాగ‌తం                               వైయ‌స్‌ జగన్‌మోహన్‌ రెడ్డి చేపట్టిన పాదయాత్ర 194వ రోజు నాగుల్లంక శివారు నుంచి ప్రారంభం                               30న అనంత‌పురంలో న‌య వంచ‌న దీక్ష: వైయ‌స్ఆర్‌సీపీ నేత బొత్స స‌త్య‌నారాయ‌ణ‌                               ప్రతిదేవాలయ బోర్డులోనూ ఒక నాయీ బ్రహ్మణుడిని సభ్యుడిగా నియమిస్తాం: వైయ‌స్ జ‌గ‌న్ హామీ                               నాయీబ్రహ్మణుల పట్ల సచివాలయం సాక్షిగా నిన్న ముఖ్యమంత్రి చంద్రబాబు ప్రవర్తించిన తీరును చూసి విస్తుపోయాను: వైయ‌స్ జ‌గ‌న్‌                               వైయ‌స్ జ‌గ‌న్ స‌మ‌క్షంలో వైయ‌స్ఆర్‌సీపీలో చేరిన వంద మంది అగ్ని కుల క్ష‌త్రియులు                               తనపై నిరాధార ఆరోపణలు చేసిన యరపతినేని , రవీంద్రకుమార్‌లపై సభా హక్కుల ఉల్లంఘన కింద చర్యలు తీసుకోవాలి: ఎమ్మెల్యే బుగ్గన రాజేంద్రనాథ్‌రెడ్డి                                ప్రఖ్యాత మిమిక్రీ కళాకారుడు స్వర బ్రహ్మ నేరెళ్ల వేణు మాధవ్ మృతి ప‌ట్ల వైయస్ఆర్‌ కాంగ్రెస్‌ పార్టీ అధ్యక్షులు వైయస్‌ జగన్ మోహ‌న్ రెడ్డి సంతాపం                 
    Show Latest News
ఏది నాట‌కం... ఎవ‌రిది నాట‌కం మంత్రి బాబులు...!

Published on : 15-Feb-2018 | 11:04
 

ఏది నాట‌కం... ఎవ‌రిది నాట‌కం మంత్రి బాబులు...! 
         *******
ప్ర‌త్యేక హోదా విష‌యంలో కేంద్రం నుంచి స్ప‌ష్ట‌మైన హామీ రాకుంటే ఏప్రిల్ 6వ తేదీన వైఎస్ఆర్సీపి ఎంపీల‌తో రాజీనామా చేయిస్తా అని జ‌గ‌న్ ప్ర‌క‌టించ‌డం టిడిపి ఉలిక్కిప‌డేలా చేసింద‌ని ఆ పార్టీ మంత్రుల వ్యాఖ్య‌లు చూస్తే అర్ధ‌మ‌వుతోంది. జ‌గ‌న్మోహ‌న్‌రెడ్డి రాజీనామాల పేరుతో నాట‌కాలాడుతున్నార‌ని వ‌రుసుగా ప‌లు ప‌ర్యాయాలు అసెంబ్లీకి పోటీ చేసి ఘోర ఓట‌మి చ‌విచూసి ఇప్పుడు దొడ్డిదారిన చ‌ట్ట‌స‌భ‌ల్లోకొచ్చి మంత్రైపోయిన సోమిరెడ్డి చంద్ర‌మోహ‌న్‌రెడ్డి, నోరూ, వాయి తేడా తెలియ‌కుండా ఏదిప‌డితే అది మాట్లాడే మ‌రో మంత్రి అచ్చెంనాయుడు, గుంటూరు జిల్లా మంత్రి న‌క్కా ఆనంద్‌బాబు, ఏ త‌డ‌వ ఏ పార్టీ నుంచి పోటీ చేస్తాడో బ్ర‌హ్మ‌దేవుడు కూడా క‌నిపెట్ట‌లేని గంటా శ్రీనివాస‌రావులు మీడియా ముందుకొచ్చి జ‌గ‌న్ నాట‌కాలాడుతున్నాడ‌ని వాక్రుచ్ఛారు... ఓకే మీ దృష్టిలో జ‌గ‌న్ నాట‌కాలాడుతున్నాడనే కాసేపు అనుకుందాం... కానీ ప్ర‌జ‌ల దృష్టిలో నాట‌కాలు ఎవ‌రాడుతున్నారని భావిస్తున్నారో తెలుసా... అస‌లు నాట‌కాలు ఆడ‌ట‌మంటే ఏమిటో తెలుసా... ఎపిలో స‌మైఖ్యాంధ్ర అంటూ తెలంగాణ‌లో నా వ‌ల్లే రాష్ట్రం వ‌చ్చింద‌ని చెప్పుకు తిర‌గ‌డం అంటే నాట‌క‌మాడ‌టం, వంచ‌న చేయ‌డం, చీక‌ట్లో చిదంబ‌రాన్ని క‌లిసి కాళ్లు ప‌ట్టుకుని భ‌వ‌తీ స్టే మ్ దేహీ అన‌డం నాట‌కం కింద‌కు రాదా, రాష్ట్ర విభ‌జ‌న చెయ్య‌మ‌ని ప్ర‌ణ‌బ్ క‌మిటీకి లేఖ ఇచ్చి... తీరా ఎక్రాస్ ది టేబుల్ అభిప్రాయాలు చెప్పాల్సి వ‌చ్చిన‌ప్పుడు తెలంగాణ నుంచి క‌డియం శ్రీహ‌రిని ఆంధ్ర‌ప్ర‌దేశ్ నుంచి య‌న‌మ‌ల రామ‌కృష్ణుడ్ని పిలిచి ఒకే పార్టీ త‌ర‌పున రెండు అభిప్రాయాలు చెప్పించ‌డాన్ని ఏమంటారు. అవి నాట‌కాలు కావా...?  చివ‌రికి విభ‌జ‌న నిర్ణ‌యం జ‌రిగిపోయాక కూడా పెద్ద స‌మ‌ర‌యోధుడిలా ఎపి అంతా తిరిగి, ఢిల్లీలో నిరాహార‌దీక్ష‌లు చేసి మీ నాయ‌కులు వినిపించిన రెండు క‌ళ్ల సిద్దాంతం, కొబ్బ‌రి చిప్ప‌ల ఫార్ములాల‌న్నీ నాట‌కాల‌కింద‌కి రావా. ఓటుకు నోటు వ్య‌వ‌హారంలో ఆడియో టేపుల్లో అడ్డంగా దొరికి... అస‌లు మీరెందుకు రికార్డ్ చేశార‌ని ఆర్త‌నాదాలు పెట్టి... గంద‌ర‌గోళం సృష్టించి విజ‌య‌వాడ క‌ర‌క‌ట్ట‌కు పారిపోయి రావ‌డం పెద్ద‌నాట‌కం, ఏపికి చేసిన తీర‌ని ద్రోహం కాదా. ప్ర‌త్యేక హోదా సంజీవ‌ని అన్న నోటితో నే హోదాతో ఏమొస్తుంది... కోడ‌లు మ‌గ‌పిల్లాడ్ని కంటానంటే అత్త‌వ‌ద్ద‌టుందా అని ప్యాకేజిపై ముద్దు ముద్దు మాట‌లు వ‌ల్లెవేసి ప్ర‌జ‌ల‌ను మ‌భ్య‌పెట్టాల‌ని చూడ‌టం నాట‌కం అవునో కాదో ఇప్పుడిప్పుడే ప్ర‌జ‌లు ఆలోచిస్తున్నారు. కాబ‌ట్టి నాట‌కాలు వేయ‌డంలో మిమ్మ‌ల్ని అదే మీ చంద్ర‌బాబుని మించిన దిట్ట‌లు ఎవ‌రున్నారు మ‌ర మంత్రులూ!
Labels : YSRCP, YS Jagan,
Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com