Printed on 18-12-2018 21:11:06 PM

మనిషి మృగం ఎప్పుడవుతాడంటే..

– ఏ తప్పు చేసినా శిక్షించేవాడు లేకపోతే మృగం అవుతాడు
– మద్యం వల్ల కూడా మనిషి మృగం అవుతాడు
–  బడులు, గుడుల మధ్యే మద్యం షాపులు పెడితే మనిషి మృగం అవుతాడు
– ప్రభుత్వం నిర్లక్ష్యంగా ఉన్నప్పుడు మనిషి మృగం అవుతాడు
– మంత్రులు, ఎమ్మెల్యేలే మహిళల పట్ల వికృతంగా ప్రవర్తిస్తారు
– మహిళా అధికారిపై దాడి చేసినా విచారణ కూడా జరగలేదు
– –రాష్ట్రంలో మహిళలకు రక్షణ కరువు
– ఒక నెలలోనే 281 అత్యాచార కేసులు నమోదు
– రాష్ట్రంలో ప్రతి ఒక్కరిని బాబు వెన్నుపోటు పొడిచారు
– అవినీతి, మోసం, అబద్ధాల పాలన రాష్ట్రంలో సాగుతోంది
– ప్రతి ఏటా చంద్రబాబుకు ఉత్తమ విలన్‌ అవార్డు ఇవ్వవచ్చు
– ఆరోగ్యశ్రీని టీడీపీ ప్రభుత్వం నీరుగార్చింది
– పిల్లలు చదువులు మానేస్తున్న అధ్వాన పరిస్థితి ఉంది
–  ఫీజు రీయింబర్స్‌మెంట్‌ను చంద్రబాబు నిర్వీర్యం చేశారు
– చదువుల కోసం ఎన్ని లక్షలు ఖర్చైనా ఫర్వాలేదు..నేను భరిస్తా
– హాస్టల్‌ ఖర్చులకు ప్రతి ఏటా రూ. 20 వేలు
– పిల్లలను బడికి పంపిస్తే రూ.15 వేలు ఇస్తాం
– అవ్వతాతల పింఛన్‌ రూ. 2 వేలకు పెంచుతా
– 45 ఏళ్లకే మహిళలకు పింఛన్లు 

కృష్ణా జిల్లా: రాష్ట్రంలో జరుగుతున్న అవినీతి, అరాచకాలపై వైయస్‌ఆర్‌సీపీ అధినేత వైయస్‌ జగన్‌ మోహన్‌ రెడ్డి నిప్పులు చెరిగారు. ప్రభుత్వ నిర్లక్ష్యం కారణంగా మనిషి మృగంలా మారుతున్నాడని ధ్వజమెత్తారు. ఏకంగా మంత్రులు, ఎమ్మెల్యేలే అరాచకాలకు పాల్పడుతున్నారని విమర్శించారు.  ప్రజా సంకల్ప యాత్రలో భాగంగా కృష్ణా జిల్లా పెడన పట్టణంలో ఏర్పాటు చేసిన బహిరంగ సభలో వైయస్‌ జగన్‌ ప్రసంగించారు. ఆయన ఏమన్నారంటే..వైయస్‌ జగన్‌ మాటల్లోనే..

