Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             యనమల రామకృష్ణుడు దిగజారుడు రాజకీయాలు చేయడంలో సీినయర్ మోస్ట్ః అంబటి                               ఏబీఎన్ వన్నీ ఆల్ బోగస్ న్యూస్ః అంబటి రాంబాబు                               గరగపర్రు బాధితులకు వైయస్‌ఆర్‌ కాంగ్రెస్‌ పార్టీ అండగా ఉంటుందిః ధర్మాన                               పశ్చిమగోదావరి జిల్లా గరగపర్రులో వైయస్సార్సీపీ బృందం పర్యటన                               పార్టీ ముఖ్య నేతలతో వైయస్ జగన్ సమావేశం..ప్లీనరీ ఏర్పాట్లపై చర్చ                               నంద్యాల వైయస్సార్ కాంగ్రెస్ పార్టీ అభ్యర్థిగా శిల్పా మోహన్ రెడ్డి                                ముస్లిం సోదరులకు వైయస్ జగన్ రంజాన్ శుభాకాంక్షలు                               మతిస్థిమితం లేని వ్యక్తి సీఎం పదవికి అనర్హుడుః వెల్లంపల్లి శ్రీనివాస్                               తెలుగు ప్రజలంతా తెలుగుదేశం పార్టీని ఛీదరించుకుంటున్నారుః వెల్లంపల్లి శ్రీనివాస్                 
    Show Latest News
అయ్యో ఐఏఎస్..!

Published on : 17-Dec-2016 | 16:49
 

తాగుబోతులంటే చంద్రబాబుకు అపారమైన గౌరవం. తారకరామన్న సంపూర్ణ మద్యనిషేధం అన్నప్పుడు కూడా మొదట ఉలిక్కిపడింది బాబే. మొండిగా ఎన్టీఆర్ మద్యనిషేధం అమలు చేశాడు. ఆయన కుర్చీ లాక్కున్న చంద్రబాబు మద్య నిషేధానికి మొహమాటం లేకుండా మంగళం పాడారు. ఇంకేవో ప్రయోజనాలు ఆశించి  మద్యనిషేధ మహోద్యమాన్ని  నడిపిన మిత్ర పత్రిక కూడా ఆ ప్రయోజనం నెరవేరగానే బాబు నిర్ణయానికి బాజా ఊదుతూ "సరైన సమయంలో సరైన నిర్ణయం" అంటూ  సంపాదకీయం రాసి పరవశించి పోయింది.
                                              జనం మత్తులో ఉన్నంతకాలం మనం ఎత్తులోనే ఉంటామన్న క్లారిటీ బాబుకు అనాదిగా ఉంది. అయితే పాపం ఐఏఎస్ బాబులకే క్లారిటీ లేక మొన్న చిన్నబోయారు. పెద్ద నోట్ల రద్దు తరువాత ఆన్ లైన్ చెల్లింపుల మీద బాబు చేసే హడావుడితో భూమి ఆకాశం ఒకటవుతున్నాయి. ఒక్కపూట మద్యం చుక్కలేకపోతే కిక్కురాక బిక్క చచ్చిపోయే మందుబాబులు ప్రధాని మోదీ ప్రకటించిన మరుక్షణమే కార్డులతో స్వైపింగ్ చేసి బాటిళ్లకు బాటిళ్లు తాగడం సిఎం బాబుకు తెగ నచ్చింది. ఆ స్ఫూర్తి, ఆ వేగం, ఆ తపన, ఆ టెక్నాలజీ వాడకం, ఆ కిక్కు ఐఏఎస్ అధికారులకు ఎందుకు లేదో బాబుకు అర్థం కావడం లేదు.

                                                     ఆర్బీఐ పనులు భుజాన వేసుకున్న బాబు ఎంతమంది ఐఏఎస్ అధికారులు కార్డు చెల్లింపులోకి మారారో చేతులెత్తండి అన్నారు. 20 శాతం కూడా లేకపోయేసరికి సిగ్గుతో తలదించుకున్నారు. అవమాన భారంతో ఆ రోజు అన్నం తినడం మాని ఆఫీసర్లను నమిలి మంగేశారు. అక్షరం ముక్క రాని మందు చుక్క తప్ప ఏమీ తెలియని మత్తు బాబులే మీకంటే నయం అని కన్నెర్ర చేశారు. విసుక్కున్నారు. క్లాస్ తీసుకున్నారు. క్లాసు తీసుకున్నట్లు మీడియాకు వెంటనే లీకు వార్తలు కూడా ఇచ్చారు.
                                                      "ఇంత బతుకూ బతికి...."అని తెలుగులో ఒక సామెత. ఐఐటీలు, పీజీలు, పీ.హెచ్.డీ లు లాంటి సర్వోన్నత విద్యలు చదివి జాతీయస్థాయిలో లక్షలమందితో పోటీ పడి, పరీక్షల్లో, ఇంటర్వ్యూల్లో నెగ్గి, శిక్షణ పొంది అధికారులుగా వస్తే చివరకి మందు బాబుల కంటే హీనమయ్యామా అని కన్నీరు కార్చుకుంటూ ఐఏఎస్ లు విలపిస్తున్నారు. 
                                                        ఈ సింపుల్ సీన్ శాంపిలే. ఇన్ ఫ్రంట్ క్రోకడైల్ ఫెస్టివల్!
Labels : chandrababu, ias, liquor

సంబంధిత వార్తలు

YS Rajashekar Reddy YS Rajashekar Reddy Central Assistance to AP
Prajalachentha Epaper Youtube
Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com