Printed on 26-09-2017 13:04:28 PM

టీడీపీ గుర్తింపు రద్దు చేయాలని ఈసీకి ఫిర్యాదు
  • సెంట్రల్‌ ఎలక్షన్‌ కమిషన్‌ను కలిసిన వైయస్‌ఆర్‌ సీపీ ఎంపీలు
  • నంద్యాల్లో ఓటర్లను భయబ్రాంతులకు గురిచేస్తున్న సీఎం
  • బాబు బెదిరింపుల వీడియో పుటేజీని ఈసీకి అందజేసిన ఎంపీలు
న్యూఢిల్లీ: అనైతిక కార్యక్రమాలకు పాల్పడుతున్న తెలుగుదేశం పార్టీ గుర్తింపును రద్దు చేయాలని వైయస్‌ఆర్‌ కాంగ్రెస్‌ పార్టీ ఎంపీలు ప్రధాన ఎన్నికల కమిషన్‌ (సీఈసీ) ఏకే జ్యోతిని కోరారు. నంద్యాల ఓటర్లను ముఖ్యమంత్రి చంద్రబాబు, టీడీపీ నేతలు ప్రలోభాలకు గురిచేస్తున్నారని సీఈసీకి ఫిర్యాదు చేశారు. ఉప ఎన్నికల్లో టీడీపీకి ఓటు వేయకుంటే అభివృద్ధి పనులు ఆపేస్తామని, మేము వేసిన రోడ్లపై ఎలా నడుస్తారని చంద్రబాబు చేసిన వ్యాఖ్యల వీడియో పుటేజీని వైయస్‌ఆర్‌ సీపీ ఎంపీలు ఎన్నికల కమిషన్‌కు అందజేశారు. గతంలో తెలంగాణ రాష్ట్రంలో ఎమ్మెల్సీ ఎన్నికల్లో కొనేందుకు చంద్రబాబు రూ. 50 లక్షలు వెచ్చించారని, టీడీపీ ఎమ్మెల్యే రేవంత్‌రెడ్డి వీడియో, ఆడియో ఆధారాలతో దొరికిపోయిన వైనాన్ని ఈసీ దృష్టికి తీసుకెళ్లారు. అప్రజాస్వామిక, అనైతిక చర్యలకు పాల్పడుతున్న టీడీపీ గుర్తింపును రద్దు చేయాలని ఈసీని కోరారు. ఎంపీ వైవీ సుబ్బారెడ్డి మీడియాతో మాట్లాడుతూ.. ఇప్పటికే నంద్యాలలో 10 మంది మంత్రులు తిష్టవేసి ప్రలోభాలకు గురిచేస్తున్నారు. ఫ్రీ అండ్‌ ఫెయిర్‌ పోల్‌ జరిగే విధంగా సెంట్రల్‌ ఫోర్స్‌ను పంపించాలని ఈసీని కోరామన్నారు. వీటన్నింటిపై ఎలక్షన్‌ కమిషన్‌ సానుకూలంగా స్పందించారన్నారు. అధికార పార్టీకి కొంత మంది ఒత్తాసు పలుకుతున్న పోలీసులు, ఉన్నతాధికారులపై చర్యలు తీసుకోవాలని కోరడం జరిగిందన్నారు.