– గత రెండు రోజులుగా పేపర్లలో ఓ ఘటన కనిపిస్తోంది. ఇటువంటి ఘటనలు సర్వసాధారణంగా జరుగుతున్నాయి. అక్కచెల్లెమ్మలను గౌరవించాల్సిన ఈ రాష్ట్రంలో విచ్చలవిడిగా మహిళలపై, చిన్న పిల్లలపై మనుషులు మృగాలుగా ప్రవర్తిస్తున్నారు. ఈ నెలలోనే 11 కేసులు నమోదయ్యాయి. ఈ ఘటనలు నిజంగా బాధనిపించింది.
– నాలుగేళ్ల క్రితం చంద్రబాబు టీవీలలో విఫరీతమైన ప్రచారం చేశారు. ఆయనొస్తే చాలా బాగుటుందని ఊదరగొట్టారు. ఆడపిల్లలను బయటకు పంపించాలంటే భయం వేస్తుందట. ఆయన వస్తే బాగుంటుందని అడ్వర్‌టైజ్‌మెంట్లు చూశాం.
– మొన్న ఉప్పుచర్లలో, నిన్న గుంటూరు జిల్లా దాచేపల్లిలో ఓ ఘటన, గుంటూరు జిల్లాలోనే 11 కేసులు. మహిళలపై అత్యాచార కేసులు. మనిషి మృగంలా ఎందుకు మారుతున్నారు. ఎందుకు ఇలాంటి పరిస్థితులు ఎదురవుతున్నాయంటే..తాను తప్పు చేసినా అడిగే ధైర్యం ఎవరికి లేదని, ప్రభుత్వం తనకు తోడుగా ఉంటుందని, తనను ఏమీ చేయలేరని మనిషి బరితెగించినప్పుడు మనిషి మృగమవుతాడు.  అధికారంలో ఉన్నవారు తప్పుచేసిన వారికి సపోర్టు చేయడంతో మనిషి మృగమవుతున్నాడు. మీరు అవినీతి చేసుకోండి..అడ్డంగా సంపాదించుకోండి..నాకు కొంత ఇవ్వండని అధికారంలో ఉన్నవారు ప్రోత్సహిస్తే..మనిషి మృగమవుతాడు. ఎప్పుడైతే ప్రజల చేత ఎన్నుకోబడ్డ పంచాయతీ వ్యవస్థను నీరుగార్చి ..జన్మభూమి కమిటీల పేరుతో ముఠాలు ఏర్పాటు చేస్తే మృగంలా మారుతారు. మద్యం నిషేదించాల్సింది పోయి మన ఇంటి పక్కనే గుడి పక్కనే మద్యం షాపులు పెడితే అప్పుడు మనిషి మృగమవుతాడు. దేశంలో మహిళలపై వేధింపుల కేసుల్లో వివిధ రాష్ట్రాలకు చెందిన ఐదు మంత్రుల పేర్లు ఉంటే..అందులో ఏపీకి చెందిన ఇద్దరు మన రాష్ట్ర కేబినెట్‌లో ఉన్నారు. వాళ్లని ముఖ్యమంత్రి సపోర్టు చేస్తే మనిషి మృగమవుతారు. 
– వనజాక్షి వంటి మహిళా అధికారిణి తన డ్యూటీ చేస్తుంటే అధికార పార్టీ ఎమ్మెల్యే చింతమనేని ఆ మహిళా అధికారిణిని జుట్టుపట్టుకొని ఈడ్చుకెళ్లినా ఆ ఎమ్మెల్యేపై కేసు పెట్టకపోతే మనిషి మృగాలు కాక ఏమవుతారు.
– రిషితేశ్వరి అనే అమ్మాయి ర్యాగింగ్‌ భరించలేక ఆత్మహత్య చేసుకుంటే..ప్రిన్సిపాల్‌ను వెనుకేసుకొచ్చిన సీఎం తీరు చూస్తే మృగాలు కాక ఏమవుతారు. కాల్‌మనీ సెక్స్‌ రాకెట్‌ కేసులో టీడీపీ నేతలు, వారి బంధువులు ఉంటే వ ఆరికి చంద్రబాబు సపోర్టుగా నిలిచారు. 
– ఎప్పుడైతే ముఖ్యమంత్రి నోట్లో నుంచి కోడలు మగబిడ్డను కంటానంటే అత్త వద్దంటుందా అని వెకిలి నవ్వుతో చంద్రబాబు అంటే మనిషి మృగాలు కాక ఏమవుతారు.
– నాలుగేళ్లుగా మహిళలపై అఘాయిత్యాలు పెరిగిపోతే 240 మంది ఆడపడుచులపై లైంగిక దాడులు జరిగినా ప్రభుత్వానికి చీమ కుట్టినట్లు కూడా లేదు. ఇలాంటి పరిస్థితుల్లో మనిషి మృగం కాడా?
– ఇదే ముఖ్యమంత్రి ఎన్నికలు వస్తున్నాయని ఎదుటి వ్యక్తులపై ఆరోపణలు చేయడం, డ్రామాలు ఆడుతున్నారు. ఇదే పెద్ద మనిషఙ చంద్రబాబు పాలన చూసినప్పుడు తిలక్‌ గారి మాటలు గుర్తుకు వస్తాయి..‘‘గజానికో గాంధారి పుత్రుడు ’’ అన్నది ఈ రాష్ట్రంలో కనిపిస్తోంది. చంద్రబాబు పాలనలో అన్యాయం, అవినీతి, అధర్మం, మోసాలు జరుగుతున్నాయి. నాలుగేళ్ల పాలనను గమనించమని కోరుతున్నాను.
– మరో ఏడాదిలో ఎన్నికలు జరుగబోతున్నాయి కాబట్టి ఒక్కసారి ఆలోచించమని కోరుతున్నాను. రుణాల మాఫీ పేరుతో రైతులను, అక్కచెల్లెమ్మలను అడ్డగోలుగా మోసం చేశారు. బాబు వస్తే జాబు ఇస్తానని, రాకపోతే నెల నెల రూ.2 వేల నిరుద్యోగ భృతి ఇస్తామని అడ్డంగా మోసం చేశారు. గిట్టుబాటు ధరలు లేక రైతులు అవస్థలు పడుతున్నారు. రూ. 5 వేల కోట్లతో ధరల స్థిరీకరణ నిధి ఏర్పాటు చేస్తామని రైతులను మోసం చేశారు. తానే ఒక దళారి అయి రైతుల వద్ద నుంచి తక్కువ ధరకు కొనుగోలు చేసి అదే హెరిటేజ్‌ సంస్థలో అధిక రేట్లకు అమ్ముకుంటున్నారు. 
– ఎన్నికల ప్రణాళికలోని ప్రతి పేజీలో ఒ క కులాన్ని, వర్గాన్ని మోసం చేశారు. నాలుగేళ్లుగా చంద్రబాబు పాలనలో పలాని వ్యక్తిని మోసం చేయలేదు అని చెప్పుకోవడానికి ఒక్కరూ లేరు. ఆ రోజు ఎన్నికల సమయంలో పేదవాడికి 3 సెంట్ల స్థలం ఇస్తామన్నారు. నాలుగేళ్లలో ఒక్క ఇల్లు కూడా కట్టించలేదు.
– ఎన్నికలప్పుడు బీసీలపై ప్రేమ అని చంద్రబాబు డ్రామాలాడుతున్నారు. నాలుగు కత్తెర్లు ఇస్తే బీసీలపై ప్రేమ ఉన్నట్లా? ఇంజినీరింగ్‌ ఫీజులు లక్షల్లో ఉంటే రూ.30 వేలు ఇస్తున్నారు. ఆరోగ్యశ్రీని పూర్తిగా నీరుగార్చారు. 108 నంబర్‌కు ఫోన్‌ చేస్తే గతంలో ఓ ధీమా ఉండేది. 
– పైన చంద్రబాబు ఇసుక నుంచి మట్టి, కరెంటు కొనుగోలు, బొగ్గు, మద్యం, కాంట్రాక్టర్లు, రాజధాని భూములు, చివరకు గుడి భూములను దోచేస్తున్నారు. కింద జన్మభూమి కమిటీల పేరుతో తన మాఫియాకు అప్పగించారు. పింఛన్లు, రేషన్‌కార్డులు కావలన్నా లంచాలే. చివరకు మరుగుదొడ్డి కావాలన్నాలంచాలే. 
– సినిమాలలో చంద్రబాబు నటించి ఉంటే మాత్రం ప్రతి సంవత్సరం ఉత్తమ విలన్‌ అనే అవార్డు ఆయనకే దక్కేది. 
– పెడన నియోజకవర్గంలో నాలుగేళ్లుగా ఏం జరుగుతోందో ఆలోచించండి. ఇక్కడి రైతుల పరిస్థితి, వారి సమస్యలు వింటుంటే ఒక సామెత గుర్తుకు వస్తుంది. అమ్మకు అన్నం పెట్టని వాడు పిన్నమ్మకు బంగారు గాజులు కొనిస్తాడట. కృష్ణా డెల్టాకు నీరు ఇవ్వలేని ముఖ్యమంత్రి రాయలసీమకు నీరు ఇచ్చి సస్యశ్యామలం చేశానని చెప్పుకుంటున్నారు. ఇదే రైతుల తరఫున చంద్రబాబును అడుగుతున్నాను. ఆవనిగడ్డ, పెడన ప్రాంతాల్లో నాలుగేళ్లుగా పంటల పరిస్థితి ఏంటి? ఇవాళ రైతులు కాల్వ నీటితో పంటలు వేసుకునే పరిస్థితి లేదు. రెండు పంటలు పండే ఈ ప్రాంతం నాలుగేళ్లుగా బీళ్లుగా మారాయి. మహానేత పాలనలో రెండు పంటలకు నీళ్లు అందేవని రైతులు చెబుతున్నారు. ఒకవైపు పట్టిసీమతో సస్యశ్యామలం అంటున్నారు. నిజంగా పట్టీసిమ కట్టి ఉంటే మా పరిస్థితి ఇలా ఎందుకు ఉంటుందని రైతులు ప్రశ్నిస్తున్నారు.
– పులిచింతల ప్రాజెక్టులో 45 టీఎంసీల నీరు నిల్వ చేసుకోవచ్చు. నాన్నగారి హయాంలో దాదాపుగా పూర్తి అయ్యింది. ఆర్‌ అండ్‌ అర్‌ ప్యాకేజీ కింద తెలంగాణ ప్రభుత్వానికి రూ.144 కోట్లు చెల్లించి ఉంటే ఈ ప్రాంతం సస్యశ్యామలం అయ్యేది. రైతులు అవస్థలు పడుతున్నారు. నీరేమో సముద్రంలో కలిసిపోతోంది.
– చివరి ఆయకట్టుకు నీరిచ్చేందుకు ఉద్దేశించి చేపట్టిన పనులు ఎందుకు ముందుకు సాగడం లేదు. మట్లం వద్ద కొల్లేరు నీటిని ఎత్తిపోతల పథకం ఏర్పాటు చేసి ఉంటే ఈ ప్రాంతం సస్యశ్యామలం అయ్యేది. 
– నాలుగేళ్లలో ఏ ఒక్క పంటకైనా గిట్టుబాటు ధర వచ్చిందా?  చేపలకు, రొయ్యలకు కూడా గిట్టుబాటు ధరలు లేవు. రైతులు నావద్దకు వచ్చి అన్నా..రైతులే కాదు..అక్వా రైతులకు కూడా గిట్టుబాటు ధర లేదని చెప్పారు. 
– వ్యవసాయం 14 శాతం అభివృద్ధితో పరుగులు తీస్తుందని చంద్రబాబు అంటున్నారు. మీ ఆదాయం నిరుడి కంటే ఈ ఏడాది 14 శాతం పెరిగాయా బాబూ? అసలు చంద్రబాబు మనిషేనా? పెడనలో తాగునీటి సమస్య తీవ్రంగా ఉంది. మూడు రోజులకోసారి నీరు ఇస్తున్నారు. సమ్మర్‌ స్టోరేజీ ట్యాంకు కట్టండి అని ప్రజలు అడుగుతుంటే కనీసం పట్టించుకునే పరిస్థితి లేదు. 20 లీటర్ల క్యాన్లు రూ.40 చొప్పున కొంటున్నారు.
– మహానేత వైయస్‌ రాజశేఖరరెడ్డి హయాంలో పెడనలో 8 కాలనీలు ఏర్పాటు చేసి వేలాది పక్క గృహాలు నిర్మించారు. నాలుగేళ్లుగా చంద్రబాబు ఒక్క ఇల్లు కూడా కట్టించలేదు. 
– ఇక్కడ చేనేతలు, మత్స్యకారులు ఎక్కువగా ఉన్నారు. చేనేతలకు ఎన్నికలప్పుడు చంద్రబాబు చెప్పిన మాటలు ఏంటో తెలుసా? 25 హామీలు ఇచ్చారు. మగ్గం మీద కూర్చోని మంచి ఫోజు కొట్టి తన ప్రణాళికలో పెట్టారు. పిల్లలకు ఉచిత చదువుట. రూ.1.50 లక్షలతో ఇల్లు, షెడ్డు అన్నారు. తక్కువ వడ్డీతో రుణాలు అన్నారు. ఏటా రూ.1000 కోట్లు చేనేతలకు అన్నారు. చేనేత రుణాలు మాఫీ అన్నారు. ఇలాంటివి ఎన్నేన్నో..చంద్రబాబు పుణ్యమా అంటూ గతంలో సబ్సిడీ వచ్చేది. ఇవాళ సబ్సిడీ కూడా అందడం లేదు. 
–కళాంకారి వృత్తికి పెడన ఫేమస్‌. శ్రీకాళహస్తి తరువాత పెడన గుర్తుకు వస్తుంది. ఇక్కడి కళాంకారి వృత్తుల అక్కచెల్లెమ్మలు పస్తులు ఉంటున్నారు. మత్స్యకారులు నా వద్దకు వచ్చి అన్నా..ఎన్నికలప్పుడు చంద్రబాబుఅవి  చేస్తాం..ఇవి చేస్తామన్నారు. ఎస్సీలుగా చేస్తామన్నారు. ఈ హామీలను అడిగితే ఇదే పెద్ద మనిషి తాట తీస్తామని బెదిరించారు. అన్యాయంగా బతుకుతున్నామని మత్స్యకారులు అంటున్నారు. ఫిస్సింగ్‌ హాలీడేఅంటూ మమ్మల్ని సముద్రంలోకి పంపించడం లేదు అ ంటున్నారు. ఒక్కసారి సముద్రంలోకి వెళ్తే తిరిగి వస్తామో లేదో తెలియని పరిస్థితి ఉందన్నా అంటున్నారు. కొత్త బోట్లు కొనుగోలు చేసినా కూడా వాటికి డీజిల్‌ సబ్సిడీ ఇచ్చి ప్రోత్సహించాల్సింది పోయి ఇవాళ లైసెన్స్‌ ఇవ్వకుండా అన్యాయం చేస్తున్నారని చెబుతున్నారు.
– ఇలాంటి అన్యాయమైన, అబద్ధపు పాలన చూశారు. ఇలాంటి వ్యక్తిని పొరపాటున క్షమిస్తారా? మోసం చేసే వ్యక్తిని క్షమిస్తే..చంద్రబాబు మీ వద్దకు వచ్చి పెద్ద పెద్ద అబద్ధాలు చెబుతారు. ప్రతి ఇంటికి కేజీ బంగారం ఇస్తామంటారు. బంగారానికి బోనస్‌ అంటారు. ప్రతి ఇంటికి కేజీ బంగారంతో పాటు బెంజి కారు కొనిస్తా అంటాడు. నమ్ముతారా? నమ్మరు కాబట్టి ప్రతి ఇంటికి చంద్రబాబు తన మనిషిని పంపించి రూ.3 వేలు చేతిలో పెడతారు. డబ్బులు మాత్రం వద్దు అనకండి. రూ.5 వేలు కావాలని గుంజండి. ఆ డబ్బంతా మనదే.. మన జేబుల్లో నుంచి లాక్కున్నదే. ఓటు వేసే సమయంలో మాత్రం మీ మనసాక్షి ప్రకారం వేయండి. అబద్ధాలు చెప్పే వారు..మోసం చేసేవారిని బంగాళఖాతంలో కలపండి. 
– చెడిపోయిన ఈ రాజకీయ వ్యవస్థను మార్చేందుకు పాదయాత్రగా బయలుదేరిన మీ బిడ్డను ఆశీర్వదించండి. అప్పుడే ఈ చెడిపోయిన వ్యవస్థలోకి నిజాయితీ, విశ్వసనీయత అనే పదానికి అర్థం వస్తుంది. 

