Printed on 26-05-2018 12:01:26 PM

ఇంటికో ఉద్యోగం ఇస్తామన్నారు
 
చిత్తూరు :‘జాబు రావాలంటే బాబు రావా లి.. అని మమ్మల్ని మోసంచేసినారు. ఇంటికో ఉద్యోగం ఇస్తామన్నారు. మా ఊర్లో ఏ ఒక్క కుటుం బానికీ ఈ నాలుగేళ్లలో ఉద్యోగం రాలేదు. డిగ్రీ చేసిన వాళ్లకు నెలనెలా భృతి ఇస్తామన్నారు. అది కూడా ఇవ్వలేదు. ఇప్పుడు చెబతా ఉండామన్నా... జాబు రావాలంటే బాబు పాలన పోవాలి..’ అంటూ అగ్గిచేనుపల్లెకు చెందిన యువకులు వైయ‌స్‌ జగన్‌మోహన్‌రెడ్డి వద్ద వాపోయారు. చంద్రబాబు నాయుడు ముఖ్యమంత్రి అయిన తరువాత నెరవేర్చని హామీలను ప్లకార్డుల రూపంలో ప్రజాసంకల్పయాత్రలో ప్రదర్శించారు. హామీలను అమల్లోకి తీసుకొచ్చేలా ప్రభుత్వంపై ఒత్తిడి తీసుకురావాలని కోరారు
మోసపోయి ఓట్లు వేశాం

Printed on 26-05-2018 12:01:26 PM

మోసపోయి ఓట్లు వేశాం

నెల్లూరు: బాబు వస్తే జాబు వస్తుందని మోసపోయి ఓట్లు వేశాం. ఒక్క ఉదోగ్యం కూడా ఇవ్వలేదు అంటూ నిరుద్యోగ యువత ‘బాబు వస్తే జాబు అన్నావు.. జాబు ఎక్కడ బాబూ’ అనే నినాదం ఉన్న ప్లకార్డులతో వైయ‌స్‌ జగన్‌మోహన్‌రెడ్డి ఎదుట తమ బాధను వ్యక్తం చేశారు. ప్రజాసంకల్ప యాత్రలో భాగంగా సోమవారం చెన్నూరు ప్రాంతంలో పెద్ద ఎత్తున యువత వైయ‌స్‌ జగన్‌మోహన్‌రెడ్డిని కలిసి తమ గోడు వెళ్లబోసుకున్నారు. సీఎం ప్రకటించిన నిరుద్యోగ భృతి కూడా ఇప్పటి వరకు అందలేదని వాపోయారు. ప్రత్యేక హోదా ఉంటే ఇలాంటి బాధలు ఉండేవి కావని, దీనికి కోసం శ్రమిస్తామని యువకులు పెద్ద ఎత్తున నినాదాలు చేశారు.