–రేపు పొద్దున దేవుడు ఆశీర్వదించి, మీ అందరి దీవెనలతో మనం ఏం చేస్తామన్నది నవరత్నాలు ప్రకటించాం. ప్రతి ఒక్కరి ముఖంలో చిరునవ్వు చూడాలని ఈ నవరత్నాలు ప్రకటించాం. ఈ సభలో నవరత్నాల్లో నుంచి పేద వాడి చదువుల కోసం ఏం చేస్తామన్నది చెబుతున్నాను.
– మన ప్రభుత్వం అధికారంలోకి వచ్చిన తరువాత మీ పిల్లలను ఏం చదివిస్తారో చదివించండి..ఎన్ని లక్షలు ఖర్చైనా నేను భరిస్తాను. అంతేకాదు..నాన్నగారు పేదవారి కోసం ఒక్క అడుగు ముందుకు వేస్తే..నాన్నగారి కొడుకుగా జగన్‌ అనే నేను రెండు అడుగులు ముందుకు వేస్తాను. హాస్టల్‌లో ఉండి చదివేపిల్లలకు ప్రతి ఏడాది హాస్టల్‌ ఖర్చులు, మెస్‌ చార్జీల కోసం ఏడాదికి రూ.20 వేలు చెల్లిస్తాను. మీ పిల్లలను బడికి పంపిస్తే తల్లి ఖాతలో ప్రతి ఏటా రూ.15 వేలు జమా చేస్తాం. చిట్టి పిల్లలకు మంచి పునాది వేస్తేనే రేపు పొద్దున ఇంజినీర్లు, డాక్టర్లు అవుతారు. అలాగే వైయస్‌ఆర్‌సీపీ అధికారంలోకి వచ్చాక పింఛన్‌ రూ. 2 వేలకు పెంచుతాను. ఎస్సీ, ఎస్టీ, బీసీ, మైనార్టీ మహిళలకు 45 ఏళ్లకే పింఛన్‌ ఇస్తాం. అలాగే పింఛన్‌ వయస్సు 65 ఏళ్ల నుంచి 60 ఏళ్లకే తగ్గిస్తాను. చెడిపోయిన ఈ వ్యవస్థను మార్చేందుకు బయలుదేరిన మీ ముద్దుబిడ్డకు తోడుగా ఉండాలని కోరుతూ సెలవు తీసుకుంటున్నాను. 



 
ప్ర‌త్యేక హోదాకు చంద్ర‌బాబే అడ్డు

Printed on 18-12-2018 21:11:06 PM

ప్ర‌త్యేక హోదాకు చంద్ర‌బాబే అడ్డు


ప‌శ్చిమ గోదావ‌రి:  పార్లమెంటు సాక్షిగా ఇచ్చిన ప్రత్యేక హోదా హామీ అమలు కాకపోవడానికి కారణం ఆంధ్రప్రదేశ్ ముఖ్యమంత్రి చంద్రబాబేనని వైయ‌స్‌ఆర్ కాంగ్రెస్ పార్టీ అధినేత, ప్రతిపక్ష  నాయ‌కులు వైయ‌స్ జగన్‌మోహన్‌రెడ్డి వ్యాఖ్యానించారు. ప్ర‌జా సంక‌ల్ప యాత్ర‌లో భాగంగా సోమ‌వారం విద్యార్థులు, యువ‌కులు వైయ‌స్ జ‌గ‌న్‌ను క‌లిసి ప్ర‌త్యేక హోదా కోసం చేస్తున్న ఉద్య‌మానికి మ‌ద్ద‌తు తెలిపారు. ఈ సంద‌ర్భంగా వైయ‌స్ జ‌గ‌న్ మాట్లాడుతూ.. ఓటుకు కోట్లు కేసులో అడ్డంగా దొరికిపోయిన చంద్రబాబు దాన్నుంచి బైటపడడం కోసం ప్రత్యేక హోదా అంశాన్ని ఫణంగా పెట్టారని  విమర్శించారు.  విభజన వల్ల తీవ్రంగా నష్టపోయిన ఆంధ్రప్రదేశ్‌కి ప్రత్యేక హోదాతోనే సాంత్వన కలుగుతుందని ఆయన పేర్కొన్నారు. 

పార్లమెంటు సాక్షిగా ఆనాడు అధికార పక్షం, మొత్తం ప్రతిపక్షం ఏకమయ్యాయి. విభజనకు అనుకూలంగా ఓటేశాయి. పార్లమెంటు వేదికగా ఆనాడు ప్రత్యేక హోదాకు అన్ని పక్షాలు హామీ ఇచ్చాయి. ఇవాళ అవే పక్షాలు మాట తప్పుతున్నాయి. అలాంటపుడు ఇక పార్లమెంటుకు విశ్వసనీయత ఎక్కడుంటుంది? మేం అడుగుతున్న మౌలికమైన ప్రశ్న ఇది.  రాష్ర్టవిభజనతో హైదరాబాద్‌ను కోల్పోవడం వల్ల ఆంధ్రప్రదేశ్ నష్టపోతోంది. ఎందుకంటే హైదరాబాద్ నుంచే 60శాతం ఆదాయం వస్తుంది. 95శాతానికి పైగా సాఫ్ట్‌వేర్ సంస్థలు, 70శాతానికి పైగా మాన్యుఫ్యాక్చరింగ్ సంస్థలు హైదరాబాద్‌లోనే ఉన్నాయి. వాటిలో ఉపాథి అవకాశాలు కూడా కోల్పోయాం. వీటన్నిటినీ కోల్పోవడం వల్లనే ఆంధ్రప్రదేశ్‌కి ప్రత్యేక హోదా హామీ ఇచ్చారు. అయితే ఇపుడు దాని గురించి ఎవరూ మాట్లాడడం లేదు. ఇపుడు ప్రత్యేక ప్యాకేజీ గురించి మాట్లాడుతున్నారు. 

ప్ర‌త్యేక హోదా కోసం వైయ‌స్ఆర్‌సీపీ ఎంపీలు త‌మ ప‌ద‌వుల‌కు రాజీనామా చేసి ఢిల్లీలో ఆమ‌రణ దీక్ష చేప‌ట్టారు. వీరితో పాటు టీడీపీకి చెందిన ఎంపీలు కూడా త‌మ ప‌ద‌వుల‌కు రాజీనామా చేసి దీక్ష‌లో కూర్చొని ఉంటే కేంద్రం దిగివ‌చ్చేద‌న్నారు. చంద్ర‌బాబు ఆ ప‌ని చేయ‌కుండా ప్ర‌జాధ‌నంతో ఇప్పుడు దొంగ దీక్ష‌లు చేయ‌డం వ‌ల్ల ప్ర‌యోజ‌నం ఉండ‌ద‌న్నారు. ప్ర‌త్యేక హోదా సాధించి తీరుతామ‌ని వైయ‌స్ జ‌గ‌న్ విద్యార్థుల‌కు హామీ ఇచ్చారు. 
ఆరు నెలల ముందు గుర్తొచ్చాయా బాబూ?

Printed on 18-12-2018 21:11:06 PM

ఆరు నెలల ముందు గుర్తొచ్చాయా బాబూ?


– బాబు వస్తే నీరు లేదు..గిట్టుబాటు ధరల్లేవు.. రుణాలు లేవు..రాయితీ లేదు
– బాబు వస్తే వ్యవసాయం దండగా అంటున్నారు
– కోనసీమలో కూడా రబీలో సాగునీరు అందడం లేదు
– కోనసీమ నుంచి వలసలు మొదలయ్యాయి
– చంద్రబాబు ముఖ్యమంత్రిగా కొనసాగడానికి అర్హుడా?
– 108 ఉద్యోగులకు రెండు నెలలుగా జీతాలు లేవు
– బాబు హయాంలో అంబులెన్సులు కరువు
– నాలుగేళ్ల పాలనలో దోపిడీ, అరాచకం, అవినీతి, అన్యాయం, మోసం
– ప్రజలను మోసం చేయడంలో బాబు పీహెచ్‌డీ చేవారు
– నిరుద్యోగ భృతి ఏమైంది బాబు అని నిలదీయండి
– ముద్రగడను , ఆయన కుటుంబాన్ని బాబు అవమానించారు
– మేనిఫెస్టోలో పెట్టింది కాపులు అడిగితే అవమానించారు
– మంజునాథ్‌ కమిషన్‌ రాకముందే అసెంబ్లీలో తీర్మానం చేసి కేంద్రానికి పంపించారు
– బోయలను, మత్స్యకారులను బాబు మోసం చేశారు. 
– తాను చేసిన తప్పును కేంద్రంపై నెట్టారు.
–అక్కచెల్లెమ్మలకు వడ్డీ లేని రుణాలు అందిస్తాం
– ఇళ్లను మహిళల పేరు మీద రిజిస్ట్రేషన్‌ చేయించి ఇస్తాం

తూర్పు గోదావరి: చంద్రబాబు నాలుగేళ్ల పాలనపై వైయస్‌ఆర్‌ కాంగ్రెస్‌ పార్టీ అధ్యక్షులు, ఏపీ ప్రతిపక్ష నాయకులు వైయస్‌ జగన్‌ మోహన్‌ రెడ్డి తీవ్రస్థాయిలో ధ్వజమెత్తారు. ఎన్నికలకు ఆరు నెలల ముందు ఆయనకు అన్నీ గుర్తుకు వస్తున్నాయని మండిపడ్డారు. బాబు నాలుగేళ్ల పాలనలో దోపిడీ, అవినీతి, అక్రమాలు, అబద్ధాలు, మోసాలు అనే పథకాలతో పాలన సాగించారని ఎద్దేవా చేశారు.  ప్రజా సంకల్ప యాత్రలో భాగంగా రాజోలు పట్టణంలో ఏర్పాటు చేసిన బహిరంగ సభలో వైయస్‌ జగన్‌ ప్రసంగించారు. 

– ఈ రోజు దాదాపుగా 40 డిగ్రీల సెంటిగ్రేడ్‌ ఎండలు ఉన్నా కూడా..నాతో పాటు వేలాది మంది అడుగులో అడుగులు వేశారు. ఒకవైపు బాధలు చెబుతూ..అర్జీలు ఇస్తూ..మరోవైపు నా భుజాన్ని తడుతూ అన్నా మేమంతా నీకు తోడుగా ఉన్నామని అడుగులో అడుగులువేశారు. ఏ ఒక్కరికి ఈ ఎండలో నాతో పాటు నడవాల్సిన అవసరం ఏ ఒక్కరికి లేదు. ఈ దుమ్ములో, రోడ్డుపై నిలవాల్సిన అవసరం ఏ ఒక్కరికి లేదు. అయినా కూడా ఇవేవి కూడా లెక్క చేయకుండా చిక్కటి చిరునవ్వులతో ఆప్యాయతలు చూపుతున్నారు. ప్రేమానురాగాలు చూపుతున్నారు. మీ అందరి ప్రేమానురాగాలకు, ఆత్మీయతలకు ప్రతి ఒక్కరికి పేరు పేరున కృతజ్ఞతలు.
– కోనసీమ అంటే బయట ప్రపంచానికి చాలా సంపదలు ఉన్న ప్రాంతంగా కనిపిస్తోంది. కానీ ఇక్కడికి వచ్చి చూస్తే వాస్తవాలు వేరేలా ఉన్నాయి. ఈ నాలుగేళ్ల చంద్రబాబు పాలనలో ఏ ఒక్కరూ కూడా సంతోషంగా లేరు. రబీ సీజన్‌లో సాగునీరు అందడం లేదు. కొబ్బరికి రేట్‌ లేదు. పరిశ్రమలు లేవు. కనీసం తాగేందుకు కూడా నీరు లేని దుస్థితి నెలకొంది. బతకడానికి జిల్లా కాదు..ఏకంగా దేశం వదలి గల్ఫ్‌ దేశానికి వెళ్తున్నారు. ఇక్కడి ప్రజలు అంటున్నారు..అన్నా..బాబు వస్తే మాకు తాగేందుకు నీరు రాదనన్నా..మా పంటలకు రేట్లు ఉండవు అంటున్నారు. అన్నా..బాబు వస్తే రుణాలు రావన్నా..ఆయన వస్తే కనీసం రుణాలపై వడ్డీ రాయితీ కూడా రావడం లేదన్నా..బాబు వస్తే వ్యవసాయం దండగగా మారుతుందన్నా..రైతు గుళ్ల అవుతున్నాడన్నా అంటున్నారు.
– రాజోలు నియోజకవర్గంలో 30 వేల ఆయకట్టు భూములకు నీరు అందక రైతులు ఇబ్బందులు పడుతున్నా పట్టించుకునే నాథుడు లేడు. సాగునీరు సరిగా అందక వ్యవసాయం చేయడమే కష్టంగా మారిందని అంటున్నారు. ఏదోరకంగా ఆ రైతు పంటను కాపాడుకుని పంటను మార్కెట్‌కు తీసుకొస్తే ..రేట్లు లేవు. వరి రూ.1130 కొనే నాథుడు లేడు. కొనుగోలు కేంద్రాలను హాస్యాస్పదంగా మార్చారు. ధాన్యం పూర్తిగా వ్యాపారుల చేతికి వెళ్లాక కొనుగోలు కేంద్రాలు తెరుస్తున్నారు. టీడీపీ నాయకులకు మాత్రమే రేట్‌ వచ్చేలా చేస్తున్నారు. చివరికి కొబ్బరి పరిస్థితి చూస్తే ..అన్నా..చంద్రబాబు సీఎం అయ్యాక మా ఖర్మ చూడండన్నా..కొబ్బరి రేటు సగానికి పడిపోయిందని చెబుతున్నారు. ఇవాళ పరిస్థితి ఒక్కసారి చూడండి అన్నా..వెయ్యి కొబ్బరి కాయలకు గతంలో రూ.14500 ఉంటే, ఈ ఏడాది రూ.9 వేలకు కూడా కొనడం లేదని చెబుతున్నారు. కొబ్బరిపై ఆధారపడ్డ కూలీల పరిస్థితి దారుణంగా మారింది. అర్ధరూపాయి రేటుతో గిట్టుబాటు కాక కూలీలు వలసలు వెళ్తున్నారు. తీరా పరిస్థితి ఇంత దారుణంగా ఉంటే మరో పక్కా జీఎస్‌టీ రూపంలో 5 శాతం ట్యాక్స్‌ వేశారు. దాన్ని తీసేయమని చంద్రబాబు కేంద్రాన్ని అడగడానికి మనసు రాదు. 
– ఆరోజుల్లో నాన్నగారి పాలనను ఇక్కడి ప్రజలు గుర్తుకు తెచ్చుకుంటున్నారు. వైయస్‌ రాజశేఖరరెడ్డి హాయంలో కొబ్బరిపై ఉన్న 4 శాతం పన్నును రద్దు చేశారని గుర్తుకు తెచ్చుకుంటున్నారు.
– దారిలో తమలపాకుల రైతుల పరిస్థితి చాలా అధ్వాన్నంగా ఉంది. తమలపాకుల రేట్లు దారుణంగా తగ్గిపోయింది. మరోవైపు కమీషన్ల పేరుతో దళారులు దోచుకుంటున్నారు. ప్రభుత్వం పట్టించుకునే పరిస్థితి ఎక్కడా లేదు.
– అన్నా..ఇదే నియోజకవర్గంలో దాదాపుగా 10 వేల ఎకరాల్లో రొయ్యల సాగు చేస్తున్నారు. చంద్రబాబు పరిపాలన పుణ్యమా అని పంటలకే కాదు..నీళ్లలోని చేపలు, రొయ్యలకు కూడా రేట్లు లేవని వాపోతున్నారు. ప్రజా సంకల్ప యాత్రలో నేను పాదయాత్ర చేస్తూ రైతుల బాధలు చూసి రొయ్యల రైతులకు రూపాయినరకే కరెంటు ఇస్తానని ప్రకటిస్తే..జగన్‌ చెప్పేంత వరకు చంద్రబాబుకు ఈ రైతులు గుర్తుకు రారు.
– సరుగుడు రైతుల పరిస్థితి అలాగే ఉంది. రూ.12 వేలు ఉన్న టన్ను సరుగుడు..ఇవాళ రూ.8 వేలు కూడా లేదని చెబుతున్నారు. నాలుగేళ్ల చంద్రబాబు పాలనలో ఒక్క పంటకైనా గిట్టుబాటు ధర వచ్చిందా? అని అడుగుతున్నాను. గిట్టుబాటు ధరలు రాకపోవడానికి దళారీలకు చంద్రబాబే నాయకుడిగా ఉండటమే. హేరిటేజ్‌ కంపెనీ రైతుల నుంచి తక్కువ ధరలకు కొనుగోలు చేసి వాటిని ప్యాక్‌ చేసి రైతుల కంటే మూడు రేట్లకు ఎక్కువగా రైతులకే అమ్ముతున్నారు. ఏ పంటకు కూడా రేట్‌ రాకుండా చేస్తున్నారు.
– ఈ ప్రాంతం నుంచి ౖచూస్తే పి.గన్నవరం, అమలాపురం నియోజకవర్గాల నుంచి దాదాపు 40 వేల మంది గల్ఫ్‌ దేశాలకు వలస వెళ్లారు. వీరి గురించి ప్రభుత్వం పట్టించుకోలేదు. గల్ఫ్‌ దేశాల్లో వారు పడుతున్న బాధలు నాతో పంచుకుంటున్నారు. సురేష్‌ గౌడు అనే వ్యక్తి వచ్చి అన్నా..నేను గల్ఫ్‌ నుంచి ఎలా వచ్చానో తెలియదన్నా అని చెప్పారు. మా ఎంపీ విజయసాయిరెడ్డికి ఆదేశించడంతో గల్ఫ్‌ దేశాల్లో ఉన్న ఈ ప్రాంతం ప్రజల గురించి వాకాబు చేశారు. ఇక్కడి నుంచి గల్ప్‌ దేశాలకు తీసుకెళ్తున్న ఏజెన్సీలను ఏ నాడు ప్రశ్నించడం లేదు. ఇటువంటి పరిస్థితిని కట్టడి చేయాల్సిన చంద్రబాబు పూర్తిగా గాలికి వదిలేశారు
– రాజోలు ప్రాంతంలో తాగడానికి నీరు లేదు. బోర్లు వేస్తే ఉప్పునీరు. ఆయిల్‌ కంపెనీల కారణంగా కలుషిత నీరు వస్తోంది. మహానేత ఏర్పాటు చేసిన మంచినీటి పథకాలను సక్రమంగా నిర్వహించడం లేదు. గుడిమల్కాపురం నుంచి పైప్‌లైన్‌ వేసి మంచినీటిని సరఫరా చేసేవారు. మహానేత చనిపోయిన తరువాత మంచినీటిని కూడా ఇవ్వలేని దుస్థితి నెలకొంది. వైయస్‌ఆర్‌ హయాంలో రామేశ్వరం, అంతర్వేది పాలెంలో తాగునీటి పథకాలు ఏర్పాటు చేసి దాహర్తి తీర్చారు. ఈ పథకాలను కూడా ఈ ప్రభుత్వం పట్టించుకోవడం లేదు. రాజోలులోని నీటి శుద్ధి కార్యక్రమాన్ని అసలు పట్టించుకోవడం లేదు. చంద్రబాబు మాత్రం రూ.2 లీటర్‌ మంచినీళ్లు అని గొప్పలు చప్పారు. ఎక్కడైనా ఇచ్చాడా అని అడుగుతున్నాను. తాగునీటిని కొని తాగుతున్నారు.
– వశష్ట గోదావరిపై సఖినేనిపల్లి బ్రిడ్జి కట్టిస్తానని చంద్రబాబు ఎన్నోమార్లు హామీ ఇచ్చారు. రెండేళ్ల క్రితమే ఈ బ్రిడ్జి పనులు ప్రారంభమయ్యాయని టీడీపీ నాయకులు స్వీట్లు పంచుకున్నారు. ఎక్కడైనా కనిపించిందా? రాజోలులో 50 పడకల ఆసుపత్రి ఏర్పాటు చేస్తామన్నారు. ఈ ఆసుపత్రిలో కనీసం గైనకాలజిస్టు లేరు. జనరల్‌ సర్జరీ డాక్టర్లు లేని పరిస్థితితో ఇవాళ రాజోలు నగరం ఉంది. 
– ఈ రోజు నా వద్దకు 108 ఉద్యోగులు వచ్చారు. అన్నా..నాన్నగారి హయాంలో మండలానికి ఒక అంబులెన్స్‌ ఉండేది. ఇ వాళ నియోజకవర్గంలో ఒక్క అంబులెన్స్‌ కూడా కష్టమే అంటున్నారు. రాజోలులో ఉన్న ఒకే ఒక అంబులెన్స్‌ ఇవాళ షెడ్యుల్‌లో ఉంది. జీతాల మోహం చూసి రెండు నెలలు అవుతుందని సిబ్బంది అంటున్నారు. రాష్ట్రంలో పరిస్థితి ఎలా ఉందో ఈ పరిస్థితి చూస్తే తెలుస్తోంది.
– చంద్రబాబు మాత్రం ఏమంటారు? 2029కి దేశంలోనే ఏపీ నంబర్‌ అంటారు. 2050కి ప్రపంచంలోనే నంబర్‌ వన్‌ చేస్తామంటారు. ఆయనను ఇంకా ఆయన పరిపాలన చూసి భరించగలమా? చంద్రబాబును చూస్తే ఒక చిన్న కథ గుర్తుక వస్తుంది. ఆ కథేంటంటే..
– అనగనగా చంద్రబాబు లాంటి ఓ స్టూడెంట్‌ ఉండేవారు. ఆయన పరీక్ష రాయడానికి వెళ్లాడు. పరీక్ష ప్రారంభమై రెండు గంటలు అయిపోయింది. రెండున్నర సమయం అయిపోయిన తరువాత అప్పుడు ఈ స్టూడెంట్‌ లేచి మాస్టర్‌ వద్దకు వెళ్లి ..మాస్టర్‌ మాస్టర్‌ నాకు మరో మూడు గంటల సమయం కావాలని అడిగారట. ఇదేంటయ్య బాబూ..రెండున్నర గంటలు ఏం చేశావని మాస్టర్‌ అడిగారట. ఇవాళ మాస్టర్‌ లాంటి ప్రజలు చంద్రబాబును నాలుగేళ్లలో ఏం చేశారని ప్రశ్నిస్తే..ఆయన మాత్రం నాకు ఇంకా కొంత టైం ఇస్తే వందకు వంద మార్కులు తెచ్చుకుంటానని చంద్రబాబు లాంటి స్టూడెంట్‌ మాస్టర్‌కు చెప్పాడట. మరో ఆరు నెలల్లో ఎన్నికలు రాబోతున్నాయి. ఈ నాలుగేళ్లలో చంద్రబాబు దోపిడీ, అరాచకాలు, అక్రమాలు, అవినీతి, అన్యాయం..ఈ ఐదు స్కీమ్‌లు చేసి..మరోసారి అవకాశం ఇస్తే ప్రపంచంలోనే నంబర్‌ వన్‌గా చేస్తానని చెబుతున్నారు. ఇటువంటి పరిస్థితిలో చంద్రబాబు పాలనకు సంబంధించి ఒక్కసారి ఆలోచన చేయండి.
– మొట్టమొదటి సంతకం రైతుల రుణాలన్నీ మాఫీ అన్నారు. రుణాల మాఫీ కథ దేవుడెరుగు..వ్యవసాయం మాఫీ అయ్యింది. బ్యాంకుల్లో పెట్టిన బంగారం ఇంటికి రావాలంటే బాబు ముఖ్యమంత్రి కావాలన్నారు. బ్యాంకుల నుంచి బంగారం ఇంటికి రావడం లేదు..నేరుగా నోటీసులు వస్తున్నాయి. ఇవాళ రైతులకు వడ్డీలకు కూడా రుణమాఫీ సరిపోవడం లేదు. రైతులు అప్పులు తీర్చలేక ఆత్మహత్యలు చేసుకుంటున్నారు.
– ఇంటికో ఉద్యోగం, అది వచ్చే వరకు నెలకు రూ.2 వేల నిరుద్యోగ భృతి అని చంద్రబాబు ఎన్నికల ముందు అన్నారు. ఇంటింటికి మనిషిని పంపించి లేఖలు పంపించారు. మళ్లీ ప్రజలను మోసం చేయడానికి ఆరు నెలల్లో ఎన్నికలు రాబోతుండగా అదిగో భృతి..ఇదిగో చేశా అని డ్రామాలు. 
– పొదుపు సంఘాలను నేనే కనిపెట్టానని చంద్రబాబు ఆ రోజు చెప్పారు. పొదుపు రుణాలు పూర్తిగా మాఫీ కావాలంటే బాబు ముఖ్యమంత్రి కావాలన్నారు. ఒక్క రూపాయి అయినా మాఫీ అయ్యిందా? కాకపోగా బ్యాంకులోళ్లు నేరుగా ఇంటికి వస్తున్నారు. విఫరీతంగా టీవీ అడ్వర్‌టైజ్‌మెంట్లు ఇచ్చారు. ఆయనొస్తున్నారని ప్రచారం చేశారు. మంగళసూత్రం తెంచుకుపోతుంటే ఆయన వస్తున్నారని గొప్పలు చెప్పించారు. ఆయన వచ్చిన తరువాత ఎవరైనా బాగుపడ్డారా? ఇంత దారుణంగా అబద్ధాలు ఆడుతున్న ఈ పెద్ద మనిషి ఎవర్ని వదిలిపెట్టలేదు. ప్రతి కులానికి ఒక పేజీ పెట్టి ఏ రకంగా మోసం చేయగలమని పీహెచ్‌డీ చేసి మేనిఫెస్టో రూపొందించారు. ఈ రోజు ఆ మేనిఫెస్టో ఎక్కడ ఉందో కనిపించదు. ఎన్నికల ప్రణాళికలో ఇచ్చిన వాగ్ధానం నెరవేర్చు అని కాపులు అడిగితే చంద్రబాబు ఏమంటారో తెలుసా? కాపులను ఆయన అవమానించారు. ముద్రగడ్డ పద్మనాభంను ఇంట్లో పెట్టి అదే పెద్దాయన కళ్లేదుటే ఆయన భార్య, కుటుంబ సభ్యులతో అమర్యాదగా ప్రవర్తించే కార్యక్రమాలు చేపట్టారు. కంచాలు మోగించినందుకు అందరిపై కేసులు పెట్టించారు. మోసం చేసే దాంటో ఒక అడుగు ముందుకు వేస్తూ..కాపుల కోసం మంజునాథన్‌ అనే కమీషన్‌ వేశారు. ఆ కమిషన్‌ రిపోర్టు రాకముందే అసెంబ్లీలో ఒక తీర్మానం చేసి కేంద్రానికి నివేదిక పంపించి చేతులు దులుపుకున్నారు. బోయలను ఎస్టీ జాబితాలో చేర్చేందుకు మరో తీర్మానం చేసి వదిలేశారు. మత్స్యకారులను ఎస్సీలుగా చేర్చుతామని చెప్పారు. వారు వెళ్లి అడిగితే తాట తీస్తామని బెదిరించారు. నిన్న నాయీ బ్రాహ్మణులు టీడీపీ మేనిఫెస్టోలోని పేజీ నంబర్‌ 22లో మీరే చెప్పిన హామీని నెరవేర్చాలని అడిగితే వారిని అవమానించేలా మాట్లాడారు, ముఖ్యమంత్రి స్థాయిలో ఉన్న వ్యక్తి తాట తీస్తానని బెదిరించారు. ఈ పెద్ద మనిషి మోసం చేయడమే కాకుండా తోక కత్తరిస్తానని హెచ్చరించారు. ఇలాంటి వ్యక్తి ముఖ్యమంత్రిగా అర్హుడా? 
– మోసం చేయడం పీహెచ్‌డీ చేసిన వ్యక్తి ఇవాళ అయ్యే పింఛన్లు రావడం లేదా అంటున్నారు. ఆరు నెలల్లో ఎన్నికలు వస్తున్నాయని అయ్యే..రేషన్‌కార్డు లేదా? ఆఫీసర్‌కు తోలు తీస్తానని హెచ్చరించారు. బియ్యం ఇవ్వడం లేదా అంటున్నారు. ఇల్లు లేవా అంటూ ఇళ్ల స్థలాలు ఇవ్వలేదా అంటున్నారు. అయ్యే ఆకలిగా ఉందా? అన్నా క్యాంటిన్లు ఏర్పాటు చేస్తా అంటారు. మంచినీరు అందడం లేదా..నాకు ఇప్పుడే తెలిసింది..అధికారులకు క్లాస్‌ పీకుతా అంటారు. ఆరు నెలల ముందు కరెంటు చార్జీలు తగ్గిస్తా అంటారు. విభజన హామీలు అమలు చేయడం లేదా అయితే కేంద్రం నుంచి వెనక్కి వస్తా అంటారు. పోలవరం  డయఫ్రం వాల్‌కు శంకుస్థాపన చేసి జాతికి అంకితం చేశారు. నరేంద్ర మోడీ అక్కడి కనిపిస్తే..ఇక్కడ వంగి దండాలు పెట్టారు. ఇట్లాంటి పాలన నాలుగేళ్లలో చూస్తున్నాం. ఈ చెడిపోయిన రాజకీయ వ్యవస్థలోకి విలువలు, విశ్వసనీయత అన్న పదాలకు అర్థం రావాలి. ఎవరైనా రాజకీయాల్లో హామీ ఇచ్చి నెరవేర్చకపోతే తన పదవికి రాజీనామా చేసి ఇంటికి వెళ్లాలి. ఈ వ్యవస్థలో మార్పు రావాలంటే వైయస్‌ జగన్‌కు మీ అందరి తోడు, దీవెనలు కావాలి. అప్పుడే ఈ వ్యవస్థలో విశ్వసనీయత, నిజాయితీ అన్న పదాలకు అర్థం వస్తుంది.
– పొరపాటున చంద్రబాబును క్షమిస్తే..రేపు పొద్దున ఎన్నికల సమయంలో మీ వద్దకు వచ్చి ఏం చేస్తారో తెలుసా? రేపు ఎన్నికల్లో ఈ సారి నాకు ఓటు వేయండి..ప్రతి ఇంటికి కేజీ బంగారం ఇస్తామంటారు. నమ్ముతారా? నమ్మరని ఆయనకు తెలుసు కాబట్టి..ప్రతి ఇంటికి బెంజి కారు అంటారు. నమ్మరని ఆయనకు తెలుసు..కాబట్టి ఏం చేస్తారో తెలుసా? ప్రతి ఇంటికి ఒక మనిషిని పంపిస్తారు. ఆ మనిషి మీ ఇంటికి వచ్చి ప్రతి చేతిలో రూ.3 వేలు డబ్బు పెడతారు. డబ్బు ఇస్తే మాత్రం వదనకండి. రూ.5 వేలు కావాలని గుంజండి. ఆ డబ్బంతా మనందే. కానీ ఓటు వేసేటప్పుడు మాత్రం మనసాక్షి ప్రకారం వేయండి. అబద్ధాలు చెప్పేవారిని, మోసం చేసేవారిని బంగాళఖాతంలో కలిపే పరిస్థితి రావాలి. అప్పుడే ఈ వ్యవస్థలో మార్పు వస్తుంది.
– రేపు పొద్దున ఈ ప్రభుత్వం పోయి..మనందరి ప్రభుత్వం వచ్చాక ఏం చేస్తామన్నది చెప్పేందుకు నవరత్నాలు ప్రకటించాం. ఈ పథకాల్లోని కొన్ని అంశాలనే ప్రతి మీటింగ్‌లో చెబుతున్నాను. ఈ రోజు అక్కచెల్లెమ్మల కోసం ఏం చేస్తామన్నది చెబుతాను.
– చంద్రబాబు పాలనలో అక్కచెల్లెమ్మల పరిస్థితి దాయణీయంగా ఉంది. బ్యాంకు గడప ఎక్కలేకపోతున్నారు. వడ్డీలపై వడ్డీలు చెల్లించలేక అవస్థలు పడుతున్నారు. ఇదే అక్కచెల్లెమ్మల పరిస్థితి ఆ దివంగత నేత వైయస్‌ రాజశేఖరరెడ్డి పాలనలో ఎలా ఉండేదో గుర్తుకు తెచ్చుకోండి. అక్కచెల్లెమ్మలు సంతోషంగా ఉంటే ఇళ్లంతా సంతోషంగా ఉంటుందని మహానేత అనేవారు. అక్కచెల్లెమ్మలు లక్షాధికారులు కావాలని, తమ కాళ్లపై తాము నిలబడే పరిస్థితి రావాలని, బ్యాంకుల నుంచి లక్షల్లో రుణాలు ఇచ్చినప్పుడు, ఆ రుణాలపై వడ్డీలు భారం కాకూడదని మహానేత భావించారు. చంద్రబాబు పొదుపు రుణాలు మాఫీ చేస్తామన్న మాట  అన్యాయమైతే..ఆయన చేసిన మరో మోసం ఏంటో తెలుసా? గత ప్రభుత్వాలు డ్వాక్రా రుణాలు, రైతుల రుణాలపై వడ్డీ డబ్బులు బ్యాంకులకు కట్టేవి. ఇవాళ చంద్రబాబు వడ్డీ డబ్బులు బ్యాంకులకు కట్టడం లేదు. 
– రేపు పొద్దున మనందరి ప్రభుత్వం అధికారంలోకి వచ్చిన తరువాత ప్రతి అక్క చెల్లెమ్మకు చెబుతున్నాను. ఎన్నికల నాటికి ఎంతైతే బ్యాంకుల్లో అప్పు ఉంటుందో ఆ అప్పంతా నేరుగా అక్కచెల్లెమ్మలకే నాలుగు దఫాలుగా ఇస్తాం. అంతేకాకుండా అక్కచెల్లెమ్మలు లక్షాధికారులు అయ్యేవిధంగా వడ్డీ లేకుండా రుణాలు ఇప్పించే కార్యక్రమం చేస్తాం. వడ్డీ డబ్బులుప్రభుత్వమే బ్యాంకులకు చెల్లిస్తుందని మాట ఇస్తున్నాను. దీనివల్ల అక్కచెల్లెమ్మలకు ఊరట కలుగుతుంది.
– రెండో మంచి కార్యక్రమం ఏంటంటే..నాలుగేళ్ల చంద్రబాబు పాలనలో ఒక్కసెంట్‌ స్థలం కూడా ఇవ్వలేదు. ఇల్లు కట్టించలేదు. ఆ రోజు దివంగత ముఖ్యమంత్రి వైయస్‌ రాజశేఖరరెడ్డి పాలనను గుర్తుకు తెచ్చుకోమని చెబుతున్నాను. నాన్నగారు రాష్ట్రంలో 48 లక్షల ఇల్లు కట్టి దేశంతో పోటీ పడ్డారు. ఇదే నియోజకవర్గంలో వైయస్‌ఆర్‌ 20 వేల ఇల్లు కట్టించారు. ఇల్లు లేని ప్రతి నిరుపేదకు చెబుతున్నాను. దివంగత ముఖ్యమంత్రి వైయస్‌ రాజశేఖరరెడ్డి పేదవాడి కోసం ఒక్క అడుగు ముందుకు వేస్తే..ఆయన కొడుకుగా రెండు అడుగులు ముందుకు వేస్తాను. ప్రతి పేదవాడికి ఇల్లు కట్టిస్తాను. ఆ ఇల్లు అక్క చెల్లెమ్మ పేరుతో రిజిస్ట్రేషన్‌ చేయిస్తాను. ఆ ఇల్లు ఒక ఆస్తిగా వస్తుంది. ఎప్పుడైనా హఠాత్తుగా డబ్బుతో అవసరం పడినప్పుడు అక్కచెల్లెమ్మలు నేరుగా బ్యాంకు వెళ్లి రుణం తీసుకునేందుకు పావలా వడ్డీకే రుణం ఇప్పిస్తాం.
– మూడో కార్యక్రమం ఏంటంటే..చంద్రబాబు ఎన్నికలకు ముందు పిల్లలు తాగి చెడిపోతున్నారని చెప్పారు. అధికారంలోకి రాగానే బెల్టుషాపులు మూసేస్తా అన్నారు. నాలుగేళ్ల కాలంలో మందు షాపు లేని గ్రామం ఉందా ? . ఫోన్‌ కొడితే ఎవరూ మినరల్‌ వాటర్‌ తీసుకురావడం లేదు. కానీ మద్యం బాటిల్‌ తెస్తున్నారు. పిల్లలను చెడిపోయే పరిస్థితిలోకి చంద్రబాబు దగ్గరుండి చెడగొడుతున్నారు. రేపు పొద్దున దేవుడు ఆశీర్వదించి..మనందరి ప్రభుత్వం అధికారంలోకి వచ్చాక మద్యాన్ని విడతల వారిగా నిషేదిస్తాం. మందు తాగాలంటే ఫైవ్‌ స్టార్‌ హోటల్‌లో వెళ్లి తాగేలా కఠినంగా చట్టం చేస్తాం. మళ్లీ ఐదేళ్ల తరువాత మద్యాన్ని తీసేసి మీ వద్దకు వస్తాను. ఇందులో ఎవరైనా సలహాలు, సూచనలు ఇవ్వాలనుకుంటే నేను ఎక్కడ ఉంటానో మీ అందరికి తెలుసు. ఈ చెడిపోయిన వ్యవస్థను మార్చేందుకు పాదయాత్రగా బయలుదేరిన మీ బిడ్డను ఆశీర్వదించమని పేరు పేరున హృదయపూర్వకంగా కృతజ్ఞతలు చెబుతూ సెలవు తీసుకుంటున్నా...
 
చంద్రబాబు రౌడీయిజాన్ని ప్రోత్సహిస్తున్నారు

Printed on 18-12-2018 21:11:06 PM

చంద్రబాబు రౌడీయిజాన్ని ప్రోత్సహిస్తున్నారు

–  ప్రబోదానంద ఆశ్రమ భక్తులకు అండగా ఉంటా
– వైయస్‌ జగన్‌ మోహన్‌ రెడ్డి హామీ
విశాఖ: రాష్ట్రంలో శాంతిభద్రతలు కరువయ్యాయని, ముఖ్యమంత్రి చంద్రబాబే రౌడీయిజాన్ని ప్రోత్సహిస్తున్నానని ఏపీ ప్రతిపక్ష నేత వైయస్‌ జగన్‌ మండిపడ్డారు. అనంతపురం జిల్లాలోని శ్రీ ప్రబోదానంద స్వామి ఆశ్రమ భక్తులకు అండగా ఉంటానని ఆయన  హామీ ఇచ్చారు. సోమవారం ప్రజా సంకల్ప యాత్రలో  వైయస్‌ జగన్‌ను అనంతపురం జిల్లాలోని  ప్రభోదానందస్వామి ఆశ్రమ భక్తులు కలిశారు. తమపై జేసీ వర్గీయులు దాడి చేశారని జననేతకు ఫిర్యాదు చేశారు. భక్తులు విశాఖపట్నం వచ్చి ఆశ్రమంపై టీడీపీ నేతలు అనుసరిస్తున్న తీరును ఫిర్యాదు చేస్తున్నారంటే అక్కడ పరిస్థితి ఎలా ఉందో అర్థం చేసుకోవచ్చు అన్నారు. రాష్ట్రంలో లా అండ్‌ ఆర్డర్‌ ఎంత దయానీయంగా ఉందో చెప్పడానికి ఇదే నిదర్శనమన్నారు. తాడిపత్రిలో ఒక రౌడీ రాజ్యం చెలరేగిపోతుందని మండిపడ్డారు. ముఖ్యమంత్రి చ ంద్రబాబు రౌడీయిజం చేసేవారిని కట్టడి చేయకుండా ప్రోత్సíßస్తున్నారని విమర్శించారు. పశ్చిమ గోదావరి జిల్లాలో టీడీపీ ఎమ్మెల్యే చింతమనేని ప్రభాకర్‌ దౌర్జన్యంగా ఇసుక తరలిస్తు ప్రశ్నించిన తహశీల్దార్‌ను జుట్టు పట్టుకుని కొట్టారని గుర్తు చేశారు. తాడిపత్రిలో స్వామి ఆశ్రమంలోని చొరబడి భక్తులను, ఆడవాళ్లని కూడా చూడకుండా దాడి చేశారన్నారు. అలాంటి వారికి చంద్రబాబు దగ్గరుండి సపోర్టు చేయడం దారుణమన్నారు. ఇలాంటి సంఘటనలు జరుగకుండా ఉండాలంటే బాధ్యుౖలñ న ఎమ్మెల్యేలు, ఎంపీలను జైల్లో పెట్టి శిక్షించాలన్నారు. ఆశ్రమ  భక్తులకు, స్వామిజీకి వైయస్‌ఆర్‌సీపీ అన్ని రకాలుగా తోడుగా ఉంటుందని వైయస్‌ జగన్‌ హామీ ఇచ్చారు. అన్యాయం అన్నదానికి ఎప్పుడో ఒకరోజు ఫుల్‌ స్టాఫ్‌ పడుతుందని, మంచి జరుగుతుందని జననేత భరోసా కల్పించారు.
 
కుమ్మరి కులస్తుల పట్ల టీడీపీ ప్రభుత్వం చిన్నచూపు..

Printed on 18-12-2018 21:11:06 PM

కుమ్మరి కులస్తుల పట్ల టీడీపీ ప్రభుత్వం చిన్నచూపు..
కుండల తయారీ విధానాన్ని పరిశీలించిన ప్రతిపక్ష నేత వైయస్‌ జగన్‌
విజయనగరంః ప్రభుత్వం నుంచి ప్రోత్సహం అందడంలేదని కుమ్మరి కులస్తులు ఆగ్రహం వ్యక్తం చేశారు.రంగరాయపురంలో వైయస్‌ జగన్‌కు తమ  సమస్యలు చెప్పుకున్నారు.వైయస్‌ జగన్‌మోహన్‌ రెడ్డి దగ్గరుండి కుండల తయారీ విధానాన్ని పరిశీలించి వారితో మాట్లాడారు. ఈ సందర్భంగా కుమ్మరి కులస్తులు కుండల తయారీకి మట్టి కూడా లభించడంలేదని ఆవేదన వ్యక్తం చేశారు. ఉపాధి లేక వలసవెళ్తున్నామన్నారు. ట్రాక్టర్‌ మట్టిని  పదిహేను వందల పెట్టి కొనుగోలు చేయాల్సివస్తుందన్నారు. ఇటుకలు, కుండలు తయారీ చేసుకోవడానికి కనీసం 5 ఎకరాలు స్థలం ఇప్పించాలని జగన్‌ను కోరారు. 25 సంవత్సరాలుగా ఇబ్బందులు ఎదుర్కొంటున్నామని, చదువుకున్న యువతకు ఉద్యోగాలు అవకాశాలు లేక కుమ్మరి వృత్తిలో కొనసాగాల్సివస్తుందని వాపోయారు. కుమ్మరి కులస్తులను బిసి(బి)నుంచి బిసి(ఎ) మార్పు చేయాలని కోరారు. కుమ్మరి కులస్తులకు దివంగత మహానేత వైయస్‌ రాజశేఖర్‌ రెడ్డి హయాంలోనే మేలు జరిగిందన్నారు. కుమ్మరుల అభివృద్ధికి ఫెడరేషన్‌ ఏర్పాటుచేశారన్నారు. వైయస్‌ జగన్‌ సానుకూలంగా స్పందించి వైయస్‌ఆర్‌సీపీ అధికారంలోకి వచ్చిన వెంటనే న్యాయం చేస్తామని భరోసా ఇచ్చారు.